ກອງປະຊຸມສະໄໝສາມັນ ເທື່ອທີ່ 5 ຂອງສະພາປະຊາຊົນ ແຂວງຫົວພັນ ຊຸດທີ II ໄດ້ໄຂຂຶ້ນຢ່າງເປັນທາງການ.
...............................
ຕອນເຊົ້າ ຂອງວັນທີ 2 ສິງຫາ 2023 ກອງປະຊຸມສະໄໝສາມັນ ເທື່ອທີ5 ຂອງສະພາປະຊາຊົນ ແຂວງຫົວພັນຊຸດທີ II ໄດ້ໄຂຂຶ້ນຢ່າງເປັນທາງການ ທີ່ຫ້ອງປະຊຸມ ຂອງສະພາປະຊາຊົນ ແຂວງຫົວພັນ ພາຍໃຕ້ການເປັນປະທານຂອງທ່ານນາງ ອຳໄພວອນ ລ້ອມບຸນແພງ ກຳມະການສຳຮອງສູນກາງພັກ, ຮອງເລຂາພັກແຂວງ, ປະທານສະພາປະຊາຊົນ ແຂວງຫົວພັນ ເປັນກຽດເຂົ້າຮ່ວມໂດຍ ທ່ານ ວັນໄຊ ແພງຊຸມມາ ກຳມະການສູນກາງພັກ, ເລຂາພັກແຂວງ, ເຈົ້າແຂວງຫົວພັນ; ມີທ່ານ ຄຳແພງ ວິລະພັນ ກຳມະການ ຄະນະປະຈຳສະພາແຫ່ງຊາດ,ປະທານກຳມາທິການຍຸຕິທຳສະພາແຫ່ງຊາດ; ບັນດາທ່ານຄະນະປະຈຳພັກແຂວງ; ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 8 ແຂວງຫົວພັນ; ສະມາຊິກສະພາປະຊາຊົນແຂວງ ຊຸດທີ II; ເຈົ້າເມືອງ 10 ເມືອງ; ອາດີດການນຳພັກ-ລັດ, ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 8, ສະມາຊິກສະພາປະຊາຊົນແຂວງ ຊຸດທີ I, ຜູ້ຕາງໜ້າອົງການແນວລາວສ້າງຊາດ;ອົງການຈັດຕັ້ງມະຫາຊົນ ແລະ ພະແນກການອ້ອມຂ້າງແຂວງ;ອົງການທຽບເທົ່າ; ສອງກອງບັນຊາການ ແລະ ພາກສ່ວນທຸລະກິດ ເຂົ້າຮ່ວມທັງໝົດ 105 ທ່ານ ຍິງ 17 ທ່ານ.

ພາບ ແລະ ຂ່າວໂດຍ ນາງ ປຸ້ຍນິຕາ ເພັງມີໄຊ.

ທ່ານ ແກ້ວຈະເລີນ ເຊ່ຍຢີ້ງຢ່າງ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 8 ແຂວງຫົວພັນ ໃນໂອກາດທີ່ທ່ານເຂົ້າຮ່ວມກອງປະຊຸມ ສະໄໝສາມັນ ເທື່ອທີ 5 ຂອງສະພາປະຊາຊົນ ແຂວງຫົວພັນ ຊຸດທີ II ໄດ້ມອບເງິນສົດ ຈຳນວນ 5.000.000 ( ຫ້າລ້ານກີບ) ອຸປະຖຳກອງປະຊຸມດັ່ງກ່າວ.

#ມື້ທີ 1
ຕອນເຊົ້າ ວັນທີ 2 ສິງຫາ 2023 ທ່ານ ວັນໄຊ ແພງຊຸມມາ ກຳມະການສູນກາງພັກ ເລຂາພັກແຂວງ ເຈົ້້າແຂວງ ແຂວງຫົວພັນ ຂຶ້ນລາຍງານ ກ່ຽວກັບສະພາບການທີ່ພົ້ນເດັ່ນ ໃນການຈັດຕັ້ງປະຕິບັດ ກາງສະໄໝ (2021-2023) ແລະ ທິດທາງແຜນການທ້າຍສະໄໝ (2023-2025), ວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນ ທ້າຍປີ 2023; ຮັບຟັງການລາຍງານ ກ່ຽວກັບການຈັດຕັ້ງປະຕິບັດກາງສະໄໝ (2021-2023) ຂອງແຜນພັດທະນາເສດຖະກິດ-ສັງຄົມ ແລະ ທິດທາງແຜນການ ທ້າຍສະໄໝ (2023-2025), ວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2023 ຂອງແຂວງຫົວພັນ ຈາກ ທ່ານ ຄອນທອງ ມະນີວອນ ກຳມະການພັກແຂວງ ຫົວໜ້າ ພະແນກແຜນການ ແລະ ການລົງທຶນ ແລະ ບົດລາຍງານ ກ່ຽວກັບການຈັດຕັ້ງປະຕິບັດກາງສະໄໝ (2021-2023) ຂອງແຜນ ງົບປະມານແຫ່ງລັດແລະ ທິດທາງແຜນການ ທ້າຍສະໄໝ (2023-2025), ວຽກງານ 6 ເດືອນຕົ້ນປີ ແລະ ທິດທາງແຜນການທ້າຍປີ 2023 ຂອງແຂວງຫົວພັນ ຈາກທ່ານ ຫົງທອງ ຈັນທາຈິດ ຫົວໜ້າພະແນກການເງິນແຂວງຫົວພັນ.

#ມື້ທີ 1
ຕອນແລງ ວັນທີ 2 ສິງຫາ 2023 ບັນດາທ່ານສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 8 ແລະ ສະມາຊິກສະພາປະຊາຊົນ ແຂວງຫົວພັນ ຊຸດທີ II ປະກອບຄຳເຫັນ ແລະ ຄຳຊັກຖາມ ຕໍ່ອົງການປົກຄອງແຂວງ ໂດຍສະເພາະແມ່ນ ຕໍ່ບົດລາຍງານ ກ່ຽວກັບສະພາບການທີ່ພົ້ນເດັ່ນ ໃນການຈັດຕັ້ງປະຕິບັດ ກາງສະໄໝ (2021-2023) ແລະ ທິດທາງແຜນການທ້າຍສະໄໝ (2023-2025),ວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນ ທ້າຍປີ 2023; ບົດລາຍງານ ກ່ຽວກັບການຈັດຕັ້ງປະຕິບັດກາງສະໄໝ (2021-2023) ຂອງແຜນພັດທະນາເສດຖະກິດ-ສັງຄົມ ແລະ ທິດທາງແຜນການ ທ້າຍສະໄໝ (2023-2025), ວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2023 ຂອງແຂວງຫົວພັນ ແລະ ບົດລາຍງານ ກ່ຽວກັບການຈັດຕັ້ງປະຕິບັດກາງສະໄໝ (2021-2023) ຂອງແຜນ ງົບປະມານແຫ່ງລັດ ແລະ ທິດທາງແຜນການ ທ້າຍສະໄໝ (2023-2025), ວຽກງານ 6 ເດືອນຕົ້ນປີ ແລະ ທິດທາງແຜນການທ້າຍປີ 2023 ຂອງແຂວງຫົວພັນ ຢ່າງມີຈຸດສຸມ. ນອກຈາກນີ້ທ່ານຜູ້ແທນຍັງໄດ້ຊັກຖາມ ກ່ຽວກັບການພັດທະນາພື້ນຖານໂຄງລ່າງ, ວຽກງານການສຶກສາ, ສາທາລະນະສຸກ, ການຄົມມະນາຄົມ - ຂົນສົ່ງ, ການທ່ອງທ່ຽວ, ການຄຸ້ມຄອງລາຄາສິນຄ້າທີ່ພໍ່ແມ່ປະຊາຊົນມີຄວາມສົນໃຈ ແລະ ບັນຫາອື່ນໆຕື່ມອີກ.

ມື້ທີ1
ຕອນແລງ ວັນທີ 2 ສິງຫາ 2023 ນີ້ ທ່ານ ຄອນປະພັນ ເລືອງສີຈັນທອງ ຄະນະປະຈຳພັກແຂວງ, ຮອງປະທານສະພາປະຊາຊົນແຂວງ ຕາງໜ້າຄະນະປະຈຳສະພາປະຊາຊົນ ແຂວງຫົວພັນ ປະກອບຄຳເຫັນ ຕໍ່ບົດລາຍງານ ກ່ຽວກັບການຈັດຕັ້ງປະຕິບັດ ວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກ ດ້ານເສດຖະກິດ-ການເງິນ; ການຄຸ້ມຄອງ,ການສຳຫຼວດ, ຂຸດຄົ້ນ ແລະ ການຂົນສົ່ງແຮ່ທາດ ແລະ ຜົນກະທົບດ້ານສິ່ງແວດລ້ອມ ຕໍ່ສັງຄົມ ແລະ ທຳມະຊາດ ກ່ຽວກັບການລົງທຶນຕ່າງໆ ຢູ່ແຂວງຫົວພັນ.

ມື້ທີ 2
ວາລະຕອນເຊົ້າ ວັນທີ 3 ສິງຫາ 2023 ນີ້, ບັນດາທ່ານ ສສຊ ແລະ ສສຂ ປະກອບຄຳເຫັນ ແລະ ຊັກຖາມ ຕໍ່ບົດລາຍງານ ກ່ຽວກັບການຈັດຕັ້ງປະຕິບັດ ວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກ ດ້ານເສດຖະກິດ-ການເງິນ; ການຄຸ້ມຄອງ,ການສຳຫຼວດ, ຂຸດຄົ້ນ ແລະ ການຂົນສົ່ງແຮ່ທາດ ແລະ ຜົນກະທົບດ້ານສິ່ງແວດລ້ອມ ຕໍ່ສັງຄົມ ແລະ ທຳມະຊາດ ກ່ຽວກັບການລົງທຶນຕ່າງໆ ຢູ່ແຂວງຫົວພັນທີ່ໄດ້ຮັບຜົນກະທົບ ເພື່ອຊອກຫາທາງອອກ ແລະ ວິທີທາງແກ້ໄຂ.

# ມື້ທີ 2
ຕອນແລງ ວັນທີ 3 ສິງຫາ 2023 ນີ້, ທ່ານ ເຈົ້າແຂວງ ແຂວງຫົວພັນ ແລະ ບັນດາ ທ່ານຫົວໜ້າພະແນກການ ທີ່ກ່ຽວຂ້ອງ ຂຶ້ນຊີ້ແຈງ ແລະ ຕອບຄຳຊັກຖາມ ຂອງບັນດາທ່ານ ສສຂ ກ່ຽວກັບວຽກງານ ຂອງອົງການປົກຄອງແຂວງ; ການຈັດຕັ້ງປະຕິບັດ ວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກ ດ້ານເສດຖະກິດ-ການເງິນ; ການຄຸ້ມຄອງ, ການສຳຫຼວດ, ຂຸດຄົ້ນ ແລະ ການຂົນສົ່ງແຮ່ທາດ ແລະ ຜົນກະທົບດ້ານສິ່ງແວດລ້ອມ ຕໍ່ສັງຄົມ ແລະ ທຳມະຊາດ ກ່ຽວກັບການລົງທຶນຕ່າງໆ ຢູ່ແຂວງຫົວພັນ ເພື່ອເປັນ ຂໍ້ມູນໃຫ້ທ່ານ ສສຂ ແລະ ຂະແໜງການຕ່າງໆ ນຳໄປຊີ້ແຈງ ແລະ ອະທິບາຍຕໍ່ພໍ່ແມ່ປະຊາຊົນ ແລະ ຕໍ່ຜູ້ທີ່ມີຄວາມສົນໃຈ.

# ມື້ທີ່2
ຕອນແລງ ວັນທີ 3 ສິງຫາ 2023 ທ່ານ ຄຳຟອງ ກົ້ວມີໄຊ ກຳມະການຄະນະປະຈຳ, ຫົວໜ້າກອງເລຂາ, ເລຂາທິການ ສະພາປະຊາຊົນແຂວງ ແລະ ທ່ານ ວົງເພັດ ບຸນມະນີ ຮອງປະທານຄະນະກຳມະການເສດຖະກິດ ແຜນການ ແລະ ການເງິນ ສະພາປະຊາຊົນແຂວງ ໄດ້ຂຶ້ນຜ່ານ ຮ່າງມະຕິ 6 ມະຕິຄື:
1. ຮ່າງມະຕິ ວ່າດ້ວຍການຮັບຮອງເອົາ ການຈັດຕັ້ງປະຕິບັດ ກາງສະໄໝ (2021-2023) ຂອງແຜນພັດທະນາເສດຖະກິດ-ສັງຄົມ ແລະ ທິດທາງແຜນການ ທ້າຍສະໄໝ (2023-2025) ຂອງແຂວງຫົວພັນ;
2. ຮ່າງມະຕິວ່າດ້ວຍການຮັບຮອງເອົາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ ແລະ ທິດທາງແຜນການ 6 ເດືອນ ທ້າຍປີ 2023 ຂອງແຂວງຫົວພັນ;
3.ຮ່າງມະຕິວ່າດ້ວຍການຮັບຮອງເອົາການຈັດຕັ້ງປະຕິບັດກາງສະໄໝ (2021-2023) ຂອງແຜນງົບປະມານແຫ່ງລັດ ແລະ ທິດທາງແຜນການ ທ້າຍສະໄໝ (2023-2025)ຂອງແຂວງຫົວພັນ;
4. ມະຕິວ່າດ້ວຍການຮັງຮອງເອົາການຈັດຕັ້ງປະຕິບັດແຜນງົບປະມານແຫ່ງລັດ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2023 ຂອງແຂວງຫົວພັນ;
5. ຮ່າງມະຕິວ່າດ້ວຍການຮັບຮອງເອົາ ການຄຸ້ມຄອງ, ການສຳຫຼວດ, ຂຸດຄົ້ນ ແລະ ການຂົນສົ່ງແຮ່ທາດ ຂອງແຂວງຫົວພັນ
6. ຮ່າງມະຕິ ວ່າດ້ວຍການຮັບຮອງເອົາການຈັດຕັ້ງປະຕິບັດບັນດາກິດຈະການ ເຊົ່າ, ສຳປະທານທີ່ດິນ ເພື່ອດຳເນີນການລົງທຶນ ແລະ ກິດຈະການບໍ່ແຮ່ ທີ່ສົ່ງຜົນກະທົບດ້ານສິ່ງແວດລ້ອມ ຕໍ່ສັງຄົມ ແລະ ທຳມະຊາດ ກ່ຽວກັບການລົງທຶນຕ່າງໆ ຢູ່ແຂວງຫົວພັນ.
ຈາກນັ້ນ, ບັນດາທ່ານ ສສຂ ກໍໄດ້ພ້ອມກັນລົງຄະແນນສຽງ ຮັບຮອງເອົາບັນດາຮ່າງມະຕິດັ່ງກ່າວ ດ້ວຍຄະແນນສຽງເຫັນດີເປັນສ່ວນຫຼາຍ.

# ຕາມວາລະກອງປະຊຸ
ບັນດາທ່ານ ສະມາຊິກສະພາປະຊາຊົນ ແຂວງຫົວພັນ ຊຸດທີ II ໄດ້ປ່ອນບັດປະເມີນຄວາມໄວ້ວາງໃຈຕໍ່ບຸກຄະລາກອນ ທີ່ສະພາປະຊາຊົນແຂວງ ເລືອກຕັ້ງ ແລະຮັບຮອງເອົາການແຕ່ງຕັ້ງ, ໃນນີ້ ຖືກປະເມີນຄວາມໄວ້ວາງໃຈຕໍ່ການປະຕິບັດຫນ້າທີ່ ຈຳນວນ 46 ທ່ານ ເຊິ່ງໄດ້ຈັດອອກເປັນ 3 ພາກສ່ວນຄື: ສະພາປະຊາຊົນແຂວງ ມີ 12 ທ່ານ; ອົງການປົກຄອງແຂວງ ມີ 31 ທ່ານ; ອົງການກວດກາລັດແຂວງ, ອົງການໄອຍະການປະຊາຊົນແຂວງ ແລະ ສານປະຊາຊົນແຂວງ 3 ທ່ານ. ຜ່ານການໃຫ້ຄະແນນປະເມີນ ຂອງ ສະມາຊິກສະພາປະຊາຊົນແຂວງ ຕໍ່ແຕ່ລະພາກສ່ວນດັ່ງນີ້:
1. ສະພາປະຊາຊົນແຂວງ ປະເພດດີເລີດ ມີ 1 ທ່ານ, ປະເພດດີ 11ທ່ານ;
2. ອົງການປົກຄອງແຂວງ ປະເພດດີເລີດ ມີ 1 ທ່ານ, ປະເພດດີ 30 ທ່ານ
3. ອົງການກວດກາລັດແຂງ, ອົງການໄອຍະການປະຊາຊົນແຂວງ ແລະ ສານປະຊາຊົນແຂວງໄດ້ປະເພດດີ 3 ທ່ານ.
ຈາກນັ້ນ; ບັນດາທ່ານ ສະມາຊິກສະພາປະຊາຊົນແຂວງ ໄດ້ລົງຄະແນນສຽງຮັບຮອງເອົາຮ່າງມະຕິວ່າດ້ວຍ ຮັບຮອງເອົາການໃຫ້ຄະແນນປະເມີນຄວາມໄວວາງໃຈ ຕໍ່ການປະຕິບັດຫນ້າທີ່ ຂອງບຸກຄະລາກອນດຳລົງຄຳແຫນ່ງ ທີ່ສະພາປະຊາຊົນແຂວງ ເລືອກຕັ້ງ ແລະ ຮັບຮອງເອົາ.

ວາລະຕອນເຊົ້າ ວັນທີ 4 ສິງຫາ 2023 ກອງປະຊຸມ ສພຂ ໄດ້ຮັບຟັງບົດລາຍງານ ກ່ຽວກັບການຈັດຕັ້ງປະຕິບັດ ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຈາກທ່ານ ພັທ ຄຳແພງ ແກ້ວມົນທອງ ຮອງຫົວໜ້າກອງບັນຊາການປ້ອງກັນຄວາມສະຫງົບແຂວງຫົວພັນ; ຮັບຟັງບົດລາຍງານ ກ່ຽວກັບການຈັດຕັ້ງປະຕິບັດ ກາງສະໄໝ (2021-2023) ແລະ ທິດທາງແຜນການທ້າຍສະໄໝ (2023-2025),ວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນ ທ້າຍປີ 2023 ຂອງອົງການໄອຍະການປະຊາຊົນແຂວງ ຈາກ ທ່ານ ກິ່ງເພັດ ບົວລະພັນ ຫົວໜ້າ ອົງການໄອຍະການປະຊາຊົນແຂວງ ແລະ ຮັບຟັງການລາຍງານ ກ່ຽວກັບການຈັດຕັ້ງປະຕິບັດກາງສະໄໝ (2021-2023) ແລະ ທິດທາງແຜນການ ທ້າຍສະໄໝ (2023-2025), ວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2023 ຂອງສານປະຊາຊົນແຂວງ ຈາກ ພົມແພງ ສີວິໄລທອງ ຮອງປະທານ ສານປະຊາຊົນແຂວງ.
ຈາກນັ້ນ, ທ່ານ ສົມສັກ ດອນຈານິດ ກຳມະການພັກແຂວງ, ຮອງປະທານ ສະພາປະຊາຊົນແຂວງ ຕາງໜ້າ ຄະນະປະຈຳ ສພຂ ໄດ້ປະກອບຄຳຄິດຄຳເຫັນຕໍ່ກັບ 3 ບົດລາຍງານດັ່ງກ່າວ.