ກອງປະຊຸມສຳມະນາ ກ່ຽວກັບການຍົກລະດັບວຽກງານຄວາມປອດໄພ ໃນ ສ ປ ປ ລາວ -------------------------------------------- ກົມຄວາມປອດໄພໄຊເບີ, ກະຊວງເຕັກໂນໂລຊີ ແລະ ການສື່ສານ ໄດ້ຮ່ວມກັບ ສະຖານທູດອົດສະຕາລີ ໄດ້ຈັດກອງປະຊຸມສຳມະນາກ່ຽວກັບ ການຍົກລະດັບວຽກງານຄວາມປອດໄພໄຊເບີ ໃນ ສ ປ ປ ລາວ ເພື່ອໃຫ້ທຸກຄົນມີຄວາມສະດວກໃນການສື່ສານ, ການແລກປ່ຽນຂໍ້ມູນ-ຂ່າວສານ, ການເກັບຂໍ້ມູນ ລວມເຖິງການຮັກສາລະບົບຂໍ້ມູນຂ່າວສານຕ່າງໆທາງອີນເຕີເນັດ/ໄຊເບີ, ຈັດຂຶ້ນໃນວັນທີ 18 ຕຸລາ 2023 ທີ່ ໂຮງແຮມ ຄຣາວພາຊາ ນະຄອນຫຼງວຽງຈັນ, ໂດຍການເປັນປະທານຂອງ ທ່ານ ສຸເນດໂຕ ຊາພັກດີ ຮອງຫົວໜ້າກົມຄວາມປອດໄພໄຊເບີ, ຊຶ່ງຜູ້ເຂົ້າຮ່ວມມີທ່ານ ນາງ ຟີໂອນາ ເລຂານຸການ ຈາກສະຖາທູດອົດສະຕາລີ, ພ້ອມດ້ວຍນັກວິທະຍາກອນ, ບັນດາກົມ/ທຽບເທົ່າ, ບໍລິສັດໂທລະຄົມ ແລະ ກະຊວງອ້ອມຂ້າງທີ່ກ່ຽວຂ້ອງ ຈຳນວນ 30 ທ່ານ. : ຈຸດປະສົງຂອງການສໍາມະນາໃນຄັ້ງນີ້ ກໍ່ເພື່ອເສີມສ້າງຄວາມຮູ້ຄວາມອາດສາມາດ ແລະ ຄວາມເຂົ້າໃຈໃນວຽກງານນະໂຍບາຍ ແລະ ຍຸດທະສາດດ້ານຄວາມປອດໄພທາງໄຊເບີ ໃຫ້ກັບບັນດາຜູ້ເຂົ້າຮ່ວມ ແລະ ໜ່ວຍງານທີ່ກ່ຽວຂ້ອງອ້ອມຂ້າງ ຊຶ່ງຜູ້ເຂົ້າຮ່ວມຈະໄດ້ຮຽນຮູ້ ແລະ ແລກປ່ຽນລະບຽບຫຼັກການຕ່າງໆກ່ຽວກັບ ນະໂຍບາຍ ແລະ ແຜນຍຸດທະສາດດ້ານຄວາມປອດໄພທາງໄຊເບີ ພ້ອມທັງການຈັດຕັ້ງປະຕິບັດບັນດາກົດໝາຍ ແລະ ມາດຕະການຕ່າງໆ ລະຫວ່າງປະເທດ ແລະ ສາກົນ. ສະນັ້ນ ເພື່ອໃຫ້ເປັນໄປຕາມຂໍ້ກໍານົດລະບຽບຫຼັກການ ແລະ ໃຊ້ມາດຕະການຕໍ່ຜູ້ລະເມີດ, ເພື່ອປົກປ້ອງຂໍ້ມູນສ່ວນບຸກຄົນ ແລະ ສິດທິຂອງອົງກອນ ພ້ອມນັ້ນການຮ່ວມມື ລະຫວ່າງປະເທດ ແລະ ໃນລະດັບພາກພື້ນ ກໍ່ເປັນສີ່ງຈໍາເປັນ ແລະ ສໍາຄັນ ເພື່ອໃຫ້ມີການແລກປ່ຽນຂໍ້ມູນຂ່າວສານເຊີ່ງກັນ ແລະ ກັນ ເພື່ອຊ່ວຍປັບປຸງພັດທະນາໃນວຽກງານນະໂຍບາຍຄວາມປອດໄພໄຊເບີ ໃຫ້ຄວາມສອດຄ່ອງ ແລະ ຫັດກຸມຂື້ນກວ່າເກົ່າ. ຂຽນຂ່າວ: ກົມຄວາມປອດໄພໄຊເບີ. ---------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ທາບທາມຄຳເຫັນໃສ່ຮ່າງດຳລັດວ່າດ້ວຍເຂດເຕັກໂນໂລຊີລະດັບສູງ -------------------------------------------- ໃນວັນທີ 25 ສິງຫາ 2023 , ທີ່ຫ້ອງປະຊຸມໃຫຍ່ຊັ້ນ 05 ກະຊວງເຕັກໂນໂລຊີ ແລະ ການສື່ສານ (ເຂດສີສະເກດ), ກົມເຕັກໂນໂລຊີ ແລະ ນະວັດຕະກຳ ໄດ້ຈັດກອງປະຊຸມທາບທາມຄຳເຫັນໃສ່ ຮ່າງດຳລັດວ່າດ້ວຍເຂດເຕັກໂນໂລຊີລະດັບສູງ ໂດຍພາຍໃຕ້ການເປັນປະທານຂອງທ່ານ ປອ. ສັນຕິສຸກ ສິມມາລາວົງ, ຮອງລັດຖະມົນຕີ ກະຊວງເຕັກໂນໂລຊີ ແລະ ການສື່ສານ, ມີຕາງໜ້າຫ້ອງການ, ກົມ, ສະຖາບັນ, ສູນ ພາຍໃນກະຊວງ ແລະ ບັນດາກະຊວງອ້ອມຂ້າງ, ມີບັນດາຫົວໜ່ວຍທຸລະກິດ ແລະ ພະແນກ ວິທະຍາສາດ ແລະ ເຕັກໂນໂລຊີ ແຂວງ ຜ່ານລະບົບກອງປະຊຸມທາງໄກ. : ຈຸດປະສົງໃນການທາບທາມຄຳເຫັນຄັ້ງນີ້ ກໍເພື່ອແນໃສ່ການປະກອບຄຳເຫັນ ແລະ ປຶກສາຫາລື ກຳນົດຫຼັກການ, ລະບຽບການ ແລະ ມາດຕະການ ກ່ຽວກັບການຄຸ້ມຄອງ, ຕິດຕາມກວດກາ ການເຄື່ອນໄຫວວຽກງານ ພາຍໃນເຂດເຕັກໂນໂລຊີລະດັບສູງ ເພື່ອເຮັດໃຫ້ການດຳເນີນວຽກງານມີຄວາມສະດວກ, ວ່ອງໄວ, ຖືກຕ້ອງ ແລະ ໂປ່ງໃສ ແນ່ໃສ່ດຶງດູດ ແລະ ສົ່ງເສີມການລົງທຶນ ພາຍໃນ ແລະ ຕ່າງປະເທດ ຮັບປະກັນການເຊື່ອມໂຍງກັບພາກພື້ນ ແລະ ສາກົນ ປະກອບສ່ວນສຳຄັນເຂົ້າໃນການພັດທະນາເສດຖະກິດ-ສັງຄົມແຫ່ງຊາດ. ໃນກອງປະຊຸມຜູ້ເຂົ້າຮ່ວມໄດ້ພ້ອມກັນປຶກສາຫາລື ແລກປ່ຽນຄຳຄິດຄຳເຫັນຢ່າງກົງໄປກົງມາ ແນໃສ່​ເພື່ອ​​ເຮັດໃຫ້​ຮ່າງ​ດຳລັດ​ສະບັບ​ນີ້ມີ​ເນື້ອ​ໃນສົມບູນ​ທີ່​ສຸດ​ ກ່ອນ​ຈະ​ນຳ​ສະ​ເໜີ​ເຂົ້າກອງປະຊຸມລັດຖະບານ ພິຈາລະນາຮັບຮອງເອົາໃນເດືອນໃນເດືອນ ຕຸລາ 2023 ນີ້. ຂຽນຂ່າວພຸດດາວອນ ------------------------------------ ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ກອງປະຊຸມປຶກສາຫາລື ຮ່າງແຜນແມ່ບົດລັດຖະບານດິຈິຕອນ(Digital Government Master Plan) ------------------------------------------------- ໃນວັນທີ 16 ສິງຫາ 2023, ທີ່ໂຮງແຮມ ຄຣາວພາຊາ, ນະຄອນຫຼວງວຽງຈັນ, ສູນບໍລິຫານລັດດິຈິຕອນ (ສລດ), ກະຊວງເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ອົງການສະຫະປະຊາຊາດ ເພື່ອການພັດທະນາ (UNDP)ໄດ້ຈັດກອງປະຊຸມປຶກສາຫາລືຮ່າງແຜນແມ່ບົດລັດຖະບານດິຈິຕອນ (Digital Government Master Plan), ໂດຍການເປັນປະທານຮ່ວມຂອງທ່ານແກ້ວວິສຸກ ໂສລະພົມ ຮອງລັດຖະມົນຕີ ກະຊວງເຕັກໂນໂລຊີ ແລະ ການສື່ສານແລະທ່ານ ນາງ ມາຕີເນີ ເທເຣີ (Martine Therer) ຜູ້ຕາງໜ້າຈາກ ອົງການສະຫະປະຊາຊາດ ເພື່ອການພັດທະນາ (UNDP) ປະຈຳ ສປປລາວ, ມີບັນດາຜູ້ເຂົ້າຮ່ວມຕາງໜ້າຈາກບັນດາກະຊວງອ້ອມຂ້າງ ແລະ ອົງການຈັດຕັ້ງພັກ-ລັດຫຼາຍກວ່າ 50 ທ່ານ. : ຈຸດປະສົງຂອງກອງປະຊຸມຄັ້ງນີ້ ແມ່ນເພື່ອລະດົມຄວາມຄິດ ແລະ ປະກອບຄໍາເຫັນໃສ່ຮ່າງແຜນແມ່ບົດລັດຖະບານດິຈິຕອນ, ຊຶ່ງແຜນແມ່ບົດສະບັບນີ້ແມ່ນການກໍານົດທິດທາງ ໃນການພັດທະນາວຽກງານການບໍລິການ ແລະ ບໍລິຫານລັດ ໃຫ້ເປັນດິຈິຕອນຂອງ ສປປ ລາວ ໃນອີກຫ້າປີຕໍ່ໜ້າ, ຊຶ່ງໃນເອກະສານ ໄດ້ກໍານົດບັນດາຍຸດທະສາດການພັດທະນາ, ລະບຽບການ, ການເພີ່ມຂີດຄວາມສາມາດຂອງບຸກຄະລາກອນພາກລັດ, ການພັດທະນາໂຄງລ່າງພື້ນຖານ, ເຕັກໂນໂລຊີ ແລະ ການບໍລິການສຳລັບລັດຖະບານດິຈິຕອນ ເພື່ອປັບປຸງວຽກງານການຫັນເປັນດິຈິຕອນໃນປັດຈຸບັນ ແລະ ໃຫ້ບັນລຸໄດ້ວິໄສທັດຂອງລັດຖະບານທີ່ສອດຄ່ອງກັບການພັດທະນາເສດຖະກິດດິຈິຕອນ ແຫ່ງຊາດ ໄລຍະ 20 ປີ (2021-2040), ຍຸດທະສາດການພັດທະນາເສດຖະກິດດິຈິຕອນແຫ່ງຊາດ ໄລຍະ 10 ປີ (2021-2030) ແລະ ແຜນພັດທະນາເສດຖະກິດດິຈິຕອນ ໄລຍະ 05ປີ (2021-2025). ກະຊວງເຕັກໂນໂລຊີ ແລະ ການສື່ສານຊຶ່ງເຮັດໜ້າທີ່ເປັນເສນາທີການໃນການຂັບເຄື່ອນ ແລະ ສະໜັບສະໜູນບັນດາຂະແໜງການ ໃນການພັດທະນາວຽກງານການຫັນເປັນທັນສະໄໝຂອງ ສປປ ລາວ.

ອີງຕາມຜົນການສຳຫລວດກຳລັງແຮງງານ ຄັ້ງທີ III ປີ 2022 (ການສຳຫລວດແບບຕົວແທນລະດັບຊາດ). ໃນປີ 2022 ສປປ ລາວ ມີພົນລະເມືອງທັງໝົດ 7.4 ລ້ານຄົນ, ໃນນັ້ນ ພົນລະເມືອງໃນເກນອາຍຸອອກແຮງງານ (ຜູ້ມີອາຍຸ 15 ປີຂຶ້ນໄປ) ມີທັງໝົດ 5.3 ລ້ານຄົນ ກວມເອົາ 71.6% ຂອງພົນລະເມືອງທັງໝົດ. ສ່ວນໃຫຍ່ແມ່ນອາໄສໃນເຂດຊົນນະບົດຈຳນວນ 3.5 ລ້ານຄົນ ກວມເອົາ 65.5%.... ພົນລະເມືອງທີ່ເປັນກຳລັງແຮງງານ ແມ່ນພົນລະເມືອງຜູ້ທີ່ມີອາຍຸ 15 ປີຂຶ້ນໄປທີ່ມີວຽກເຮັດງານທຳ ແລະ ຜູ້ທີ່ວ່າງງ່ານ ເຊິ່ງມີທັງໝົດ 2.5 ລ້ານຄົນ ກວມເອົາ 34.1% ຂອງພົນລະເມືອງທັງໝົດ. ກຳລັງແຮງງານສ່ວນໃຫຍ່ມີອາຍຸລະຫວ່າງ 25-64 ປີ ກວມເອົາ 78.7%ຂອງກຳລັງແຮງງານທັງໝົດ... ຜູ້ທີ່ມີວຽກເຮັດງານທຳມີທັງໝົດ 2.4 ລ້ານຄົນ... ແຫລ່ງຂໍ້ມູນ: ສູນສະຖິຕິແຫ່ງຊາດ ລາຍລະອຽດສາມາດດາວໂຫລດໄດ້ທີ່ https://laosis.lsb.gov.la #ສູນສະຖິຕິແລະຂໍ້ມູນຂ່າວສານ #ກົມແຜນການແລະການຮ່ວມມື #ກະຊວງອຸດສາຫະກຳແລະການຄ້າ

ອັດຕາເງິນເຟີ້ເດືອນ ກໍລະກົດ 2023 ແມ່ນ 27.8%. ໝວດສິນຄ້າທີ່ມີອັດຕາເງິນເຟີ້ສູງກວ່າໝູ່ແມ່ນ ໝວດສະບຽງອາຫານ ແລະ ເຄື່ອງດື່ມບໍ່ມີທາດເຫລົ້າ ເພີ່ມຂຶ້ນ 37.81%, ໝວດຮ້ານອາຫານ ແລະ ໂຮງແຮມ ເພີ່ມຂຶ້ນ 32.8%, ໝວດເຄື່ອງນຸ່ງຫົ່ມ ແລະ ເກີບ ເພີ່ມຂຶ້ນ 28.5%, ໝວດເຄື່ອງໃຊ້ໃນເຮືອນເພີ່ມຂຶ້ນ 24.7%, ໝວດເຫລົ້າ ລະ ຢາສູບ ເພີ້ມຂຶ້ນ 21.9%, ໝວດຮັກສາຸຂະພາບ ແລະ ຢາ ເພີ້ມຂຶ້ນ 20.8%, ໝວດທີພັກອາໄສ ນໍ້າປະປາ ໄຟຟ້າ ແລະ ເຊື້ອເພີງຫຸງຕົ້ມ ເພີ່ຂຶ້ຮ 16.8%, ໝວດສິນຄ້າ ແລະ ບໍລິການອື່ນໆ ເພີ່ມຂຶ້ນ 14%, ໝວດຄົມມະນາຄົມ ແລະ ຂົນສົ່ງເພີ່ມຂຶ້ນ 14.5%. ສາເຫດຫລັກຂອງການເພີ່ມຂຶ້ນຂອງອັດຕາເງິນເຟີ້ໃນເດືອນນີ້ກໍ່ຄືໄລຍະຜ່ານມາຍັງແມ່ນປັດໄຈມາຈາກອັດຕາແລກປ່ຽນເງິນຕາຕ່າງປະເທດ, ການຄຸ້ມຄອງລາຄາ ແລະ ການປ່ຽນແປງດິນຟ້າອາກາດ. ລາຍລະອຽດສາມາດ ດາວໂຫລດເອກະສານໄດ້ທີ່ www.lsb.gov.la ແຫລ່ງຂໍ້ມູນ: ສູນສະຖິຕິແຫ່ງຊາດ #ສູນສະຖິຕິແລະຂໍ້ມູນຂ່າວສານ #ກົມແຜນການແລະການຮ່ວມມື #ກະຊວງອຸດສາຫະກຳແລະການຄ້າ

? ງານວາງສະແດງສິນຄ້າ ຫວຽດນາມ-ລາວ 2023 ໄດ້ກັບມາແບບຍິ່ງໃຫຍ່, ເປັນສູນລວມສິນຄ້າຄຸນນະພາບຫຼາກຫຼາຍ. ໃນງານນີ້ຈະມີການວາງສະແດງ ແລະ ແນະນຳຜະລິດຕະພັນຫຼາຍກວ່າ 250ຮ້ານ, ການວາງສະແດງສິນຄ້າຈາກ ສສ ຫວຽດນາມ ເຂົ້າຮ່ວມ 120ຮ້ານ ແລະ ໃນນັ້ນ ສິນຄ້າແບຣນຄຸນນະພາບ ກວ່າ 60ຮ້ານຄ້າ ເຊັ່ນ: ອຸປະກອນການແພດ-ຢາ, ສິນຄ້າກະສິກຳ-ປ່າໄມ້, ອາຫານທະເລ-ປຸງແຕ່ງ, ເຄື່ອງນຸ່ງເສື້ອຜ້າແຟຊັນ, ເຄື່ອງຫັດຖະກຳ, ເຄື່ອງຕົບແຕ່ງເຮືອນ, ສິນຄ້າບໍລິໂພກ ແລະ ອື່ນໆ. ງານນີ້ ໃຫ້ກຽດ ເປັນປະທານ ໂດຍ ການນຳກະຊວງອຸດສາຫະກຳ ແລະ ການຄ້າຂອງສອງປະເທດ. ບັນດາກະຊວງ, ຂະແໜງການ ແລະ ອົງການຈັດຕັ້ງສາກົນ, ນະຄອນຫຼວງວຽງຈັນ; ເຊິ່ງຈະມີການແນະນຳ ແລະ ສະແດງສິນຄ້າ ແລະ ການຄ້າລະຫວ່າງວິສາຫະກິດ ຫວຽດນາມ - ລາວ; ກອງປະຊຸມທີ່ເຊື່ອມໂຍງການຄ້າ ແລະ ການຄ້າອອນລາຍ; ງານນີ້ ຍັງມີ ການພົບປະ, ການສະແດງ ແລະ ແລກປ່ຽນວັດທະນະທຳລະຫວ່າງ ຫວຽດນາມ ແລະ ລາວ, ? ງານວາງສະແດງສິນຄ້າ ຫວຽດນາມ - ລາວ 2023 (VIETLAO EXPO 2023) ?ເລີ່ມວັນທີ 27-31 ກໍລະກົດ 2023 ? ? ສູນວາງສະແດງສິນຄ້າ ລາວ-ໄອເຕັກ (ໄອເຕັກ-ຕຶກເກົ່າ) ⏰ ເວລາ 10:00-21:00ໂມງ @itecc_exhibition #iteccexpo #iteccexhibitionhall #ໄອເຕັກຕຶກເກົ່າ #ລາວ-ໄອເຕັກ #fair #laoviet

ພິທີເປີດເວັບໄຊຖານຂໍ້ມູນດ້ານລະບຽບ ການຂໍອະນຸຍາດດຳເນີນທຸລະກິດ ໃນ ສປປ ລາວ ນະຄອນຫຼວງວຽງຈັນ, ວັນທີ 25 ມັງກອນ ປີ 2023 ທີ່ ໂຮງແຮມ ລາວ ພລາຊ່າ, ກົມທະບຽນ ແລະ ຄຸ້ມຄອງວິສາຫະກິດ, ກະຊວງອຸດສາຫະກໍາ ແລະ ການຄ້າ ໄດ້ຈັດພິທີເປີດເວັບໄຊຖານຂໍ້ມູນລະບຽບການຂໍອະນຸຍາດດໍາເນີນທຸລະກິດ ເພື່ອຊ່ວຍພາກລັດ ແລະ ເອກະຊົນຜູ້ລົງທຶນທັງພາຍໃນ ແລະ ຕ່າງປະເທດ ສາມາດເຂົ້າເຖິງຂໍ້ມູນດ້ານລະບຽບການດຳເນີນທຸລະກິດ ໃນ ສປປ ລາວ ໄດ້ຢ່າງສະດວກ, ງ່າຍດາຍ, ປະຢັດເວລາ ແລະ ຫລຸດຄວາມຫຍຸ້ງຍາກທີ່ຕ້ອງເຂົ້າໄປຂໍຂໍ້ມູນດ້ວຍຕົນເອງນຳຂະແໜງການກ່ຽວຂ້ອງ.

ສະພາການຄ້າ ແລະ ອຸດສາຫະກຳ ແຂວງຫົວພັນ(ສຄອ) ໄດ້ເຊີນພະແນກຄຸ້ມຄອງແຫຼ່ງກຳເນີດສິນຄ້າ ກົມການນໍາເຂົ້າ ແລະ ສົ່ງອອກ,ກະຊວງອຸດສາຫະກຳແລະການຄ້າ,ສຄອຊ ເພຶ່ອມາຝຶກອົບຮົມໃຫ້ພະນັກງານ ສຄອ ກ່ຽວກັບການຝຶກອົບຮົມອອກເອກະສານສິນຄ້າໄດ້ແຫຼ່ງກຳເນີດ Confirnmation of Product Eligilty: CPE ແລະ ໃບຢັ້ງຢືນແຫຼ່ງກຳເນີດສິນຄ້າCertificate of Origin:CO ໂດຍການເປັນປະທານຮ່ວມການຝຶກອົບຮົມໃນຄັ້ງນີ້ ຂອງທ່ານ ຄໍາແກ້ວ ອຸ່ນອານົງນຸດ ປະທານ ສຄອ ແລະ ທ່ານ ໄຊຍະສອນ ສີລິພົງ ຫົວໜ້າພະແນກຄຸ້ມຄອງແຫຼ່ງກຳເນີດສິນຄ້າ.