ຂໍຂອບໃຈມາຍັງ WSA Lao ໂດຍສະເພາະ Expert WSA ປະຈຳ ສປປລາວ ທ່ານ Thanongsack Souksavat ທີ່ຄັດເລືອກຜົນງານ ແພັດຟອມ ບັດຄົນພິການ LDPS ໃຫ້ທາງຄະນະກຳມະການ WSA Global ໃນຄັ້ງນີ້ ຮັບຊົມວິດີໂອ ? https://youtu.be/B9g6nVZr2bI The World Summit Awards (WSA) ແມ່ນງານແຂ່ງຂັນເພື່ອສົ່ງເສີ່ມ ແລະ ໂປຣໂຫມດຜົນງານທີ່ດ້ານດິຈິຕອນສ້າງຜົນດີໃຫ້ແກ່ສັງຄົມ ພາຍໃຕ້ກອບຂອງເປົ້າຫມາຍ UN SDGs ຂອງອົງການສະຫະປະຊາຊາດ WSA ນອກຈາກຈະເປັນເວທີປະກວດລະດັບໂລກສຳລັບຜູ້ສ້າງຜົນງານດ້ານດິຈິຕອນເພື່ອສັງຄົມແລ້ວ ຍັງແມ່ນ Network ຂອງບັນດາຫົວກະທິໃນໂລກທີ່ສ້າງສັນຜົນງານເພື່ອສັງຄົມໃນຂອບເຂດປະເທດຂະເຈົ້າເອງ ແລະ ສາກົນ. ສຳລັບ Page WSA LAOS ແມ່ນສ້າງຂຶ້ນມາເພື່ອເປັນບ່ອນໃຫ້ຂໍ້ມູນ ແລະ ຊ່ວຍເຫລືອຜູ້ສ້າງສັນຜົນງານທາງດ້ານດິຈິຕອລໃນລາວໃຫ້ມີໂອກາດ ໃນການສ້າງເຄື່ອຂ່າຍ ເພື່ອຂະຫຍາຍສິ່ງທີ່ພັດທະນາໃຫ້ໄປຮອດໄປເຖິງເວທີສາກົນ *https://www.facebook.com/wsalaos

ກອງປະຊຸມປຶກສາຫາລື ຮ່າງແຜນແມ່ບົດລັດຖະບານດິຈິຕອນ(Digital Government Master Plan) ------------------------------------------------- ໃນວັນທີ 16 ສິງຫາ 2023, ທີ່ໂຮງແຮມ ຄຣາວພາຊາ, ນະຄອນຫຼວງວຽງຈັນ, ສູນບໍລິຫານລັດດິຈິຕອນ (ສລດ), ກະຊວງເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ອົງການສະຫະປະຊາຊາດ ເພື່ອການພັດທະນາ (UNDP)ໄດ້ຈັດກອງປະຊຸມປຶກສາຫາລືຮ່າງແຜນແມ່ບົດລັດຖະບານດິຈິຕອນ (Digital Government Master Plan), ໂດຍການເປັນປະທານຮ່ວມຂອງທ່ານແກ້ວວິສຸກ ໂສລະພົມ ຮອງລັດຖະມົນຕີ ກະຊວງເຕັກໂນໂລຊີ ແລະ ການສື່ສານແລະທ່ານ ນາງ ມາຕີເນີ ເທເຣີ (Martine Therer) ຜູ້ຕາງໜ້າຈາກ ອົງການສະຫະປະຊາຊາດ ເພື່ອການພັດທະນາ (UNDP) ປະຈຳ ສປປລາວ, ມີບັນດາຜູ້ເຂົ້າຮ່ວມຕາງໜ້າຈາກບັນດາກະຊວງອ້ອມຂ້າງ ແລະ ອົງການຈັດຕັ້ງພັກ-ລັດຫຼາຍກວ່າ 50 ທ່ານ. : ຈຸດປະສົງຂອງກອງປະຊຸມຄັ້ງນີ້ ແມ່ນເພື່ອລະດົມຄວາມຄິດ ແລະ ປະກອບຄໍາເຫັນໃສ່ຮ່າງແຜນແມ່ບົດລັດຖະບານດິຈິຕອນ, ຊຶ່ງແຜນແມ່ບົດສະບັບນີ້ແມ່ນການກໍານົດທິດທາງ ໃນການພັດທະນາວຽກງານການບໍລິການ ແລະ ບໍລິຫານລັດ ໃຫ້ເປັນດິຈິຕອນຂອງ ສປປ ລາວ ໃນອີກຫ້າປີຕໍ່ໜ້າ, ຊຶ່ງໃນເອກະສານ ໄດ້ກໍານົດບັນດາຍຸດທະສາດການພັດທະນາ, ລະບຽບການ, ການເພີ່ມຂີດຄວາມສາມາດຂອງບຸກຄະລາກອນພາກລັດ, ການພັດທະນາໂຄງລ່າງພື້ນຖານ, ເຕັກໂນໂລຊີ ແລະ ການບໍລິການສຳລັບລັດຖະບານດິຈິຕອນ ເພື່ອປັບປຸງວຽກງານການຫັນເປັນດິຈິຕອນໃນປັດຈຸບັນ ແລະ ໃຫ້ບັນລຸໄດ້ວິໄສທັດຂອງລັດຖະບານທີ່ສອດຄ່ອງກັບການພັດທະນາເສດຖະກິດດິຈິຕອນ ແຫ່ງຊາດ ໄລຍະ 20 ປີ (2021-2040), ຍຸດທະສາດການພັດທະນາເສດຖະກິດດິຈິຕອນແຫ່ງຊາດ ໄລຍະ 10 ປີ (2021-2030) ແລະ ແຜນພັດທະນາເສດຖະກິດດິຈິຕອນ ໄລຍະ 05ປີ (2021-2025). ກະຊວງເຕັກໂນໂລຊີ ແລະ ການສື່ສານຊຶ່ງເຮັດໜ້າທີ່ເປັນເສນາທີການໃນການຂັບເຄື່ອນ ແລະ ສະໜັບສະໜູນບັນດາຂະແໜງການ ໃນການພັດທະນາວຽກງານການຫັນເປັນທັນສະໄໝຂອງ ສປປ ລາວ.

ກອງປະຊຸມໃຫ່ຍ ໄອປາຄັ້ງທີ 44 ໄດ້ປິດລົງ ໃນວັນທີ 9 ສິງຫາ 2023 ຕະຫລອດໄລຍະຂອງການດຳເນີນກອງປະຊູມຄະນະຜູ້ແທນໄດ້ສຸມໃສ່ຄົ້ນຄວ້າ, ປຶກສາຫາລື ແລະ ແລກປ່ຽນຄຳຄິດຄຳເຫັນ ຕໍ່ບັນດາຮ່າງມະຕິທີ່ສະເໜີໃນກອງປະຊຸມຄະນະກຳມາທິການຕ່າງໆຂອງໄອປາ, ກອງປະຊຸມຄະນະສະມາຊິກລັດຖະສະພາເພດຍິງ, ກອງປະຊຸມສະມາຊິກລັດຖະສະພາໜຸ່ມ, ກອງປະຊຸມວຽກງານການເມືອງ, ກຳມາທິການວຽກງານເສດຖະກິດ, ກຳມາທິການວຽກງານສັງຄົມ ແລະ ກຳມາທິການວຽກງານພາຍໃນ ຂອງໄອປາ ແລະ ຮັບຮອງເອົາມະຕິທັງໝົດ ຈຳນວນ 30 ສະບັບ ທີ່ປີ່ນອ້ອມຫົວຂໍ້ຂອງກອງປະຊຸມດັ່ງກ່າວ ເຊິ່ງເປັນສະໜັບສະໜູນ ແລະ ສົ່ງເສີມຂະບວນການສ້າງປະຊາຄົມອາຊຽນ ໃຫ້ມີຄວາມເຂັ້ມແຂງ, ໂດຍສະເພາະການເພີ່ມທະວີການປົກປັກຮັກສາສັນຕິພາບ, ຄວາມໝັ້ນຄົງ ແລະ ສະຖຽນລະພາບຂອງພາກພື້ນ, ສົ່ງເສີມການແກ້ໄຂບັນຫາຂໍ້ຂັດແຍ້ງ ດ້ວຍການເຈລະຈາ ແລະ ສັນຕິວິທີ ຫັນເສດຖະກິດເປັນດີຈິຕອນ, ສົ່ງເສີມການພັດທະນາວິທະຍາສາດ-ເຕັກໂນໂລຊີ ແລະ ການນຳໃຊ້ນະວັດຕະກຳ ເພື່ອການຂະຫຍາຍຕົວແບບຍືນຍົງ; ສົ່ງເສີມການນຳໃຊ້ພະລັງງານສະອາດ ແລະ ການກ້າວໄປເຖິງການຂະຫຍາຍຕົວທາງດ້ານເສດຖະກິດແບບສີຂຽວ; ສົ່ງເສີມການສ້າງອາຊີບ ເພື່ອແກ້ໄຂບັນຫາໄພຫວ່າງງານ, ສົ່ງເສີມການມີສ່ວນຮ່ວມຂອງຊາວໜຸ່ມ, ບົດບາດຍິງ-ຊາຍ, ຮັດແຄບຄວາມແຕກໂຕນຂອງການພັດ ທະນາລະຫວ່າງປະເທດສະມາຊິກອາຊຽນ ແລະ ເພີ່ມທະວີການເຊື່ອມໂຍງເຊື່ອມຈອດທາງດ້ານເສດຖະກິດ ແລະ ພື້ນຖານໂຄງລ່າງ ພາຍໃນອາຊຽນໃຫ້ຫຼາຍຂຶ້ນ. ພ້ອມດຽວກັນນັ້ນ, ກອງປະຊຸມຍັງເຫັນດີ ຮັບເອົາລັດຖະສະພາ ກູບາ, ຕວັກກີ ແລະ ອາມີເນຍ ເຂົ້າເປັນປະເທດສັງເກດການໃຫມ່ຂອງໄອປາລວມທັງໝົດ 23 ປະເທດ. ພ້ອມກັນນັ້ນ, ທ່ານ ໄຊສົມພອນ ພົມວິຫານ ຂື້ນກ່າວຄຳເຫັນໃນການຮັບໜ້າທີ່ເປັນປະທານກອງປະຊູມໃນປີ 2024 ສປປ ລາວ ໄດ້ສະແດງຄວາມພ້ອມ ແລະ ຍີນດີຮັບເອົາການເປັນປະທານໄອປາ ຕໍ່ຈາກອິນໂດເນເຊຍ ແລະ ໄດ້ໃຫ້ຄຳໝັ້ນໝາຍວ່າຈະເຮັດທຸກຄວາມສາມາດຂອງຕົນເພື່ອປະຕິບັດໜ້າທີ່ເປັນປະທານໄອປາ ໃຫ້ມີຜົນສຳເລັດຢ່າງຈົບງາມ ແລະ ຫວັງຢ່າງຍິ່ງວ່າ ຈະໄດ້ຮັບການສະໜັບສະໜຸນ ແລະ ການຮ່ວມມືຢ່າງແໜ້ນແຟ້ນ ຈາກບັນດາລັດຖະສະພາ ສະມາຊິກໄອປາ, ກອງເລຂາໄອປາ, ກອງເລຂາອາຊຽນ, ບັນດາປະເທດສັງເກດການ ແລະ ບັນດາຄູ່ຮ່ວມພັດທະນາຕ່າງໆ ເປັນຢ່າງດີ. ຫຼັງຈາກນັ້ນ, ທ່ານ ນາງ ປວນ ມະຫາຣານີ , ປະທານສະພາຜູ້ແທນລາສະດອນ ແຫ່ງ ສ. ອິນໂດເນເຊຍ, ປະທານກອງປະຊຸມໃຫຍ່ສະມັດຊາລັດຖະສະພາລະຫວ່າງຊາດອາຊຽນ ໄອປາ ຄັ້ງທີ 44 ໄດ້ກ່າວຄຳເຫັນປິດກອງປະຊຸມ ແລະ ໄດ້ກ່າວມອບການເປັນເຈົ້າພາບຈັດກອງປະຊຸມໃຫ່ຍໄອປາ ຄັ້ງທີ 45 ໃຫ້ ທ່ານ ໄຊສົມພອນ ພົມວິຫານ, ປະທານສະພາແຫ່ງຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໂດຍການມອບທຸງໄອປາ ແລະ ຄ້ອນຕີໃຫ້ແກ່ປະທານໄອປາຄົນຕໍ່ໄປ. #ຂ່າວພາຍໃນລາວພັດທະນາ #ສປປລາວ #ກອງປະຊຸມໄອປາ _______@_______ ສະໜັບສະໜູນຂ່າວໂດຍ: ສຸວັນນີ ໂຮມເຊັນເຕີ ໂທ: 021 561111 _______@_______ ຂ່າວອື່ນໆ >> www.laophattananews.com Youtube: www.youtube.com/channel/UCfSwYXQ8r6NOMO_vlp7bZYw Twitter: https://twitter.com/laophattana Instagram: https://www.instagram.com/lao_phattana_news/ Tiktok: https://www.tiktok.com/@laophattana_news ສົນໃຈລົງໂຄສະນາໂທ: 020 9999 7139 ຕິດຕໍ່ຫານັກຂ່າວໂທ: 020 2345 0088

ສຳມະນາແລກປ່ຽນບົດຮຽນກ່ຽວກັບ ການຫັນເປັນລັດຖະບານດິຈິຕອນ ຢູ່ ສ.ເກົາຫຼີ ແລະ ຢູ່ ສປປ ລາວ ຮ່ວມກັບກຸ່ມ ບໍລິສັດ ໂຄລາວ ----------------------------------------------------- ເພື່ອກ້າວເຂົ້າສູ່ ການຫັນເປັນລັດຖະບານທັນສະໄໝໃນຍຸກ 4.0, ລັດຖະບານ ໄດ້ມີການລິເລິ່ມ ການນໍາເອົາເຕັກໂນໂລຊີດິຈິຕອນ ເຂົ້າມາປະຍຸກນໍາໃຊ້ໃນບັນດາຂົງເຂດວຽກງານຕ່າງໆ ເພື່ອຊ່ວຍໃນການຊຸກຍູ້ ການພັດທະນາເສດຖະກິດ ແລະ ສັງຄົມ ກໍຄືການພັດທະນາປະເທດຊາດ ໃນໄລຍະໄໝ່. ລັດຖະບານໄດ້ໃຫ້ຄວາມສໍາຄັນ ໃນການຫັນເປັນດິຈິຕອນ ໂດຍ ໄດ້ກໍານົດ ສາມເສົາເຄົ້າ ໃນການຫັນເປັນດິຈິຕອນ 1. ລັດຖະບານດິຈິຕອນ 2. ເສດຖະກິດດິຈິຕອນ ແລະ 3. ສັງຄົມ ດິຈິຕອນ. : ໃນຕອນບ່າຍ ຂອງວັນທີ 02 ສິງຫາ 2023, ສູນບໍລິຫານລັດດິຈິຕອນ, ກະຊວງ ເຕັກໂນໂລຊີ ແລະ ການສື່ສານ ໄດ້ຈັດກອງປະຊຸມສຳມະນາແລກປ່ຽນບົດຮຽນກ່ຽວກັບ ການຫັນເປັນລັດຖະບານດິຈິຕອນ ຢູ່ ສ.ເກົາຫຼີ ແລະ ຢູ່ ສປປລາວ ຮ່ວມກັບ ກຸ່ມບໍລິສັດ ໂຄລາວ (ບໍລິສັດ ກອ໋ກ ກອ໋ກ ຈຳກັດຜູ້ດຽວ), ທີ່ຫ້ອງປະຊຸມຊັ້ນ 05 ກະຊວງເຕັກໂນໂລຊີ ແລະ ການສື່ສານ (ຕຶກສີສະເກດ) ໂດຍການໃຫ້ກຽດເປັນປະທານຂອງທ່ານ ນາງ ວັນນະພາ ພົມມະທັນສີ, ຮອງຫົວໜ້າ ສູນບໍລິຫານລັດດິຈິຕອນ, ກະຊວງເຕັກໂນໂລຊີ ແລະ ການສື່ສານ ແລະ ທ່ານ ຊຸນຮຽນໂຈ, ປະທານ ກຸ່ມບໍລິສັດໂຄລາວ (ບໍລິສັດ ກອ໋ກ ກອ໋ກ ຈຳກັດຜູ້ດຽວ), ໂດຍມີຜູ້ເຂົ້າຮ່ວມຈາກບັນດາກົມ/ສູນທຽບເທົ່າ ພາຍໃນກະຊວງ ເຕັກໂນໂລຊີ ແລະ ການສື່ສານ ເຂົ້າຮ່ວມທັງໝົດ 55 ທ່ານ. :

ຕ່ອນບ່າຍ ວັນທີ 4 ສິງຫາ 2023ນີ້ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ8 , ສະມາຊິກສະພາປະຊາຊົນ ແຂວງຫົວພັນ ຊຸດທີ II ພ້ອມດ້ວຍ ຄະນະປະຈຳພັກແຂວງ, ແລະ ບັນດາທ່ານເຈົ້າເມືອງ ວາງກະຕ່າດອກໄມ້ ຢູ່ຮູ່ຫຼໍ່ ປະທານ ໄກສອນ ພົມວິຫານ ຜູ້ນຳທີ່ແສນເຄົາລົາຮັກ ຂອງປະຊາຊົນລາວບັນດາເຜົ່າ ເນື້ອງໃນ ໂອກາດ ວັນສ້າງຕັ້ງ ສະພາປະຊາຊົນຂັ້ນແຂວງ ຄົບຮອບ 45 ປີ ( 4 ສິງຫາ 1978 - 4 ສິງຫາ 2023) ແລະ ເພື່ອຂໍ່ານັບຮັບຕ້ອນ ວັນສ້າງຕັ້ງລັດຖະທຳມະນູນ ແຫ່ງ ສປປລາວ ຄົບຮອບ 32ປີ ( 15 ສິງຫາ 1991 - 15 ສິງຫາ 2023).

ສະພາການຄ້າ ແລະ ອຸດສາຫະກຳ ແຂວງຫົວພັນ(ສຄອ) ຂໍສະແດງຄວາມຊົມເຊີຍນໍາ ທ່ານ ສົມໄຊ ຈັນທະລັງສີ ຮອງປະທານ ສຄອ, ທ່ານ ນາງ ຈິດຕະພອນ ຄໍາທະວົງພອນ ເລຂາທິການ ສຄອ ແລະ ນາງ ປິ ພຸດທອງດີ ຄະນະ ສຄອ ທີ່ໄດ້ເດີນທາງເຂົ້າຮ່ວມກອງປະຊຸມເຜີຍແຜ່ລະບົບຄໍ້າປະກັນໄມ້ທີ່ຖືກຕ້ອງຕາມລະບຽບກົດໝາຍ ຂອງສປປລາວ LaoTlat ໃຫ້ພາກທຸລະກິດໂຮງງານອຸດສາຫະກຳປຸ່ງແຕ່ງ. ເຊີ່ງກອງປະຊຸມໃນຄັ້ງນີ້ ໄດ້ຈັດຂື້ນທີ່ແຂວງຫຼວງພະບາງ, ວັນຈັນ 31/07/2023.