ສະພາການຄ້າ ແລະ ອຸດສາຫະກຳ ແຂວງຫົວພັນ ຂໍສະແດງຄວາມຮູ້ບຸນຄຸນ ແລະ ຂອບໃຈຢ່າງສູງ ທີ່ການນໍາແຂວງ ໄດ້ເຊີນສະພາການຄ້າແຂວງ ເຂົ້າຮ່ວມກອງປະຊຸມ ຄົບຄະນະບໍລິຫານງານພັກແຂວງຄັ້ງທີ່12 ສະໄໝທີ່X ໃນວັນທີ່27/12/2023 ທີ່ຫ້ອງປະຊຸມຫໍແກ້ວ ຫ້ອງວ່າການປົກຄອງແຂວງຫົວພັນ.

ກອງປະຊຸມ ຮ່າງ ບົດສຶກສາ ແລະ ວິໃຈ ຂໍ້ມູນຄົນພິການ

ຄະນະນຳ ກະຊວງ ເຕັກໂນໂລຊີ ແລະ ການສື່ສານ ເຂົ້າຮ່ວມກອງປະຊຸມອິນເຕີເນັດໂລກ ຄັ້ງທີ X (The 10th World Internet Conference Wuzhen Summit) ————————— ໃນໄລຍະວັນທີ 08-11 ພະຈິກ 2023 ຜ່ານມາ, ທ່ານ ໄຊລືຊາ ອິນສີຊຽງໃໝ່, ຮອງລັດຖະມົນຕີ ກະຊວງ ເຕັກໂນໂລຊີ ແລະ ການສື່ສານ ພ້ອມດ້ວຍຄະນະ ໄດ້ເດີນທາງເຂົ້າຮ່ວມກອງປະຊຸມອິນເຕີເນັດໂລກຄັ້ງທີ X (The 10th World Internet Conference Wuzhen Summit) ທີ່ເມືອງ ອູເຈີນ, ສປ. ຈີນ. ກອງປະຊຸມດັ່ງກ່າວ ເປັນປະທານກອງປະຊຸມໂດຍ ທ່ານ ຈ້ວງ ຫຼວງເວິນ, ລັດຖະມົນຕີອົງການຄຸ້ມຄອງຄວາມປອດໄພຂໍ້ມູນຂ່າວສານ ແຫ່ງ ສປ. ຈີນ ແລະ ໄດ້ຮັບກຽດກ່າວເປີດກອງປະຊຸມ ໂດຍ ພະນະທ່ານ ສີ ຈີ້ນຜິງ (ຜ່ານລະບົບກອງປະຊຸມທາງໄກ), ມີບັນດາການນຳ ແລະ ພາກທຸລະກິດເຂົ້າຮ່ວມຫຼາຍກວ່າ 90 ປະເທດ. ກອງປະຊຸມໃນຄັ້ງນີ້ ເປັນເຈົ້າພາບຈັດງານໂດຍ ລັດຖະບານ ແຫ່ງ ສາທາລະນະລັດ ປະຊາຊົນຈີນ ແລະ ສູນແລກປ່ຽນຂໍ້ມູນຂ່າວສານ ອາຊຽນ-ຈີນ (China-ASEAN Information Harbor Co,.Ltd - CAIH) ເປັນກິດຈະກຳໜຶ່ງ ທີ່ນອນໃນແຜນຍຸດທະສາດເສັ້ນທາງສາຍໄໝ (ໜຶ່ງແລວ ໜຶ່ງເສັ້ນທາງ) ຂອງ ສປ. ຈີນ ທີ່ໄດ້ເຊື້ອເຊີນບັນດາການນຳພາກລັດ ຂອງທົ່ວໂລກເຂົ້າຮ່ວມ. ຈຸດປະສົງ ເພື່ອເປັນເວທີໃນການແລກປ່ຽນບົດຮຽນທາງດ້ານການພັດທະນາວຽກງານເຕັກໂນໂລຊີດິຈິຕອນ ໂດຍສະເພາະ ການນຳໃຊ້ ໃນວຽກງານ ພາກລັດ, ເສດຖະກິດ ແລະ ສັງຄົມ ເພື່ອຫັນເປັນທັນສະໄໝ, ຊຶ່ງປະກອບມີຫຼາຍວາລະທີ່ສຳຄັນ ເປັນຕົ້ນແມ່ນ ກອງປະຊຸມແລກປ່ຽນບົດຮຽນຂອງການນຳພາກລັດ, ການຈັດສຳມະນາ ແລະ ຈັດງານວາງສະແດງ (Expo) ທີ່ກ່ຽວຂ້ອງກັບເຕັກໂນໂລຊີດິຈິຕອນ ຂອງພາກລັດ ແລະ ພາກເອກະຊົນ ເຂົ້າຮ່ວມຫຼາຍກວ່າ 200 ບູດວາງສະແດງ --------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ລາວ-ຈີນ ສືບຕໍ່ການຮ່ວມມືດ້ານວິທະຍາສາດ, ເຕັກໂນໂລຊີ ແລະ ນະວັດຕະກຳ ————————— ໃນໂອກາດເຂົ້າຮ່ວມກອງປະຊຸມ "ໜຶ່ງແລວໜຶ່ງເສັ້ນທາງ" ການແລກປ່ຽນທາງດ້ານວິທະຍາສາດ, ເຕັກໂນໂລຊີ ແລະ ນະວັດຕະກຳ ຢູ່ທີ່ ນະຄອນຊົງຊິ້ງ ສປ. ຈີນ. ໃນວັນທີ 05 ພະຈິກ 2023 ໄດ້ມີກອງປະຊຸມພົບປະສອງຝ່າຍ ລະຫວ່າງ ກະຊວງເຕັກໂນໂລຊີ ແລະ ການສື່ສານ ສປປ ລາວ ແລະ ກະຊວງວິທະຍາສາດ ແລະ ເຕັກໂນໂລຊີ ສປ. ຈີນ ໂດຍພາຍໃຕ້ການເປັນປະທານຮ່ວມລະຫວ່າງ ທ່ານ ບັນດິດ ສຈ. ບໍ່ວຽງຄຳ ວົງດາລາ, ລັດຖະມົນຕີ ກະຊວງເຕັກໂນໂລຊີ ແລະ ການສື່ສານ ສປປ ລາວ ແລະ ທ່ານ ອິນ ເຫີຈຸນ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ສປ. ຈີນ. ທ່ານລັດຖະມົນຕີ ອິນ ເຫີຈຸນ ໄດ້ມີຄຳເຫັນໃນກອງປະຊຸມພົບປະຄັ້ງນີ້ວ່າ ກະຊວງວິທະຍາສາດ ແລະ ເຕັກໂນໂລຊີ ສປ. ຈີນ ຈະສືບຕໍ່ໃຫ້ການຮ່ວມມືດ້ານວິທະຍາສາດ, ເຕັກໂນໂລຊີ ແລະ ນະວັດຕະກຳ ແກ່ ສປປ ລາວ ໂດຍສະເໜີສ້າງຕັ້ງຄະນະກຳມະການຮ່ວມມື ແລະ ຖືເອົາການລົງນາມເອກະສານຮ່ວມມືທັງສອງສະບັບ ທີ່ໄດ້ລົງນາມຄັ້ງນີ້ ເປັນໂອກາດ ເພື່ອຊຸກຍູ້ ແລະ ເປີດກວ້າງການຮ່ວມມື ລະຫວ່າງສອງກະຊວງ. --------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ອດທ ສ້າງຂະບວນການວຽກຂຶ້ນທະບຽນເລກໝາຍໂທລະສັບ, ພາຍໃຕ້ຄໍາຂັວນ "ຂື້ນທະບຽນເລກຫມາຍໂທລະສັບ ແມ່ນຮັກຊາດ ເພື່ອຄວາມປອດໄພຂອງການນໍາໃຊ້ ໃນຍຸກດິຈິຕອນ" ------------------------------------------ ເພື່ອສຶບຕໍ່ຂຶ້ນທະບຽນເລກໝາຍໃຫ້ສໍາເລັດ ແລະ ບັນລຸໄດ້ຕາມແຜນການທີ່ວາງໄວ້ ອົງການດັດສົມໂທລະຄົມມະນາຄົມ (ອດທ), ກະຊວງເຕັກໂນໂລຊີ ແລະ ການສື່ສານ (ກຕສ) ໄດ້ຮ່ວມກັບບັນດາ ບໍລິສັດທີ່ໃຫ້ບໍລິການດ້ານໂທລະຄົມມະນາຄົມ ແລະ ອິນເຕີເນັດ ໄດ້ຈັດຂະບວນການເພື່ອຂໍ່ານັບຮັບຕ້ອນກອງປະຊຸມໃຫຍ່ ອົງຄະນະພັກກະຊວງເຕັກໂນໂລຊີ ແລະ ການສື່ສານ ຄັ້ງທີ III ທີ່ຈະມາເຖິງ. ພາຍໃຕ້ການຊີ້ນໍາ-ນໍາພາ ການວາງບູດດັ່ງກ່າວ ໂດຍ ທ່ານ ປອ ນາງ ໃຈມາລີ ພະກະຊຸມ ຮອງຫົວຫນ້າອົງການດັດສົມໂທລະຄົມ. ທັງນີ້, ກໍເພື່ອເປັນການໂຄສະນາເຜີຍແຜ່ຄວາມໝາຍຄວາມສໍາຄັນ ຂອງວຽກງານຂຶ້ນທະບຽນເລກໝາຍໂທລະສັບຕໍ່ກັບວາລະແຫ່ງຊາດໃນການແກ້ໄຂບັນຫາຢາເສບຕິດ ແລະ ເປັນຍຸດທະສາດສໍາຄັນ ຂອງການຫັນເປັນດິຈິຕອນ ໂດຍການຈັດບູດຂຶ້ນທະບຽນເລກໝາຍໂທລະສັບ ເພື່ອອໍານວຍຄວາມສະດວກໃຫ້ບັນດາພາກສ່ວນລັດຖະບານ, ສະຖາບັນການສຶກສາ ແລະ ປະຊາຊົນ ໄດ້ມາຂຶ້ນທະບຽນເລກໝາຍໂທລະສັບຂອງຕົນໄດ້ທຸກເຄືອຂ່າຍຢູ່ຈຸດສຸ່ມບ່ອນດຽວກັນ ໂດຍບໍ່ເສຍຄ່າ ແລະ ຮັບໂປຣໂມເຊິນດີໆໃນງານ. ຊຶ່ງສະຖານທີ່ຕັ້ງບູດຂຶ້ນທະບຽນເລກໝາຍໂທລະສັບ ໄດ້ຕັ້ງຂຶ້ນທີ່ຕຶກ ກະຊວງເຕັກໂນໂລຊີ ແລະ ການສື່ສານ ຢູ່ 02 ເຂດຄື: ເດີນຈອດລົດຂອງ ກະຊວງເຕັກໂນໂລຊີ ແລະ ການສື່ສານ ເຂດສີສະເກດ ແລະ ຫ້ອງການສໍານັກງານນາຍົກລັດຖະມົນຕີ ໃນລະຫວ່າງວັນທີ 20-22 ພະຈິກ 2023 ນີ້, ໃນເວລາ 8:00 ໂມງ ເຖິງ 17:00 ໂມງ ແລະ ຄາດຄະເນຜູ້ມາຮ່ວມຂຶ້ນທະບຽນ ຈໍານວນ 20.000 ເລກໝາຍ ຂຶ້ນໄປ.

ທ່ານ ພູທອງ ພົນວິໄຊ ຮອງປະທານ ສະພາການຄ້າ ແລະ ອຸດສາຫະກຳ ແຂວງຫົວພັນ ໄດ້ເຂົ້າຮ່ວມ ກອງປະຊຸມ ສະໄໝສາມັນຄົບຄະນະຄັ້ງທີ XI ຂອງຄະນະກຳມາທິການແຫ່ງຊາດ ເພື່ອການພັດທະນາຊັບພະຍາກອນມະນຸດ ຄັ້ງວັນທີ 7-11-2023 ທີ່ສະບັນຂົງຈື ໂດຍເປັນປະທານໂດຍ ທ່ານ ຮສ ປອ ພຸດ ສິມມາລາວົງ ລັດຖະມົນຕີ ກະຊວງ ສຶກສາທິການ ແລະ ກິລາ ພ້ອມທັງບັນດາທ່ານຮອງ ລັດຖະມົນຕີ, ທ່ານຫົວໜ້າກົມ, ຫົວໜ້າພະແນກ ແລະ ພາກສ່ວນທີ່ກ່ຽວຂ້ອງເຂົ້າຮ່ວມຢ່າງຄຶກຄື້ນ. ທ່ານ ຮອງປະທານ ໄດ້ປະກອບຄຳເຫັນໃນກອງປະຊຸມ ບັນດາຫົວຂໍ້ທີ່ສຳຄັນ ໂດຍການນຳເອົາບັນຫາຕົວຈິງທີ່ພົບພໍ້ໃນໄລຍະທີ່ຜ່ານມາ ແລະ ໃນປັດຈຸບັນ ມານຳສະເໜີທີ່ກອງປະຊຸມ ເພື່ອປະກອບເຂົ້າໃນໂຄງຮ່າງແຜນຍຸດທະສາດພັດທະນາຊັບພະຍາກອນມະນຸດແຫ່ງຊາດ 2026 – 2035 ໂດຍສະເພາະແມ່ນການສ້າງຊັບພະຍາກອນມະນຸດທີ່ມີຈັນຍາບັນ ແລະ ລະບຽບວິໄນ, ຖ້າຫາກມີຈັນຍາບັນ ແລະ ມີວິໃນແລ້ວ ຄວາມອົດທົນ ແລະ ດຸໝັ່ນຈະຕາມມາທີ່ຫຼັງ. ບໍ່ທັນເກັ່ງເຕັກນິກ ແຕ່ ຖ້າມີວິໄນ ເຕັກນິກຄວາມສາມາດຫາກຊິຕາມມາທີ່ຫຼັງ. ນອກນັ້ນ ການສ້າງຂີດຄວາມສາມາດໃຫ້ຄູອາຈານເພື່ອໃຫ້ການຮຽນການສອນມີຄວາມດຶງດູດໃຈ, ການໂຄສະນາປະຊາສຳພັນ ແລະ ປູກຈິດສຳນຶກໃຫ້ກັບນັກຮຽນ ແລະ ຜູ້ປົກຄອງ ແລະ ສັງຄົມຮັບຮູ້ຢ່າງຊາບຊຶ້ງ ແລະ ວຽກງານອື່ນໆ... ລ້ວນແຕ່ມີຄວາມສຳຄັນ ແລະ ຂາດບໍ່ໄດ້. ທ່ານຍັງຫວັງວ່າການພັດທະນາຊັບພະຍາກອນມະນຸດຂອງປະເທດເຮົາຈະມີການຫັນປ່ຽນໄປທາງທີ່ດີຂຶ້ນໃນອະນາຄົດອັນໃກ້ ແລະ ສະເໜີໃຫ້ທຸກພາກສ່ວນຮ່ວມແຮງຮ່ວມໃຈກັນຢ່າງເອົາຈິງເອົາຈັງໃນວຽກງານດັ່ງກ່າວ.

ນາງ ຈິດຕະພອນ ຄໍາທະວົງພອນ ເລຂາທິການສະພາການຄ້າ ແລະ ອຸດສາຫະກຳ ແຂວງຫົວພັນ ເປັນຜູ້ຕ່າງໜ້າເຂົ້າຮ່ວມເປັນຄະນະກຳມະການ ໃນການຄັດເລືອກແຜນທຸລະກິດໄວໜຸ່ມAGEE3 ຫົວພັນ ສໍາລັບການສົ່ງເສີມຊາວໜຸ່ມແຂວງຫົວພັນ ຂອງໂຄງການບໍລິການ-ສົ່ງເສີມກະສິກຳຮອບດ້ານ LURUS ເຊີ່ງໄດ້ຈັດກອງປະຊຸມຢູ່ທີ່ສູນພັດທະນາຊາວໜຸ່ມ ແຂວງຫົວພັນ.

ວັນສຸກ,ວັນທີ່ 27/10/2023 ທ່ານ ໄຊທອງ ສີສົມພອນ ພະນັກງານ ສະພາການຄ້າ ແລະ ອຸດສາຫະກຳແຂວງຫົວພັນ ໄດ້ເປັນຜູ້ຕ່າງໜ້າເຂົ້າຮ່ວມກອງປະຊຸມພົບປະສອງຝ່າຍ ລະຫວ່າງ ພະແນກການຄ້າ ແລະ ອຸດສາຫະກຳ ແຂວງຫົວພັນ ແລະ ແຂວງແທັງຮ່ວາ ເພຶ່ອປຶກສາຫາລື ແລະ ແລກປ່ຽນບົດຮຽນ ດ້ານວຽກງານການຄ້າທັງສອງແຂວງ ຢູ່ທີ່ຫ້ອງປະຊຸມພະແນກການຄ້າ.

ໃນວັນອັງຄານ,ວັນທີ່24/10/2023 ສະພາການຄ້າ ແລະ ອຸດສາຫະກຳແຂວງ,ສະມາຄົມນັກທຸລະກິດໜຸ່ມແຂວງຫົວພັນ ໄດ້ເຂົ້າຮ່ວມ"ກອງປະຊຸມຮ່ວມລະຫວ່າງ ຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ່8 ແຂວງຫົວພັນ ຮ່ວມກັບ ອົງການປົກຄອງແຂວງຫົວພັນ".

ກອງປະຊຸມສຳມະນາ ກ່ຽວກັບການຍົກລະດັບວຽກງານຄວາມປອດໄພ ໃນ ສ ປ ປ ລາວ -------------------------------------------- ກົມຄວາມປອດໄພໄຊເບີ, ກະຊວງເຕັກໂນໂລຊີ ແລະ ການສື່ສານ ໄດ້ຮ່ວມກັບ ສະຖານທູດອົດສະຕາລີ ໄດ້ຈັດກອງປະຊຸມສຳມະນາກ່ຽວກັບ ການຍົກລະດັບວຽກງານຄວາມປອດໄພໄຊເບີ ໃນ ສ ປ ປ ລາວ ເພື່ອໃຫ້ທຸກຄົນມີຄວາມສະດວກໃນການສື່ສານ, ການແລກປ່ຽນຂໍ້ມູນ-ຂ່າວສານ, ການເກັບຂໍ້ມູນ ລວມເຖິງການຮັກສາລະບົບຂໍ້ມູນຂ່າວສານຕ່າງໆທາງອີນເຕີເນັດ/ໄຊເບີ, ຈັດຂຶ້ນໃນວັນທີ 18 ຕຸລາ 2023 ທີ່ ໂຮງແຮມ ຄຣາວພາຊາ ນະຄອນຫຼງວຽງຈັນ, ໂດຍການເປັນປະທານຂອງ ທ່ານ ສຸເນດໂຕ ຊາພັກດີ ຮອງຫົວໜ້າກົມຄວາມປອດໄພໄຊເບີ, ຊຶ່ງຜູ້ເຂົ້າຮ່ວມມີທ່ານ ນາງ ຟີໂອນາ ເລຂານຸການ ຈາກສະຖາທູດອົດສະຕາລີ, ພ້ອມດ້ວຍນັກວິທະຍາກອນ, ບັນດາກົມ/ທຽບເທົ່າ, ບໍລິສັດໂທລະຄົມ ແລະ ກະຊວງອ້ອມຂ້າງທີ່ກ່ຽວຂ້ອງ ຈຳນວນ 30 ທ່ານ. : ຈຸດປະສົງຂອງການສໍາມະນາໃນຄັ້ງນີ້ ກໍ່ເພື່ອເສີມສ້າງຄວາມຮູ້ຄວາມອາດສາມາດ ແລະ ຄວາມເຂົ້າໃຈໃນວຽກງານນະໂຍບາຍ ແລະ ຍຸດທະສາດດ້ານຄວາມປອດໄພທາງໄຊເບີ ໃຫ້ກັບບັນດາຜູ້ເຂົ້າຮ່ວມ ແລະ ໜ່ວຍງານທີ່ກ່ຽວຂ້ອງອ້ອມຂ້າງ ຊຶ່ງຜູ້ເຂົ້າຮ່ວມຈະໄດ້ຮຽນຮູ້ ແລະ ແລກປ່ຽນລະບຽບຫຼັກການຕ່າງໆກ່ຽວກັບ ນະໂຍບາຍ ແລະ ແຜນຍຸດທະສາດດ້ານຄວາມປອດໄພທາງໄຊເບີ ພ້ອມທັງການຈັດຕັ້ງປະຕິບັດບັນດາກົດໝາຍ ແລະ ມາດຕະການຕ່າງໆ ລະຫວ່າງປະເທດ ແລະ ສາກົນ. ສະນັ້ນ ເພື່ອໃຫ້ເປັນໄປຕາມຂໍ້ກໍານົດລະບຽບຫຼັກການ ແລະ ໃຊ້ມາດຕະການຕໍ່ຜູ້ລະເມີດ, ເພື່ອປົກປ້ອງຂໍ້ມູນສ່ວນບຸກຄົນ ແລະ ສິດທິຂອງອົງກອນ ພ້ອມນັ້ນການຮ່ວມມື ລະຫວ່າງປະເທດ ແລະ ໃນລະດັບພາກພື້ນ ກໍ່ເປັນສີ່ງຈໍາເປັນ ແລະ ສໍາຄັນ ເພື່ອໃຫ້ມີການແລກປ່ຽນຂໍ້ມູນຂ່າວສານເຊີ່ງກັນ ແລະ ກັນ ເພື່ອຊ່ວຍປັບປຸງພັດທະນາໃນວຽກງານນະໂຍບາຍຄວາມປອດໄພໄຊເບີ ໃຫ້ຄວາມສອດຄ່ອງ ແລະ ຫັດກຸມຂື້ນກວ່າເກົ່າ. ຂຽນຂ່າວ: ກົມຄວາມປອດໄພໄຊເບີ. ---------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la