ກິດຈະກຳສະເຫຼີມສະຫຼອງວັນໂພຊະນາການແຫ່ງຊາດ ພາຍໃຕ້ຄຳຂວັນ ກິນດີ, ມີສຸກ ທີ່ໄດ້ເຊີນຊວນພໍ່ແມ່ປະຊາຊົນເຂົ້າຮ່ວມໃນງານສະເຫຼີມສະຫຼອງທີ່ເຕັມໄປດ້ວຍກິດຈະກຳຕ່າງໆເຊັ່ນ: ການນຳສະເໜີກ່ຽວກັບໂພຊະນາການ, ການສາທິດປຸງແຕ່ງອາຫານເພື່ອສຸຂະພາບ, ການຮ້ອງເພັງ, ການສະແດງລະຄອນສັ້ນຈາກກຸ່ມໄວໜຸ່ມລາວ, ການຮັບຟັງຂໍ້ມູນທີ່ສຳຄັນຈາກທີມງານຜູ້ຊ່ຽວຊານ, ໂພຊະນາການບຳບັດ ແລະ ກິດຈະກຳຕອບຄຳຖາມແຈກລາງວັນໃຫ້ຜູ້ເຂົ້າຮ່ວມພາຍໃນງານດັ່ງກ່າວ.
ລັດຖະບານ ສປປ ລາວ ພ້ອມດ້ວຍຄູ່ຮ່ວມງານທັງພາຍໃນ ແລະ ສາກົນກໍຄືສະຫະພາບເອີຣົບໄດ້ສືບຕໍ່ການຄົ້ນຄ້ວາເຊື່ອມໂຍງລະຫວ່າງການລົງທຶນດ້ານໂພຊະນາການ ໃສ່ການຈະເລີນເຕີບໃຫ່ຍຂອງເດັກນ້ອຍໃນຊຸມຊົນ ແລະ ທາງດ້ານການພັດທະນາວຽກງານໂພຊະນາການເພາະວ່າໂພຊະນາການແມ່ນຈຸດສຸມຫຼັກໃນການບັນລຸເປົ້າໝາຍວຽກງານການພັດທະນາເສດຖະກິດ-ສັງຄົມ ຂອງຊາດກໍ່ຄືເປົ້າໝາຍການພັດທະນາແບບຍືນຍົງ ຮອດປີ 2030, ແມ່ນປີທີ່ເຮົາຕ້ອງບັນລຸເປົ້່າໝາຍໃນການພັດທະນາ ເຊິ່ງວຽກງານໂພຊະນາການກໍຍັງເປັນບູລິມະສິດອັນດັບໜຶ່ງຂອງ ສປປ ລາວ ແລະ ກໍເປັນເປົ້າໝາຍທີ່ສຳຄັນຂອງວຽກງານພັດທະນາຂອງລັດຖະບານ ສປປ ລາວ ອີກດ້ວຍ.
ໃນພິທີໄດ້ຮັບກຽດເຂົ້າຮ່ວມໂດຍ ທ່ານ ດຣ. ພອນປະເສີດ ອຸນາພົມ ຫົວໜ້າກົມອະນາໄມ ແລະ ສົ່ງເສີມສຸຂະພາບ ຮອງຫົວໜ້າກອງເລຂາຄະນະກຳມະການແຫ່ງຊາດດ້ານໂພຊະນາການ ພ້ອມດ້ວຍຜູ້ຕາງໜ້າຈາກ ສະຫະພາບເອີຣົບ ທ່ານ ນາງ. ອະສຸນຕາ ເທສຕາ ຜູ້ຮັບຜິດຊອບແຜນງານຄ້ຳປະກັນສະບຽງອາຫານ ປະຈຳ ສປປ ລາວພ້ອມດ້ວຍ ຫົວໜ້າສູນໂພຊະນາການ, ພະນັກງານທີ່ກ່ຽວຂ້ອງຂອງສູນ, ອົງການຈັດຕັ້ງສາກົນ ແລະ ປະຊາຊົນກໍ່ໄດ້ເຂົ້າຮ່ວມ.

ວັນທີ 30 ກໍລະກົດ 2023 ທີ່ນະຄອນຫຼວງວຽງຈັນ.
ຂອບໄຈຂໍ້ມູນຈາກ: ສູນຂ່າວການແພດສຸຂະສືກສາ

ພິທີສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 68 ປີ ຂອງໜ່ວຍສະຫະພັນແມ່ຍິງໂຮງໝໍມິດຕະພາບ, ໃນທ່າມກາງບັນຍາກາດທົ່ວອົງຄະນະພັກກະຊວງສາທາລະນະສຸກຫາກໍ່ສຳເລັດດຳເນີນກອງປະຊຸມກາງສະໄໝຄົບຄະນະຂອງບໍລິຫານພັກກະຊວງ ແລະ ພອ້ມນຳເອົາຜົນສຳເລັດຂອງການດຳເນີນກອງປະຊຸມລົງໄປຈັດຕັ້ງຜັນຂະຫຍາຍພາຍໃນໂຮງໝໍ, ທ່ານ ດຣ. ນ ພຸດທະສອນ ພົມມະຈັນ ປະທານໜ່ວຍສະຫະພັນແມ່ຍິງໂຮງໝໍມິດຕະພາບກໍ່ໄດ້ຂຶ້ນເລົ່າມູນເຊື້ອປະຫວັດຄວາມເປັນມາຂອງວັນສ້າງຕັ້ງສະຫະພັນແມ່ຍິງລາວ ວັນທີ 20 ກໍລະກົດ ຄົບຮອບ ..68... ປີ ພ້ອມທັງຜ່ານບົດສະຫລຸບການເຄື່ອນໄຫວໜ່ວຍສະຫະພັນແມ່ຍິງໂຮງໝໍມິດຕະພາບປະຈຳປີ 2022 ແລະ ວາງທິດທາງແຜນການປີ 2023 ແລະ ຜ່ານຂໍ້ຕົກລົງວ່າດ້ວຍການອະນຸມັດມອບໃບຍ້ອງຍໍປະຈຳປີ 2022 ໃຫ້ຈຸສະຫະພັນແມ່ຍິງໂຮງໝໍມິດຕະພາບ ເຂົ້າຮ່ວມໃນພິທີດັ່ງກ່າວມີທ່ານ ດຣ. ສອນໄຊ ລາດຊະວົງ ຄະນະພັກກະຊວງສາທາລະນະສຸກ, ເລຂາຄະນະພັກຮາກຖານ ຜູ້ອຳນວຍການໂຮງຫມໍມິດຕະພາບ, ດຣ ນາງ ມະນີຈັນ ທອງຊະນະ ຮອງປະທານສະຫະພັນແມ່ຍິງ ກະຊວງສາທາລະນະສຸກ, ຄະນະພັກຮາກຖານ, ຄະນະອຳນວຍການໂຮງໝໍມິດຕະພາບ ຂື້ນເປັນປະທານ, ນາງ ດຮ ພຸດທະສອນ ພົມມະຈັນ ປະທານສະຫະພັນແມ່ຍິງໂຮງໝໍມິດຕະພາບ ພ້ອມດ້ວຍບັນດາທ່ານຫົວໜ້າພະແນກ, ທ່ານຄະນະພະແນກ, ອາວຸໂສພະນັກງານບຳນານແມ່ຍິງ,
ຄະນະຫນ່ວຍສະຫະພັນແມ່ຍິງ, ເອື້ອຍນ້ອງແມ່ຍິງໂຮງໝໍມິດຕະພາບ ກໍ່ໃຫ້ກຽດເຂົ້າຮ່ວມ

ວັນທີ 28 ກໍລະກົດ 2023.
ຂອບໄຈຂໍ້ມູນດີໆ ຈາກ: ສູນຂ່າວການແພດສຸຂະສືກສາ

ພິທີເປີດເວັບໄຊຖານຂໍ້ມູນດ້ານລະບຽບ ການຂໍອະນຸຍາດດຳເນີນທຸລະກິດ ໃນ ສປປ ລາວ
ນະຄອນຫຼວງວຽງຈັນ, ວັນທີ 25 ມັງກອນ ປີ 2023 ທີ່ ໂຮງແຮມ ລາວ ພລາຊ່າ, ກົມທະບຽນ ແລະ ຄຸ້ມຄອງວິສາຫະກິດ, ກະຊວງອຸດສາຫະກໍາ ແລະ ການຄ້າ ໄດ້ຈັດພິທີເປີດເວັບໄຊຖານຂໍ້ມູນລະບຽບການຂໍອະນຸຍາດດໍາເນີນທຸລະກິດ ເພື່ອຊ່ວຍພາກລັດ ແລະ ເອກະຊົນຜູ້ລົງທຶນທັງພາຍໃນ ແລະ ຕ່າງປະເທດ ສາມາດເຂົ້າເຖິງຂໍ້ມູນດ້ານລະບຽບການດຳເນີນທຸລະກິດ ໃນ ສປປ ລາວ ໄດ້ຢ່າງສະດວກ, ງ່າຍດາຍ, ປະຢັດເວລາ ແລະ ຫລຸດຄວາມຫຍຸ້ງຍາກທີ່ຕ້ອງເຂົ້າໄປຂໍຂໍ້ມູນດ້ວຍຕົນເອງນຳຂະແໜງການກ່ຽວຂ້ອງ.

ກອງປະຊຸມສະຫຼຸບຂະບວນການແຂ່ງຂັນ-ຍ້ອງຍໍ ຮັກຊາດ ແລະ ພັດທະນາ 5 ປີ (2016-2020) ແລະ ທິດທາງແຜນ ການ ຮອດປີ 2025 ຂອງກະຊວງ ອຸດສາຫະກຳ ແລະ ການຄ້າ ຄັ້ງວັນທີ 28 ກຸມພາ2023

ພີທີເຊັນບົດບັນທຶກການເຊືອມຖານຂໍ້ມູນ ວິສາຫະກິດແຫ່ງຊາດ ແລະ ຖານຂໍ້ມູນລົງທຶນ ທີ່ຫ້ອງປະຊຸມຂອງ ກະຊວງແຜນການ ແລະ ການລົງທຶນ

ກອງປະຊຸມປຶກສາຫາລືກ່ຽວກັບວຽກງານປັບປຸງຂັ້ນຕອນ ການອອກໃບອະນຸຍາດດຳເນີນທຸລະກິດ ສຳລັບກິດຈະການທີ່ຕິດພັນກັບບັນຊີຄວບຄຸມ
ທີ່ມາຂອງຂໍ້ມູນ:ຖານວິສາຫາກິດແຫ່ງຊາດ

ກອງປະຊຸມວາງແຜນການເຮັດວຽກລະຫວ່າງກົມທະບຽນ ແລະ ຄຸ້ມຄອງວິສາຫະກິດ ກັບ ບໍລິສັດຜູ້ ພັດທະນາລະບົບຂຶ້ນທະບຽນວິສາຫະກິດອີເຣັກໂທຣນິກ(ຂຶ້ນທະບຽນອອນລາຍ) ທີ່ຫ້ອງປະຊຸມກົມ ໃນວັນທີ 25ກໍລະກົດ2023
ທີ່ມາຂອງຂໍ້ມູນ:ຖານວິສາຫາກິດແຫ່ງຊາດ