ໃນຕອນເຊົ້າວັນຈັນ, ວັນທີ່22/1/2024 ທາງສະພາການຄ້າແລະອຸດສາຫະກຳ ໄດ້ເຂົ້າຮ່ວມພິທີເຊັນສັນຍາ ກ້າເບ້ຍໄມ້ໄຜ່(ໄມ້ຊາກ) ລະຫວ່າງ ບໍລິສັດ ໄຊຮຸ່ງເຮືອງພັດທະນາ ຄົບວົງຈອນ ຈໍາກັດຜູ້ດຽວ ແລະ ໂຮງຮຽນປະຖົມແລະມັດທະຍົມສົມບູນ ແກ້ວປັນຍາ ໂດຍການເປັນກຽດເຂົ້າຮ່ວມ ຂອງ ທ່ານ ຄໍາແກ້ວ ອຸ່ນອານົງນຸດ ຄະນະບໍລິຫານງານຊາວໜຸ່ມແຂວງ, ປະທານສະພາການຄ້າ ແລະ ອຸດສາຫະກຳ ແຂວງຫົວພັນ, ປະທານທີ່ປຶກສາ ສະມາຄົມນັກທຸລະກິດໜຸ່ມ ແຂວງຫົວພັນ ແລະ ມີທ່ານ ທະນູໄຊ ວິໄລຄໍາມະວົງ ອຳນວຍການບໍລິສັດ, ອາຈານ ມິດຕະພອນ ຕົວແທນໂຮງຮຽນແກ້ວປັນຍາ ແລະ ພະນັກງານຄູອາຈານ,ນັກຮຽນແກ້ວປັນຍາເຂົ້າຮ່ວມພິທີ 150ຄົນ ເຊີ່ງພິທີດັ່ງກ່າວໄດ້ຈັດຂຶ້ນທີ່ຫ້ອງປະຊຸມ ໂຮງຮຽນແກ້ວປັນຍາ ແລະ ຈະກ້າເບ້ຍໃບໄມ້ໄຜ່ ໃຫ້ໄດ້ປະມານ20.000ເບ້ຍ ເພຶ່ອຈະນໍາໄປປູກໃນແຜ່ນດິນທົ່ວແຂວງຫົວພັນ ເພຶ່ອນໍາເອົາໃບສົ່ງຂາຍອອກຕ່າງປະເທດ.

ສະພາການຄ້າ ແລະ ອຸດສາຫະກຳ ແຂວງຫົວພັນ(ສຄອ) ຂໍສະແດງຄວາມຮູ້ບຸນຄຸນ ແລະ ຂອບໃຈຢ່າງສູງມາຍັງ ທະນາຄານພັດທະນາລາວ ສາຂາແຂວງຫົວພັນ ທີ່ໄດ້ສັ່ງຊື້ກະຕ່າຂອງຂັວນປີໃໝ່ ເພຶ່ອມອບໃຫ້ລູກຄ້າຢູ່ໃນ10ເມືອງຂອງແຂວງຫົວພັນ ຈໍານວນ193ກະຕ່າ ເພຶ່ອເປັນການສົ່ງເສີມສິນຄ້າຜະລິດຕະພັນຂອງແຂວງຫົວພັນ ເພຶ່ອກະຈາຍລາຍໄດ້ໄປສູ່ຜູ້ຜະລິດ, ຜູ້ປະກອບການພາຍໃນແຂວງ ໃຫ້ມີກຳລັງໃຈໃນການຜະລິດສິນຄ້າພາຍໃນແຂວງ ໃນການຊົມໃຊ້ສິນຄ້າພາຍໃນ ບໍ່ໃຫ້ເງິນຕາໄຫຼອອກນອກປະເທດ ດັ່ງຄໍາຂັວນທີ່ວ່າ: " ລາວເຮັດ ລາວໃຊ້ ລາວຈະເລີນ" ແລະ ຂໍຂອບໃຈມາຍັງພະແນກການຕ່າງໆຂອງແຂວງ, ແຂກທຸກໆທ່ານ ທີ່ມາຊື້ສິນຄ້າ,ກະຕ່າຂອງຂັວນ ຂອງ ສຄອ ແຂວງຫົວພັນ ຢູ່ທີ່ຫ້ອງວາງສະແດງສິນຄ້າຜະລິດຕະພັນ ຂອງແຂວງຫົວພັນ ທີ່ເດີ່ນໜ່ວຍແກ້ວ,ບ້ານພັນໄຊ,ເມືອງຊໍາເໜືອ,ແຂວງຫົວພັນ.

ສະພາການຄ້າ ແລະ ອຸດສາຫະກຳ ແຂວງຫົວພັນ ແລະ ສະມາຄົມນັກທຸລະກິດໜຸ່ມແຂວງຫົວພັນ ໄດ້ຕ້ອນຮັບ ແລະ ປະຊຸມຮ່ວມກັບທ່ານ ວິບູນ ສິດທິມໍລະດາ ຮອງປະທານສະມາຄົມນັກທຸລະກິດໜຸ່ມແຫ່ງຊາດລາວ ທີ່ໄດ້ເດີ່ນທາງມາຢ້ຽມຢາມ ແລະ ເຮັດວຽກຢູ່ແຂວງຫົວພັນ ເປັນເວລາ3ວັນເຕັມ.

ສະພາການຄ້າ ແລະ ອຸດສາຫະກຳ ແຂວງຫົວພັນ ຂໍສະແດງຄວາມຮູ້ບຸນຄຸນ ແລະ ຂອບໃຈຢ່າງສູງ ທີ່ການນໍາແຂວງ ໄດ້ເຊີນສະພາການຄ້າແຂວງ ເຂົ້າຮ່ວມກອງປະຊຸມ ຄົບຄະນະບໍລິຫານງານພັກແຂວງຄັ້ງທີ່12 ສະໄໝທີ່X ໃນວັນທີ່27/12/2023 ທີ່ຫ້ອງປະຊຸມຫໍແກ້ວ ຫ້ອງວ່າການປົກຄອງແຂວງຫົວພັນ.

ສະພາການຄ້າ ແລະ ອຸດສາຫະກຳ ແຂວງຫົວພັນ ຂໍສະແດງຄວາມຊົມເຊີຍຢ່າງສຸດໃຈ ມາຍັງພິທີປະກາດຮັບຮອງແຂວງຫົວພັນ ເປັນແຂວງຢຸດຕິການຖ່າຍຊະຊາຍ ໃນຕອນເຊົ້າວັນສຸກ,ວັນທີ່22/12/2023 ທີ່ເດີ່ນກິລາແຂວງຫົວພັນ.

ສະພາການຄ້າ ແລະ ອຸດສາຫະກຳ ແຂວງຫົວພັນ ຂໍເຊີນຊວນແຂກຕ່າງດ້າວ ທ້າວຕ່າງເມືອງ ມາຢ້ຽມຢາມ ແລະ ທ່ຽວຊົມ ແຂວງວິລະຊົນ ທີ່ເຕັມໄປດ້ວຍຮ່ອງຮອຍປະຫັວດສາດ, ຄວາມອຸດົມສົມບູນ, ອາກາດສົດຊື່ນ, ທຳມະຊາດທີ່ສວຍງາມ, ການເດີ່ນທາງສະດວກສະບາຍ ຜ່ານສະໜາມບິນໜອງຄ້າງ ພຽງແຕ່1ຊົ່ວໂມງ ຊໍາເໜືອ - ວຽງຈັນ....ເຊີ່ງແຂວງຫົວພັນ ຈະເປີດງານປີທ່ອງທ່ຽວລາວ ຢູ່ແຂວງຫົວພັນ ໃນວັນທີ່12/1/2024...ແລະ ຈະມີຫຼາຍກິດຈະກຳ ທີ່ມ່ວນຊື່ນ ແລະ ໃຫ້ທ່ານມາສໍາພັດດ້ວຍຕົວເອງ....ຂອບໃຈນ້ອງ ພູຄໍາ ທີບພົມວົງ ເຈົ້າຂອງເຟດ Meepool Prirunya Thipphomvong ທີ່ໄດ້ອະນຸຍາດ ເອົາຮູບມາໂຄສະນາສະຖານທີ່ທ່ອງທ່ຽວງາມໆ.

ສະພາການຄ້າ ແລະ ອຸດສາຫະກຳ ແຂວງຫໄວພັນ(ສຄອ) ຂໍສະແດງຄວາມຊົມເຊີຍມາຍັງທ່ານ ອັງແຕນ ໄຊສົມພອນ ປະທານທີ່ປຶກສາ ສຄອ ແຂວງຫົວພັນ, ອຳນວຍການບໍລິສັດ ສັນຕິວຽງທອງ ທີ່ໄດ້ເປັນຕົວແທນ ສຄອ ແຂວງເຂົ້າຮ່ວມງານປະກາດຮັບຮອງເມືອງຮ້ຽມ ເປັນເມືອງປະຕິບັດຂະບວນການສ້າງຄອບຄົວແລະບ້ານສາມັກຄີປອງດອງແນວລາວສ້າງຊາດ.

ທ່ານ ສົມໄຊ ຈັນທະລັງສີ, ຮອງປະທານ ສະພາການຄ້າແຂວງຫົວພັນ, ຜູ້ອຳນວນວຍການ ສະມາຄົມເຂົ້າໄກ່ນ້ອຍແຂວງ ພ້ອມດ້ວຍຄະນະບໍລິຫານງານສະມາຄົມ ແລະ ຜູ້ຊີ້ນຳໂຄງການເຂົ້າໄກ່ນ້ອຍຖິ່ນກຳເນີດ ຈາກ ພາກສ່ວນອຸດສາຫະກຳ ແລະ ການຄ້າ, ພາກສ່ວນກະສິກຳ ແລະ ກໍ່ຍັງມີສະມາຄົມເຂົ້າໄກ່ນ້ອຍແຂວງຊຽງຂວາງ, ສະມາຄົມຊາກໍແມນຜົ້ງສາລີ. ໄດ້ໄປຮ່ວມງານແລກປ່ຽນບົດຮຽນ ກັບສະມາຄົມຫມາກພິກໄທກຳປົດ ແລະ ສະມາຄົມນ້ຳຕານປາມ ກຳປົງສະປື ເຊິ່ງທັງສອງແມ່ນເປັນສິນຄ້າພື້ນເມືອງ, ເປັນສິນຄ້າທີ່ມີຊື່ສຽງ, ເປັນສິນຄ້າຖິ່ນກຳເນີດຂອງກຳປູເຈຍ ສົ່ງອອກ ແລະ ສ້າງລາຍຮັບໃຫ້ກັບກຳປູເຈຍ ຈຳນວນມະຫາສານ. ເຊິ່ງຫລັງຈາກທັດສະນະການປູກ ແລະ ການແປຮຸບແລ້ວ ທຸກພາກສ່ວນຍັງໄດ້ຈັດງານສຳມະນາ ເພື່ອຈະຜັກດັນໃຫ້ວຽກງານຖິ່ນກຳເນີດ ສາມາດຂັບເຂື່ອນ ແລະ ພັດທະນາໄດ້ແບບຍືນຍົງ
ໂດຍງານຄັ້ງນີ້ໄດ້ຮັບການສະຫນັບສະຫນູນຈາກ AFD

ປີໃໝ່2024 ໃກ້ມາຮອດແລ້ວ ທ່ານໃດຕ້ອງການກະຕ່າຂອງຂັວນງາມໆ ທີ່ເປັນຜະລິດຕະພັນຂອງຄົນແຂວງຫົວພັນ ເພຶ່ອອວຍພອນໃຫ້ກັບຄົນທີ່ທ່ານເຄົາລົບຮັກ ທ່ານສາມາດເຂົ້າໄປຊື້ໄດ້ ຢູ່ທີ່ຫ້ອງວາງສະແດງສິນຄ້າແຂວງຫົວພັນ ທີ່ເດີ່ນໜ່ວຍແກ້ວຫຼັກເມືອງ,ບ້ານພັນໄຊ,ເມືອງຊໍາເໜືອ,ແຂວງຫົວພັນ...ນໍາໃຊ້ສິນຄ້າຂອງຄົນລາວ ລາວເຮັດ ລາວໄດ້ ລາວຈະເລີນ.
ຕິດຕໍ່ໄດ້ທີ່ເບີ:
ນາງ ຕຸດ :020 59358114
ນາງ ຈິດຕະພອນ 020 28925289
ນາງ ອິລາວັນ 020 23094309

ສະພາການຄ້າ ແລະ ອຸດສາຫະກຳ ແຂວງຫົວພັນ(ສຄອ) ຂໍສະແດງຄວາມຊົມເຊີຍມາຍັງທ່ານ ນາງ ອິລາວັນ ທອງສະຫັວດ ອຳນວຍການວິສາຫະກິດທອງສະຫັວດການສະເສດ, ຮອງປະທານ ສທໜ, ຄະນະ ສຄອ ແຂວງຫົວພັນ ທີ່ໄດ້ມອບອຸປະກອນຮັບໃຊ້ຫ້ອງການ ມູນຄ່າ2ລ້ານກີບ ໃຫ້ກອງບັນຊາການທະຫານແຂວງຫົວພັນ ເນື່ອງໃນໂອກາດຄົບຮອບວັນສ້າງຕັ້ງກອງທັບຄົບຮອບ75ປີ.