ສິ່ງໃດທີ່ໄດ້ກະທຳໄປແລ້ວນັ້ນ ຫຼື ອະດິດ, /ຖ້າເຮົາຄິດ ເສຍໃຈ ກັບສິ່ງທີ່ມັນບໍ່ດີ ມັນກໍ່ຈະບໍ່ດີ, /ຖ້າເຮົາຄິດຮູ້ຈັກປ່ອຍວາງ /ຮູ້ຈັກຍອມຮັບຄວາມຈິ່ງ /ຮູ້ຈັກໃຫ້ອະໄພຕົວເອງ /ຈິ່ງໃຈກັບຕົວເອງ ແລະ ທຸກຄົນ /ສິ່ງໃດດີແລ້ວຮັກສາແລະພັດທະນາຕໍ່ໃຫ້ດີຂື້ນແລະເກີດປະໂຫຍດແກ່ຄົນອ້ອມຂ້າງ /ແນວບໍ່ດີເອົາມາສຶກສາປັບໃຫ້ເປັນກົນລະຍຸດ, ເອົາມາເປັນບົດຮຽນ /ສິ່ງທີ່ຜິດພາດໄປນັ້ນຖືວ່າເປັນຄ່າຮຽນທີ່ເຮົາໄດ້ເລືອກ... #ຢູ່ກັບປະຈຸບັນ #ສານຝັນໃຫ້ເປັນຈິ່ງ...

ຂໍຂອບໃຈມາຍັງ WSA Lao ໂດຍສະເພາະ Expert WSA ປະຈຳ ສປປລາວ ທ່ານ Thanongsack Souksavat ທີ່ຄັດເລືອກຜົນງານ ແພັດຟອມ ບັດຄົນພິການ LDPS ໃຫ້ທາງຄະນະກຳມະການ WSA Global ໃນຄັ້ງນີ້ ຮັບຊົມວິດີໂອ ? https://youtu.be/B9g6nVZr2bI The World Summit Awards (WSA) ແມ່ນງານແຂ່ງຂັນເພື່ອສົ່ງເສີ່ມ ແລະ ໂປຣໂຫມດຜົນງານທີ່ດ້ານດິຈິຕອນສ້າງຜົນດີໃຫ້ແກ່ສັງຄົມ ພາຍໃຕ້ກອບຂອງເປົ້າຫມາຍ UN SDGs ຂອງອົງການສະຫະປະຊາຊາດ WSA ນອກຈາກຈະເປັນເວທີປະກວດລະດັບໂລກສຳລັບຜູ້ສ້າງຜົນງານດ້ານດິຈິຕອນເພື່ອສັງຄົມແລ້ວ ຍັງແມ່ນ Network ຂອງບັນດາຫົວກະທິໃນໂລກທີ່ສ້າງສັນຜົນງານເພື່ອສັງຄົມໃນຂອບເຂດປະເທດຂະເຈົ້າເອງ ແລະ ສາກົນ. ສຳລັບ Page WSA LAOS ແມ່ນສ້າງຂຶ້ນມາເພື່ອເປັນບ່ອນໃຫ້ຂໍ້ມູນ ແລະ ຊ່ວຍເຫລືອຜູ້ສ້າງສັນຜົນງານທາງດ້ານດິຈິຕອລໃນລາວໃຫ້ມີໂອກາດ ໃນການສ້າງເຄື່ອຂ່າຍ ເພື່ອຂະຫຍາຍສິ່ງທີ່ພັດທະນາໃຫ້ໄປຮອດໄປເຖິງເວທີສາກົນ *https://www.facebook.com/wsalaos

ປີໜ້າຈັງໄປລອຍກະທົງເນີລູກ #ປີນີ້ເຮົາຍັງບໍ່ມີລົດໃຫຍ່ຝົນຕົກໄປບໍ່ໄດ້!!!

ປີ້ງໄກ່ລາດທາປາແດກ ສູດ ຄົວຈິບນ້ອຍ ? ວັດຖຸດິບຢ່າງດີ ຈາກ ?ຮ້ານ Fresh & Farm Market ສ່ວນປະສົມ: ⁃ ໄກ່ລາດ ⁃ ກະທຽມ ຫົວສິງໄຄ ໃບຂີ້ຫູດ ໝາກເຜັດດິບ ⁃ ໝາກເຜັດຜົງ ປາແດກ ⁃ ເກືອ ແປ້ງນົວ ນໍ້າຕານ ⁃ ຊະອິວ ຊ໋ອດຫອຍ ວິທີເຮັດ: ⁃ ຕຳແຈ່ວທາ: ດ້ວຍການເອົາ ກະທຽມ ຫົວສິງໄຄ ໝາກເຜັດດິບ ຕຳໃຫ້ແຫຼກ ປຸງລົດດ້ວຍ ແປ້ງນົວ ເກືອ ນໍ້າຕານ ແລະ ປາແດກ ຊິມໃຫ້ອອກລົດຊາດ ເຄັມ ຫວານ ນົວ ສຸດທ້າຍເອົາໝາກເຜັດຜົງ ແລະ ໃບຂີ້ຫູດຊອຍລົງ ⁃ ປຸງໄກ່: ຕັດໄກ່ເປັນຕອນ ຫຼື ຜ່າເປັນໂຕກໍໄດ້ ປຸງ ເກືອ ແປ້ງນົວ ນໍ້າຕານ ຊະອິວ ແລະ ຊ໋ອດຫອຍ ປຸງບໍ່ເຄັມຫຼາຍ ແລ້ວໝັກໄວ້ 15 ນາທີ ໃຫ້ເຄື່ອງປຸງມັນຊືມເຂົ້າຊີ້ນໄກ່ ⁃ ຄົບ 15 ນາທີ ແລ້ວເອົາແຈ່ວປາແດກທີ່ຕຳໄວ້ເອືອບ ນໍາເອົາໄປປີ້ງ ⁃ ປີ້ງໄຟອ່ອນໆ ຄ່ອຍປີ້ງຈົນສຸກແຫ້ມ ລະຫວ່າງປີ້ງ ບ່ອນໃດບໍ່ຖືກປາແດກ ກໍທາຕື່ມໃຫ້ທົ່ວ ວິທີເສີບ: ⁃ ຕັດໃສ່ຖາດ ຫຼື ຈານ ເສີບພ້ອມເຂົ້າໜຽວຮ້ອນໆ ແລະ ຜັກກັບ #ປີ້ງໄກ່ທາປາແດກ #ໄກ່ລາດ #FreshandFarm #jipnoii #laofood

?✨ອາກາດຮ້ອນ ຫາເຮັດແນວຫວານໆເຢັນໆກິນນຳກັນ ນໍ້າຫວານໝາກແຕງລອຍກະທິຫອມໆ ໃສ່ນໍ້າກ້ອນກິນເຢັນສົດຊື່ນ ?? ໝາກແຕງລອຍກະທິ ??‍? ສ່ວນປະກອບ: ໝາກແຕງ ກະທິ ນໍ້າເຊື່ອມ ເກືອ ວິທີເຮັດ: ຕົ້ມກະທິໃຫ້ອຸ່ນ, ຕາມດ້ວຍນໍ້າຕານເຊື່ອມ, ໃສ່ເກືອໜ້ອຍໜຶ່ງເພື່ອຕັດຫວານ ຄົນໃຫ້ເຂົ້າກັນ ແລ້ວເອົາໝາກແຕງລົງ ເປັນທີ່ລຽບລ້ອຍ ໃສ່ນໍ້າກ້ອນກິນເຢັນສົດຊື່ນ ??

ຊີ້ນດາດເມນູຍອດຮິດ ທີ່ໃຜກໍມັກກິນ ແຈ່ວຊີ້ນດາດ ໃຜກໍເຮັດກິນເອງໄດ້ ສູດແຈ່ວຊີ້ນດາດ ຫຼື ແຈ່ວສຸກີ້ ສະໄຕຣບ່າວໂກ້ ✅ ??‍? ສ່ວນປະກອບ: - ຖົ່ວດິນບົດ - ຈຽວກະທຽມ - ຫມາກເຜັດນຳ້ຫນ້າເຂົ້າປຸ້ນ - ນຳ້ປາ - ແປ້ງນົວ - ນຳ້ຕານ - ເກືອ - ນຳ້ມັນພືດ - ນຳ້ດື່ມ ??‍? ວິທີເຮັດ: ໃສ່ນຳ້ມັນລົງແລ້ວເອົາຫມາກເຜັດນຳ້ຫນ້າເຂົ້າປຸ້ນ, ຖົ່ວດິນ, ກະທຽມຈຽວລົງ..ຫລັງຈາກນັ້ນປຸງເຄື່ອງປຸງຕ່າງໆລົງຕາມຄວາມມັກເລີຍ ແລ້ວຕື່ມນຳ້ໃສ່ ຕົ້ມ ແລະ ມັນຄົນເລື່ອຍໆຈົນສຸກ https://www.tiktok.com/@koko_fc77

ລັດຖະມົນຕີ ກຕສ ຕ້ອນຮັບເຂົ້າຢ້ຽມຂໍ່ານັບຂອງ ເອກອັກຄະລັດຖະທູດ ສ. ອາເມລິກາ ປະຈໍາ ສປປ ລາວ --------------------------------------------------- ໃນຕອນບ່າຍຂອງວັນທີ 22 ສິງຫາ 2023 ນີ້, ທີ່ຫ້ອງຮັບແຂກ ກະຊວງເຕັກໂນໂລຊີ ແລະ ການສື່ສານ (ກຕສ), ທ່ານ ບັນດິດ ສຈ. ບໍ່ວຽງຄໍາ ວົງດາລາ ລັດຖະມົນຕີ ກຕສ ໄດ້ໃຫ້ກຽດຕ້ອນຮັບ ທ່ານ ປີເຕີ ເອັມເຮມ໋ອນ (Dr. Peter M. Haymond) ເອກອັກຄະລັດຖະທູດ ແຫ່ງສະຫະລັດອາເມຣິກາ ຜູ້ມີອໍານາດເຕັມ ປະຈໍາ ສປປ ລາວ ເຂົ້າຢ້ຽມຂໍ່ານັບອໍາລາໜ້າທີ່ ໃນໂອກາດທີ່ໄດ້ສໍາເລັດການປະຕິບັດໜ້າທີ່ທາງການທູດ ໃນ ສປປ ລາວ. : ໂອກາດດັ່ງກ່າວ, ທ່ານເອກອັກຄະລັດຖະທູດ ໄດ້ສະແດງຄວາມຂອບໃຈ ຕໍ່ທ່ານລັດຖະມົນຕີ ທີ່ໄດ້ສະຫຼະເວລາ ອັນມີຄ່າ ຕ້ອນຮັບການເຂົ້າຢ້ຽມຂໍ່ານັບໃນຄັ້ງນີ້ຢ່າງອົບອຸ່ນ ແລະ ເປັນກັນເອງ. ພ້ອມນັ້ນ, ທ່ານຍັງໄດ້ລາຍງານໃຫ້ຊາບຂອບການຮ່ວມມືໃນລະຍະຜ່ານມາ ເປັນຕົ້ນແມ່ນ ຂອບຮ່ວມມືອາຊຽນ ແລະ ສອງຝ່າຍ: ສະພາທຸລະກິດອາເມຣິກາ-ອາຊຽນ ໄດ້ເຂົ້າພົບປະ, ປຶກສາຫາລື ຮ່ວມກັບຄະນະນໍາຂອງ ກຕສ ໂດຍແລກປ່ຽນທັດສະນະກ່ຽວກັບການສົ່ງເສີມການນໍາໃຊ້ເຄື່ອງມືດິຈິຕອນ ໃນໄລຍະການແຜ່ລະບາດຂອງພະຍາດໂຄວິດ-19 ແລະ ໃນໂອກາດ ທີ່ຄະນະນໍາ ກຕສ ເດີນທາງໄປເຂົ້າຮ່ວມກອງປະຊຸມລັດຖະມົນຕີອາຊຽນ ຄັ້ງທີ 3 ທີ່ປະເທດຟິລິປິນ ໃນຕົ້ນເດືອນກຸມພາ 2023 ຜ່ານມານີ້, ກໍໄດ້ມີການພົບປະສອງຝ່າຍລະຫວ່າງ ສປປ ລາວ ແລະ ສ. ອາເມຣິກາ ເພື່ອປຶກສາຫາລືແລກປ່ຽນກ່ຽວກັບຍຸດທະສາດ ແລະ ນະໂຍບາຍການພັດທະນາເສດຖະກິດດິຈິຕອນຂອງ ສປປ ລາວ, ບັນດານິຕິກໍາຕ່າງໆ ໂດຍສະເພາະແມ່ນ 14 ແຜນງານ ທີ່ນອນໃນແຜນພັດທະນາເສດຖະກິດດິຈິຕອນແຫ່ງຊາດ ໄລຍະ 05 ປີ (2021-2025). ນອກນີ້, ສປປ ລາວ ກໍຄື ກຕສ ຍັງໄດ້ຮັບການສະໜັບສະໜູນທຶນຝຶກອົບຮົມໄລຍະສັ້ນຫຼາຍຫົວຂໍ້ ເປັນຕົ້ນແມ່ນ: ຂົງເຂດວຽກງານໄອຊີທີ ແລະ ດ້ານຄວາມປອດໄພທາງໄຊເບີ. ພ້ອມດຽວກັນນີ້, ກໍໄດ້ປຶກສາຫາລືຂອບຂອງການຮ່ວມມືໃນຕໍ່ໜ້າ ເຊັ່ນ: ວຽກງານການພັດທະນາການນໍາໃຊ້ເຕັກໂນໂລຊີດິຈິຕອນທີ່ທັນສະໄໝ, ດ້ານການພັດທະນາຄວາມປອດໄພທາງໄຊເບີ ແລະ ການພັດທະນາບຸກຄະລາກອນ ໃຫ້ມີຄວາມຮູ້, ຄວາມສາມາດໃນການນໍາໃຊ້ເຄື່ອງມື ໄອຊີທີ ທີ່ທັນສະໄໝ ເຂົ້າໃນການປ້ອງກັນສື່ອອນລາຍ ຫຼື ການສໍ້ໂກງທາງອອນລາຍ ເພື່ອຫຼີກລ່ຽງຜົນກະທົບ, ບັນຫາ ແລະ ຄວາມທ້າທ້າຍທີ່ຈະເກີດຂຶ້ນໃນປັດຈຸບັນ.

ວັນທີ 12 ສິງຫາ 2023, ທ່ານ ສອນໄຊ ສີພັນດອນ ນາຍົກລັດຖະມົນຕີ, ພ້ອມດ້ວຍຄະນະ ໄດ້ເຄື່ອນໄຫວຕິດຕາມຊຸກຍູ້ກວດກາສະພາບຜົນກະທົບຈາກໄພນໍ້າຖ້ວມ ແລະ ຕິດຕາມຊຸກຍູ້ຄະນະສະເພາະກິດການແກ້ໄຂບັນຫາເຄັງຮ້ອນດ້ານເສດຖະກິດການເງິນ ຢູ່ແຂວງຄໍາມ່ວນ. ທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ ລາຍງານສະພາບການພັດທະນາເສດຖະກິດ-ສັງຄົມຂອງແຂວງ ໂດຍສະເພາະວຽກງານພົ້ນເດັ່ນໄລຍະ 6 ເດືອນຕົ້ນປີ ແລະ ສະພາບນໍ້າຖ້ວມ ຕະຫລອດເຖິງຜົນເສຍຫາຍໃນທົ່ວແຂວງ ເຊິ່ງນັບແຕ່ທ້າຍເດືອນ ກໍລະກົດ 2023 ມາຮອດປັດຈຸບັນ ເກີດມີຝົນຕົກໜັກຕິດຕໍ່ກັນຫລາຍວັນເຮັດໃຫ້ລະດັບນໍ້າຕາມສາຂາຕ່າງໆ ມີການເພີ່ມຂຶ້ນຢ່າງໄວວາ, ເຮັດໃຫ້ມີສະພາບດິນເຈື່ອນ, ນ້ຳຖ້ວມຊຸ, ນ້ຳຖ້ວມຍື່ງ ເຊິ່ງໄດ້ສົ່ງຜົນກະທົບເສຍຫາຍຢ່າງຫລວງຫລາຍໃນ 10 ຕົວເມືອງທົ່ວແຂວງ, ເຊິ່ງບ້ານທີ່ໄດ້ຮັບຜົນກະທົບທັງໝົດ 123 ບ້ານ; 6.027 ຄອບຄົວ ແລະ ມີເນື້ອທີ່ນາ, ເນື້ອທີ່ສວນ ແລະ ເນື້ອທີ່ປູກພຶດຕ່າງໆ ຖືກນໍ້າຖ້ວມ 11.394,17 ເຮັກຕາ. ເລົ້າເຂົ້າ, ກົງເຕີໄຟຟ້າ, ພາຫະນະ ຖືກນໍ້າຖ້ວມ, ພື້ນຖານໂຄງລ່າງຈຳນວນໜຶ່ງຖືກເສຍຫາຍຈາກດິນເຊາະເຈື່ອນ, ພ້ອມນັ້ນກໍມີສັດລ້ຽງຂອງປະຊາຊົນທີ່ລົ້ມຕາຍ ແລະ ສູນຫາຍເປັນຈຳນວນຫລວງຫລາຍ ມາຮອດປັດຈຸບັນເຫັນວ່າສະພາບນ້ຳມີທ່າອ່ຽງຫລຸດລົງ. ໂອກາດນີ້, ທ່ານ ນາຍົກລັດຖະມົນຕີ ໃນນາມຕາງໜ້າລັດຖະບານໄດ້ສະແດງຄວາມເປັນຫ່ວງເປັນໄຍຕໍ່ພໍ່ແມ່ປະຊາຊົນຜູ້ປະສົບໄພ ແລະ ໄດ້ສະແດງຄວາມຊົມເຊີຍມາຍັງຄະນະນໍາຂອງແຂວງ, ຄະນະໄພພິບັດແຕ່ລະຂັ້ນພາຍໃນແຂວງ ທີ່ເປັນເຈົ້າການນໍາພາແກ້ໄຂບັນຫາຜົນກະທົບຄັ້ງນີ້ໃຫ້ຜ່ອນຄາຍລົງ. ພ້ອມທັງເນັ້ນໃຫ້ພາກສ່ວນກ່ຽວຂ້ອງສືບຕໍ່ຄົ້ນຫາຜູ້ສູນຫາຍຈາກດິນເຫດເຈື່ອນ, ສືບຕໍ່ໂຄສະນາເປັນເຈົ້າການແຈ້ງເຕືອນໃຫ້ປະຊາຊົນມີສະຕິໃນການຕິດຕາມເຝົ້າລະວັງຜົນກະທົບທາງທໍາມະຊາດທີ່ອາດຈະເກີດຂຶ້ນອີກ, ຕໍ່ກັບໄພນໍ້າຖ້ວມໃຫ້ສຸ່ມໃສ່ແກ້ໄຂຊີວິດການເປັນຢູ່ຂອງປະຊາຊົນໃຫ້ເປັນບູລິມະສິດເປັນວຽກທີ່ສືບຕໍ່, ດ້ານວຽກງານການຊົດເຊີຍຜົນເສຍຫາຍມອບໃຫ້ກະຊວງແຮງງານ ແລະ ສະຫວັດດີການສັງຄົມ ສົມທົບກັບຂະແໜງການກ່ຽວຂ້ອງເກັບກໍາຂໍ້ມູນຜົນເສຍຫາຍ ແລະ ດໍາເນີນການຊົດເຊີຍຕາມເງື່ອນໄຂຄວາມເປັນຈິງ ໃນການຟື້ນຟູຊີວິດການເປັນຢູ່ຂອງປະຊາຊົນ ໃຫ້ກັບຄືນສູ່ສະພາບປົກກະຕິໂດຍໄວ. ຂ່າວ: ແຂວງຄຳມ່ວນ #ຂ່າວພາຍໃນລາວພັດທະນາ #ນາຍົກ #ຕິດຕາມຜົນກະທົບນ້ຳຖ້ວມ #ແຂວງຄຳມ່ວນ _______@_______ ສະໜັບສະໜູນຂ່າວໂດຍ: ບໍລິສັດ ອາລີອັນສ ປະກັນໄພລາວ ໂທ: 021 215 903 ທະນາຄານພັດທະນາລາວ 021 213 300 _______@_______ ຂ່າວອື່ນໆ >> www.laophattananews.com Youtube: www.youtube.com/channel/UCfSwYXQ8r6NOMO_vlp7bZYw Twitter: https://twitter.com/laophattana Instagram: https://www.instagram.com/lao_phattana_news/ Tiktok: https://www.tiktok.com/@laophattana_news ສົນໃຈລົງໂຄສະນາໂທ: 020 9999 7139 ຕິດຕໍ່ຫານັກຂ່າວໂທ: 020 2345 0088

7/8/2023 #ຂ່າວແຂວງຫົວພັນ ເລີ່ມແຕ່ວັນທີ 3-6 ສິງຫາ 2023 ຍ້ອນໄດ້ຮັບຜົນກະທົບຈາກພະຍຸ ແລະ ຝົນຕົກໜັກ ຫຼາຍວັນຕິດຕໍ່ກັນ ໄດ້ເຮັດໃຫ້ບັນດາເສັ້ນທາງຫຼວງແຫ່ງຊດ ແລະ ເສັ້ນທາງຫຼວງທ້ອງຖິ່ນ ພາຍໃນແຂວງຫົວພັນ ຖືກດີນເຈື່ອນທັບຖົມ, ນໍ້າຖ້ວມ, ນໍ້າເຊາະຂາດ ເປັນຈຳນວນຫຼາຍ ຮອດປະຈຸບັນພາກສ່ວນກ່ຽວຂ້ອງສາມາດແກ້ໄຂ ໄດ້ຫຼາຍຈຸດ ເຮັດໃຫ້ການເດີນທາງ ໄປ-ມາ ໄດ້ໂດຍພື້ນຖານ ໃນນີ້ ທາງຫຼວງແຫ່ງຊາດ: ເສັ້ນທາງເລກ 6 ຊ່ວງ ພູເລົ້້າ-ຊໍາເໜືອ, ໄດ້ມີດີນເຈື່ອນ ຕົ້ນໄມ້ຫັກທັບທາງຈໍານວນຫຼາຍຈຸດ ແຕ່ກໍ່ພໍໄປມາໄດ້ ແລະ ນໍ້າເຊາະໜ້າທາງຂາດ 1 ຈຸດ ຢູ່ບ້ານພ່າວ ກມ 35 ບໍ່ສາມາສັນຈອນໄປມາໄດ້ຈຸດທາງເວັ້ນ; ມາຮອດປະຈຸບັນໄດ້ແກ້ໄຂສໍາເລັດ ແລະ ສາມາດສັນຈອນໄປມາໄດ້ໂດຍພື້ນຖານແລ້ວ. ເສັ້ນທາງເລກ 1C (ຊາຍແດນຫຼວງພະບາງ-ເມືອງຮ້ຽມ-ນໍ້າເນີນ), ມີດິນເຈື່ອນ ຕົ້ນໄມ້ຫັກທັບທາງຫຼາຍຈຸດ ມາຮອດປັດຈຸບັນຍັງບໍໍ່ສາມາດເປີດການສັນຈອນ ໄປ-ມາໄດ້ ຄາດວ່າອີກປະມານ 2-3 ວັນ ຈຶ່ງຈະແກ້ໄຂສໍາເລັດ ແລະ ສາມາດເປີດການສັນຈອນໄດ້ໂດຍພື້ນຖານ. ເສັ້ນທາງເລກ 6A ( ຊ່ວງສາມແຍກຫາງລ້ອງ-ສົບເບົາ ) ມີດິນເຈື່ອນ ຕົ້ນໄມ້ຫັກທັບທາງ 1 ຈຸດ ມາຮອດປະຈຸບັນໄດ້ແກ້ໄຂສໍາເລັດ ແລະ ສາມາດສັນຈອນໄປມາໄດ້ໂດຍພື້ນຖານ. ທາງຫຼວງທ້ອງຖິ່ນ: ເສັ້ນທາງ ຈາກເມືອງຮ້ຽມ-ເມືອງຊ່ອນ-ແລ່ງແບ່ງ ຊາຍແດນຫວຽດນາມ, ມີດິນເຈື່ອນ ຕົ້ນໄມ້ຫັກທັບທາງຫຼາຍຈຸດ ປະຈຸບັນກໍາລັງແກ້ໄຂຢູ່ ຊ່ວງເມືອງເມືອງຮ້ຽມ-ເມືອງຊ່ອນ ຄາດວ່າອີກປະມານ 1-2 ວັນ ຈຶ່ງຈະແກ້ໄຂສໍາເລັດ ແລະ ສາມາດເປີດການສັນຈອນໄດ້ໂດຍພື້ນຖານ; ຊ່ວງ ເມືອງຊ່ອນ- ແລ່ງແບ່ງ ຊາຍແດນຫວຽດນາມ ຖ້າຫາກຝົນເຊົາຕົກ ແລະ ບໍ່ມີດິນເຈື່ອນລົງມາອີກ ຄາດວ່າອີກປະມານ 3-4 ວັນ ຈຶ່ງຈະແກ້ໄຂສໍາເລັດ; ເສັ້ນທາງ ຈາກຊໍາເໜືອ-ບ້ານຫ້ວຍມ້າ-ເມືອງຊ່ອນ, ຊ່ວງຈາກຊໍາເໜືອ-ບ້ານຫ້ວຍມ້າ ມີດິນເຈື່ອນ, ຕົ້ນໄມ້ຫັກທັບທາງ ຈຸດບ້ານເມືອງຢືດ ແລະ ມີອີກຫຼາຍຈຸດ ທີ່ຖືກຜົນກະທົບ ປະຈຸບັນໄດ້ແກ້ໄຂສໍາເລັດ ແລະ ສາມາດສັນຈອນໄປມາໄດ້ໂດຍພື້ນຖານແລ້ວ.

ເຮົາຈະກຽມໂຕແນວໃດ ໃນກໍລະນີ ເຂື່ອນປ່ອຍນ້ຳ ຫຼື ນ້ຳຖ້ວມ? ເມື່ອກ້າວສູ່ລະດູຝົນ ປະຊາຊົນທີ່ມີເຮືອນ ທີ່ຢູ່ອາໄສບ່ອນທີ່ສູງ ອາດຮູ້ສຶກອຸ່ນໃຈ ຫາກເກີດມີພາຍຸມາ ຝົນຕົກຫຼາຍ ຫຼື ເກີດໄພນ້ຳຖ້ວມ ແຕ່ສຳລັບປະຊາຊົນທີ່ອາໄສຢູ່ພື້ນທີ່ຕ່ຳ ລຽບຕາມແຄມແມ່ນ້ຳ ຫຼື ສາຍນ້ຳລຸ່ມເຂື່ອນໄຟຟ້ານ້ຳຕົກ ອາດຈະຮູ້ສຶກບໍ່ອຸ່ນໃຈ ເນື່ອງຈາກມີຄວາມກັງວົນ ຢ້ານຈະໄດ້ຮັບຜົນກະທົບ ຈາກໄພນ້ຳຖ້ວມທີ່ອາດຈະເກີດຂຶ້ນໃນບ້ານ ແລະ ຮົ້ວສວນຂອງຕົນເອງ. ເຖິງຢ່າງໃດກໍ່ຕາມເພື່ອເປັນການກະກຽມຄວາມພ້ອມ ເພື່ອຫຼຸດຜ່ອນຄວາມສ່ຽງ ໃນກໍລະນີ ເຂື່ອນໄຟຟ້າໄຂປະຕູນ້ຳລົ້ນ ຫຼື ເກີດມີນ້ຳຖ້ວມກະທັນຫັນ ເຮົາຄວນປະຕິບັດຕາມຂໍ້ແນະນຳດັ່ງນີ້: 1. ຕິດຕາມຂ່າວສານ ສະພາບອາກາດ ສະພາບນ້ຳຢ່າງໃກ້ຊິດ 2. ຍົກຍ້າຍເຄື່ອງໃຊ້ໄຟຟ້າໄປໄວ້ບ່ອນສູງ ເຊັ່ນ: ໂທລະພາບ ພັດລົມ ເຄື່ອງຂອງທີ່ມີຄ່າຂອງທ່ານ ຜູ້ທີ່ເຮືອນຢູ່ແຄມນ້ຳແມ່ນກຽມພ້ອມອົບພະຍົກ 3. ຕ້ອງຮູ້ໝາຍເລກໂທລະສັບສຸກເສີນ ຫຼື ຈະໂທຫາ ຫຼື ສອບຖາມ ກະກຽມໄວ້ລ່ວງໜ້າ ກ່ອນເກີດເຫດສຸກເສີນ 4. ຕ້ອງສຶກສາເສັ້ນທາງໜີນໍ້າ: ຫາກເກີດກໍລະນີນໍ້າມາຢ່າງກະທັນຫັນ ຈະໄດ້ອົບພະຍົກໜີໄດ້ທັນການ ສອບຖາມຜູ້ນຳຊຸມຊົນ ນາຍບ້ານອຳນາດປົກຄອງທ້ອງຖີນ ຖ້າຮູ້ແລ້ວຄວນບອກຕໍ່ໆກັນ ໃຫ້ຄຳແນະນຳແກ່ເພື່ອນບ້ານໃກ້ຄຽງ ເມື່ອນ້ຳມາຄວນໄປທາງໃດ ຈຶ່ງປອດໄພ. 5. ສາກໂທລະສັບມືຖືໃຫ້ແບັດເຕີລີເຕັມ ກະກຽມໄວ້: ຫາກເກີດເຫດສຸກເສີນ ເຮົາຈະໄດ້ໂທລະສັບຂໍ້ຄວາມຊ່ວຍເຫຼືອໄດ້ທັນເວລາ 6. ເຮົາຄວນມີການກະກຽມສະບຽງອາຫານ ເຊັ່ນ: ນ້ຳດື່ມ, ເຂົ້າສານ, ອາຫານແຫ້ງ ແລະ ສິ່ງຂອງທີ່ຈຳເປັນ ໃຫ້ພ້ອມ ເພື່ອໃນເວລາເກີດເຫດສຸກເສີນ. 7. ຕ້ອງກະກຽມກະສອບຊາຍ ເພື່ອສ້າງຄັນຄູຕັນນ້ຳ ຫາກຢູ່ໃນພື້ນທີ່ສ່ຽງ ເຮືອນແຄມນ້ຳ . 8. ຫາກມີລົດຢູ່ເຮືອນ ຕ້ອງຍ້າຍລົດໄປຈອດຈຸດທີ່ນ້ຳຖ້ວມບໍ່ຮອດ ກ່ອນທີ່ນ້ຳຈະມາ. 9. ກ່ອນອອກຈາກເຮືອນ ຕ້ອງປິດສະວິກໄຟຟ້າ ແລະ ຖອດປັກສຽບ ເຄື່ອງໃຊ້ໄຟຟ້າຕ່າງໆ ອອກໃຫ້ໝົດເຊັ່ນ: ໂທລະພາບ ຕູ້ເຢັນ ພັດລົມ ເພື່ອລົດຄວາມສ່ຽງໄຟຊັອດເວລານ້ຳຖ້ວມ ແລະ ຕ້ອງລອ໋ກປະຕູເຮືອນກ່ອນອອກຈາກເຮືອນ 10. ຕ້ອງຮູ້ ຫຼື ຂຽນໃສ່ເບກເກີໄຟຟ້າ ວ່າ: ແຕ່ລະໂຕໃນເຮືອນ ຄວບຄຸມອຸປະກອນໄຟຟ້າຫຍັງແດ່ ເຊັ່ນ: ໂທລະທັດ ພັດລົມ ດອກໄຟ... 11. ບໍ່ຄວນຂັບລົດຜ່ານກະແສນ້ຳມີລະດັບສູງ ແລະ ບໍ່ຮູ້ຄວາມເລິກຂອງນ້ຳທີ່ຊັດເຈນ ອາດກໍ່ໃຫ້ເກີດນ້ຳເຂົ້າຈັກລົດເກີດຄວາມເສຍຫາຍຕໍ່ພາຫະນະ ແລະ ນີ້ກໍແມ່ນຄຳແນະນຳ 11 ຂໍ້ ທີ່ເຮົາຄວນສຶກສາ ແລະ ຮັບຮູ້ ໃນກໍລະນີເຂື່ອນໄຂປະຕູນ້ຳລົ້ນ ຫຼື ເກີດມີນ້ຳຖ້ວມ --------------------------- ຕິດຕາມຂໍ້ມູນເພີ່ມຕື່ມ ກ່ຽວກັບລະດັບນ້ຳໃນບັນດາເຂື່ອນຕ່າງໆ ທີ່ EDL-Gen ຄຸ້ມຄອງ https://edlgen.com.la/water-availability/