ລາວ-ຈີນ ສືບຕໍ່ການຮ່ວມມືດ້ານວິທະຍາສາດ, ເຕັກໂນໂລຊີ ແລະ ນະວັດຕະກຳ ————————— ໃນໂອກາດເຂົ້າຮ່ວມກອງປະຊຸມ "ໜຶ່ງແລວໜຶ່ງເສັ້ນທາງ" ການແລກປ່ຽນທາງດ້ານວິທະຍາສາດ, ເຕັກໂນໂລຊີ ແລະ ນະວັດຕະກຳ ຢູ່ທີ່ ນະຄອນຊົງຊິ້ງ ສປ. ຈີນ. ໃນວັນທີ 05 ພະຈິກ 2023 ໄດ້ມີກອງປະຊຸມພົບປະສອງຝ່າຍ ລະຫວ່າງ ກະຊວງເຕັກໂນໂລຊີ ແລະ ການສື່ສານ ສປປ ລາວ ແລະ ກະຊວງວິທະຍາສາດ ແລະ ເຕັກໂນໂລຊີ ສປ. ຈີນ ໂດຍພາຍໃຕ້ການເປັນປະທານຮ່ວມລະຫວ່າງ ທ່ານ ບັນດິດ ສຈ. ບໍ່ວຽງຄຳ ວົງດາລາ, ລັດຖະມົນຕີ ກະຊວງເຕັກໂນໂລຊີ ແລະ ການສື່ສານ ສປປ ລາວ ແລະ ທ່ານ ອິນ ເຫີຈຸນ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ສປ. ຈີນ. ທ່ານລັດຖະມົນຕີ ອິນ ເຫີຈຸນ ໄດ້ມີຄຳເຫັນໃນກອງປະຊຸມພົບປະຄັ້ງນີ້ວ່າ ກະຊວງວິທະຍາສາດ ແລະ ເຕັກໂນໂລຊີ ສປ. ຈີນ ຈະສືບຕໍ່ໃຫ້ການຮ່ວມມືດ້ານວິທະຍາສາດ, ເຕັກໂນໂລຊີ ແລະ ນະວັດຕະກຳ ແກ່ ສປປ ລາວ ໂດຍສະເໜີສ້າງຕັ້ງຄະນະກຳມະການຮ່ວມມື ແລະ ຖືເອົາການລົງນາມເອກະສານຮ່ວມມືທັງສອງສະບັບ ທີ່ໄດ້ລົງນາມຄັ້ງນີ້ ເປັນໂອກາດ ເພື່ອຊຸກຍູ້ ແລະ ເປີດກວ້າງການຮ່ວມມື ລະຫວ່າງສອງກະຊວງ. --------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ປະກາດ ??? ຂໍເຊີນຊວນ ບັນດາບໍລິສັດ ທີ່ດໍາເນີນກິດຈະການດ້ານອຸປະກອນລະບົບກອງປະຊຸມທາງໄກ ເຂົ້າຮ່ວມປະມູນໂຄງການຂະຫຍາຍລາຍເຊັນ ຜູ້ຊົມໃຊ້ລະບົບກອງປະຊຸມທາງໄກ True Conf. ລາຍລະອຽດແມ່ນໃນເອກະສານລຸ່ມນີ້: ??? ---------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ຮ່າງເອກະສານທາງການ https://khamla-btv.blogspot.com/2018/12/blog-post_25.html

ແຈກຟຣີ! ຂອບໃບກຽດຕິຄຸນ ໃບຍ້ອງຍໍ ປະເພດຕ່າງໆ ---------------------------- ດາວໂຫຼດລວມ ? https://laothai.xyz/?p=6669 #ລວມໂລໂກ້ #ໂລໂກ້ #ຮ່າງຊີວະປະຫວັດຫຍໍ້ #ປະຫວັດຫຍໍ້ #ຮ່າງຊີວະປະຫວັດ #ຊີວະປະຫວັດ #ເອກະສານທາງການ #ເອກະສານລາວ #ເອກະສານທາງການ #ເອກະສານທາງການລາວ #ເອກະສານຟຣີ #ເອກະສານຟີ #ເອກະສານ #ເອກະສານຕ່າງໆ #ໃບຢັ້ງຢືນ #ໃບຄຳຮ້ອງ #ໂລໂກ້ #ເອກະສານຕ່າງໆ #ໃບກຽດຕິຄູນ #ຂອບໃບຍ້ອງຍໍ #ຂອບໃບຢັ້ງຢືນ

ຫ້ອງການ ກຕສ ຈັດພິທີມອບ-ຮັບ ໃບຍ້ອງຍໍປະຈໍາປີ ແລະ ເຜີຍແຜ່ເຊື່ອມຊຶມເອກະສານສໍາຄັນຂອງພັກ ------------------------------ ຫ້ອງການ ກະຊວງເຕັກໂນໂລຊີ ແລະ ການສື່ສານ ໄດ້ຈັດພິທີມອບ-ຮັບ ໃບຍ້ອງຍໍຜົນງານປະຈຳປີ 2022 ໃຫ້ແກ່ພະນັກງານລັດຖະກອນພາຍໃນຫ້ອງການ ແລະ ເຜີຍແຜ່ເຊື່ອມຊຶມ, ຜັນຂະຫຍາຍຜົນສຳເລັດ ຂອງກອງປະຊຸມຄົບຄະນະກາງສະໄໝ ຂອງ ຄະນະບໍລິຫານງານສູນກາງພັກ ສະໄໝທີ XI ຂຶ້ນໃນຕອນເຊົ້າຂອງວັນທີ 04 ຕຸລາ 2023, ທີ່ຫ້ອງປະຊຸມໃຫຍ່ ຊັ້ນ 05 ຂອງກະຊວງ (ເຂດສີສະເກດ), ໂດຍການເປັນປະທານຂອງ ທ່ານ ພູຂົງ ຈິດຮູບໂລກ ຄະນະປະຈໍາພັກກະຊວງ, ຫົວໜ້າຫ້ອງການ ກະຊວງເຕັກໂນໂລຊີ ແລະ ການສື່ສານ, ຊຶ່ງມີຄະນະຫ້ອງການ, ຄະນະພະແນກ ພ້ອມດ້ວຍວິຊາການເຂົ້າຮ່ວມຢ່າງພ້ອມພຽງ. . . ຈຸດປະສົງຂອງການຈັດພິທີໃນຄັ້ງນີ້ ກໍເພື່ອເປັນການຍ້ອງຍໍສັນລະເສີນຜູ້ທີ່ມີຜົນງານດີເດັ່ນ ໃນປະຕິບັດໜ້າທີ່ວຽກງານ ປະຈໍາປີ 2022 ຊຶ່ງໃນນັ້ນ ຜົນການປະເມີນຜູ້ທີ່ໄດ້ຮັບໃບຍ້ອງຍໍປະເພດດີຫຼາຍ: ມີຈໍານວນ 63 ທ່ານ, ປະເພດດີ: ມີຈໍານວນ 12 ທ່ານ, ປະເພດກາງ: 01 ທ່ານ ແລະ ບໍ່ໄດ້ຮັບການປະເມີນຈໍານວນ 12 ທ່ານ (ເຫດຜົນ: ສຶກສາຕໍ່ ແລະ ປະຈໍາການຍັງບໍ່ຄົບວາລະການປະເມີນ). . . ໃນພິທີດັ່ງກ່າວ, ທ່ານ ປະທານກອງປະຊຸມ ຍັງໄດ້ໃຫ້ກຽດເຜີຍແຜ່ເອກະສານສໍາຄັນຫຼາຍສະບັບ ເປັນຕົ້ນແມ່ນ: ຄຳສັ່ງແນະນຳວ່າ ດ້ວຍຜົນສຳເລັດ ຂອງກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI; ມະຕິກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI, ລົງວັນທີ 18 ກັນຍາ 2023; ຕີລາຄາການຈັດຕັ້ງປະຈັດຕັ້ງປະຕິບັດ ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ໃນໄລຍະຜ່ານມາ ລວມທັງບົດລາຍງານການຈັດຕັ້ງປະຕິບັດກາງສະໄໝ ແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ IX (2021-2025) ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ ແລະ ທີດທາງແຜນການທ້າຍສະໄໝ ຮອດປີ 2025; ຜົນສຳຫຼວດການນຳພາລວມ ແລະ ແຜນການດຳເນີນງານ ເພື່ອຜັນຂະຫຍາຍມະຕິວ່າດ້ວຍ ສືບຕໍ່ຍູ້ແຮງຜັນຂະຫຍາຍແນວທາງການປ່ຽນແປງໃໝ່ສູ່ລວງເລິກ, ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານໃນການນຳພາຂອງພັກ ສະບັບເລກທີ 432/ຄລສພ ລົງວັນທີ 18 ກັນຍາ 2023. ຂຽນຂ່າວ: ພຸດດາວອນ ພາສຸວັນ ---------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ກຈພ ຈັດກອງປະຊຸມເຜີຍແຜ່ ການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນ ຂອງພັກ ແລະ ຍ້ອງຍໍພະນັກງານປະຈຳປີ 2022 ------------------------------------------------ ທ້າຍອາທິດຜ່ານມານີ້, ທີ່ຫ້ອງປະຊຸມຊັ້ນ 5 (ເຂດສີສະເກດ), ກະຊວງເຕັກໂນໂລຊີ ແລະ ການສື່ສານ (ກຕສ), ກົມຈັດຈັ້ງ ແລະ ພະນັກງານ ໄດ້ຈັດກອງປະຊຸມເຜີຍແຜ່ເອກະສານຄຳສັ່ງຂອງຄະນະເລຂາທິການສູນກາງພັກ ແລະ ຄຳແນະນຳຂອງຄະນະຈັດຕັ້ງສູນກາງພັກ ກ່ຽວກັບການຈັດຕັ້ງປະຕິບັດຄຳສັ່ງຂອງຄະນະເລຂາທິການສູນກາງພັກວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ ໂດຍໃຫ້ກຽດເຂົ້າຮ່ວມເປັນທານຂອງ ສະຫາຍ ຄຳພູ ດວງຖະໜອມ ຄະນະປະຈຳພັກກະຊວງ, ເລຂາໜ່ວຍພັກ, ຫົວໜ້າກົມຈັດຕັ້ງ ແລະ ພະນັກງານ ມີຄະນະກົມ, ຄະນະພະແນກ, ສະມາຊິກພັກ ແລະ ພະນັກງານທັງໝົດພາຍໃນກົມເຂົ້າຮ່ວມ. : ກອງປະຊຸມຄັ້ງນີ້, ໄດ້ຮັບຟັງການເຜີຍແຜ່ເອກະສານທັງໝົດ 4 ສະບັບຄື: ເຜີຍແຜ່ຄຳສັ່ງຂອງຄະນະເລຂາທິການສູນກາງພັກ ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນ ຂອງພັກ. ສະບັບເລກທີ 411/ຄລສພ, ລົງວັນທີ 08 ສິງຫາ 2023; ເຜີຍແຜ່ຄຳແນະນຳ ຂອງຄະນະຈັດຕັ້ງສູນກາງພັກກ່ຽວກັບການຈັດຕັ້ງປະຕິບັດຄຳສັ່ງຂອງຄະນະເລຂາທິການສູນກາງພັກ ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ. ສະບັບເລກທີ 211/ຄຈສພ, ລົງວັນທີ 16 ສິງຫາ 2023 ແນໃສ່ເພື່ອເປັນການປັບປຸງພາຍໃນພັກ ໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນ ຮັບປະກັນ ການກໍ່ສ້າງພັກຕາມ 5 ຫຼັກການ ແລະ 3 ທິດນຳຂອງພັກ, ຖືກຕ້ອງຕາມກົດລະບຽບພັກ; ເຜີຍແຜ່ຄຳສັ່ງວ່າດ້ວຍການເພີ່ມທະວີແກ້ໄຂບັນຫາເຄັ່ງຮ້ອນ ຂອງເສດຖະກິດການເງິນ, ບັນຫາເງິນເຟີ້, ອັດຕາແລກປ່ຽນ, ລາຄາສິນຄ້າ ແລະ ໜີ້ສິນຕ່າງປະເທດ ສະບັບເລກທີ 13/ນຍ. ລົງວັນທີ 29 ສິງຫາ 2023 ແລະ ເຜີຍແຜ່ແຈ້ງການຂອງຫ້ອງການ ກຕສ ເລກທີ 2343/ຫກ.6, ລົງວັນທີ 15 ກັນຍາ 2023.

ກົມເຕັກໂນໂລຊີ ແລະ ນະວັດຕະກຳ ຈັດພິທີມອບໃບຍ້ອງຍໍຜົນງານດີເດັ່ນ ປະຈຳປີ2022 ໃຫ້ແກ່ພະນັກງານພາຍໃນກົມ ----------------------------- ໃນຕອນເຊົ້າຂອງວັນທີ 15 ກັນຍາ 2023, ກົມເຕັກໂນໂລຊີ ແລະ ນະວັດຕະກຳ, ກະຊວງເຕັກໂນໂລຊີ ແລະ ການສື່ສານ ໄດ້ຈັດພິທີມອບໃບຍ້ອງຍໍຜົນງານດີເດັ່ນປະຈຳປີ 2022 ແລະ ໃບຍ້ອງຍໍກຳມະບານ ປະຈຳປີ 2022 ໃຫ້ແກ່ພະນັກງານພາຍໃນກົມ ພ້ອມທັງເຜີຍແຜ່ ເອກະສານການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ ໂດຍການເປັນປະທານຂອງທ່ານ ວິໄລສອນ ບຸບຜາລັດ, ເລຂາຫນ່ວຍພັກ, ຫົວຫນ້າກົມເຕັກໂນໂລຊີ ແລະ ນະວັດຕະກຳ, ມີບັນດາຄະນະກົມ, ຄະນະພະແນກ ແລະ ພະນັກງານພາຍໃນກົມເຂົ້າຮ່ວມ. . ພາບໂດຍ: ວາດສະຫນາ ແສນຄຳຢອງ

ໃນຕອນບ່າຍ,ວັນພະຫັດ 31/8/2023 ທາງສະພາການຄ້າແລະອຸດສາຫະກຳແຂວງຫົວພັນ ໄດ້ລົງໄປຢ້ຽມຢາມ ແລະ ສໍາຫຼວດກວດກາ ພ້ອມທັງພົບປະ,ປຶກສາຫາລືຮ່ວມກັບບໍລິສັດຢິງ ຈະເລີນ ເພຶ່ອກະກ້ຽມອອກເອກະສານ CPEແລະ ເອກະສານ CO ທີ່ຫຼັກ6,ເມທອງຊໍາເໜືອ,ແຂວງຫົວພັນ.

Gov-x ເປັນລະບົບສູນລວມຂໍ້ມູນ ແລະ ການບໍລິການຂອງພາກລັດ ເພື່ອສ້າງເງື່ອນໄຂໃຫ້ ປະຊາຊົນ, ທຸລະກິດ ແລະ ພະນັກງານທີ່ເຮັດການບໍລິການສາທາລະນະ ໃນການເຂົ້າຫາຂໍ້ມູນ ແລະ ການບໍລິການຂອງພາກລັດຜ່ານປະຕູດຽວ ເທິງເຄື່ອງໂທລະສັບມືຖືສະມາດໂຟນ, ໂດຍປະກອບມີລະບົບບໍລິການເບື້ອງຕົ້ນດັ່ງນີ້: • ລະບົບລົງທະບຽນເລກໝາຍໂທລະສັບດ້ວຍຕົນເອງ (3 ແກຣັບ),​ ແມ່ນແອັບທີ່ໃຫ້ປະຊາຊົນ ສາມາດລົງທະບຽນເລກໝາຍໂທລະສັບດ້ວຍຕົນເອງໄດ້ຜ່ານລະບົບອອນລາຍ ຕະຫຼອດ 24 ຊົ່ວໂມງ. • ລະບົບກວດສອບຂໍ້ມູນບັດປະກັນສັງຄົມ (LSSO) ເຊິ່ງຜູ້ນຳໃຊ້ບໍລິການສາມາດເຂົ້າໄປກວດສອບຂໍ້ມູນບັດປະກັນສັງຄົມຂອງຕົນໂດຍການປ້ອນລະຫັດບັດເຂົ້າແລ້ວ ລະບົບຈະສະແດງຂໍ້ມູນພື້ນຖານປະກັນສັງຄົມເຊັ່ນ: ຊື່ໂຮງໝໍ ແລະ ຂໍ້ມູນປະກັນສັງຄົມຂອງຄອບຄົວ. • ລະບົບຄັງປັນຍາລາວ ເປັນລະບົບສື່ການສອນແບບອອນລາຍ, ຜູ້ໃຊ້ສາມາດເຂົ້າໄປຮຽນວິຊາຕ່າງໆຕັ້ງແຕ່ລະດັບ ປໍ1 ໄປຈົນຮອດ ມໍ7 ແລະ ມີຫຼັກສູດສຳລັບການເພີ່ມທັັກສະໃນການສອນໃຫ້ກັບອາຈານ ໂດຍບໍ່ເສຍຄ່າ. • ລະບົບລວມສູນແບບຟອມ ແລະ ເອກະສານທາງການ ເພື່ອໃຫ້ປະຊາຊົນ ສາມາດ download ແລ້ວປະກອບເອກະສານ ຕ່າງໆ ໄດ້ຢ່າງວ່ອງໄວ ໂດຍບໍ່ຈຳເປັນເດີນທາງໄປປ່ອງບໍລິການ. • ລະບົບຂໍ້ມູນວິສາຫະກິດແຫ່ງຊາດ (NED) ເພື່ອກວດສອບທະບຽນວິສາຫະກິິດຂອງບັນດາບໍລິສັດວິສາຫະກິດ, ບໍລິສັດ ແລະ ຫ້າງຮ້ານຕ່າງໆ ວ່າໄດ້ຈົດທະບຽນວິສາຫະກິດແລ້ວຫຼືບໍ່. • ລະບົບໃບຂັບຂີ່ດິຈິຕອນ (e-Driving License) ເພື່ອລົງທະບຽນໃບຂັບຂີ່ໃຫ້ເປັນຮູບແບບດິຈິຕອນ, ປະຈຸບັນ ແມ່ນກຳລັງດຳເນີນການປະສານສົມທົບກັບກົມຂົນສົ່ງ, ກະຊວງໂຍທາທິການ ແລະ ຂົນສົ່ງ ໃນການເຊື່ອມຕໍ່ຂໍ້ມູນກັບລະບົບຖານຂໍ້ມູນໃບຂັບຂີ່. ລະບົບ Gov-X ຈະເປັນຊ່ອງທາງໃນການໂຄສະນາ, ສົ່ງເສີມ ແລະ ຊຸກຍູ້ໃຫ້ປະຊາຊົນມີການນຳໃຊ້ລະບົບຕ່າງໆທີ່ທາງພາກລັດໄດ້ເປີດໃຫ້ບໍລິການ, ເປັນລະບົບທີ່ຮວບຮວມເອົາບັນດາລະບົບຕ່າງຂອງພາກລັດທີ່ບໍລິການໃຫ້ປະຊາຊົນໄວ້ຢູ່ບ່ອນດຽວ ເພື່ອໃຫ້ປະຊາຊົນສາມາດເຂົ້າເຖິງບໍລິການຕ່າງໆໄດ້ງ່າຍດ້ວຍແອັບດຽວ ຊຶ່ງສາມາດດາວໂຫຼດໄດ້ທີ່ App Store ແລະ Play Store ແລະ ຍັງມີຫຼາຍການບໍລິການຂອງພາກລັດທີ່ຈະເຊື່ອມໂຍ່ງຕື່ມໃນອານາຄົດ. ຈັດຕັ້ງປະຕິບັດໂດຍ ກະຊວງເຕັກໂນໂລຊີ ແລະ ການສື່ສານ ສະໜັບສະໜຸນໂດຍ ອົງການສະຫະປະຊາຊາດເພື່ອການພັດທະນາ UNDP ປະຈຳ ສປປ ລາວ #GovX #undplao

Gov-x ເປັນລະບົບສູນລວມຂໍ້ມູນ ແລະ ການບໍລິການຂອງພາກລັດ ເພື່ອສ້າງເງື່ອນໄຂໃຫ້ ປະຊາຊົນ, ທຸລະກິດ ແລະ ພະນັກງານທີ່ເຮັດການບໍລິການສາທາລະນະ ໃນການເຂົ້າຫາຂໍ້ມູນ ແລະ ການບໍລິການຂອງພາກລັດຜ່ານປະຕູດຽວ ເທິງເຄື່ອງໂທລະສັບມືຖືສະມາດໂຟນ, ໂດຍປະກອບມີລະບົບບໍລິການເບື້ອງຕົ້ນດັ່ງນີ້: • ລະບົບລົງທະບຽນເລກໝາຍໂທລະສັບດ້ວຍຕົນເອງ (3 ແກຣັບ),​ ແມ່ນແອັບທີ່ໃຫ້ປະຊາຊົນ ສາມາດລົງທະບຽນເລກໝາຍໂທລະສັບດ້ວຍຕົນເອງໄດ້ຜ່ານລະບົບອອນລາຍ ຕະຫຼອດ 24 ຊົ່ວໂມງ. • ລະບົບກວດສອບຂໍ້ມູນບັດປະກັນສັງຄົມ (LSSO) ເຊິ່ງຜູ້ນຳໃຊ້ບໍລິການສາມາດເຂົ້າໄປກວດສອບຂໍ້ມູນບັດປະກັນສັງຄົມຂອງຕົນໂດຍການປ້ອນລະຫັດບັດເຂົ້າແລ້ວ ລະບົບຈະສະແດງຂໍ້ມູນພື້ນຖານປະກັນສັງຄົມເຊັ່ນ: ຊື່ໂຮງໝໍ ແລະ ຂໍ້ມູນປະກັນສັງຄົມຂອງຄອບຄົວ. • ລະບົບຄັງປັນຍາລາວ ເປັນລະບົບສື່ການສອນແບບອອນລາຍ, ຜູ້ໃຊ້ສາມາດເຂົ້າໄປຮຽນວິຊາຕ່າງໆຕັ້ງແຕ່ລະດັບ ປໍ1 ໄປຈົນຮອດ ມໍ7 ແລະ ມີຫຼັກສູດສຳລັບການເພີ່ມທັັກສະໃນການສອນໃຫ້ກັບອາຈານ ໂດຍບໍ່ເສຍຄ່າ. • ລະບົບລວມສູນແບບຟອມ ແລະ ເອກະສານທາງການ ເພື່ອໃຫ້ປະຊາຊົນ ສາມາດ download ແລ້ວປະກອບເອກະສານ ຕ່າງໆ ໄດ້ຢ່າງວ່ອງໄວ ໂດຍບໍ່ຈຳເປັນເດີນທາງໄປປ່ອງບໍລິການ. • ລະບົບຂໍ້ມູນວິສາຫະກິດແຫ່ງຊາດ (NED) ເພື່ອກວດສອບທະບຽນວິສາຫະກິິດຂອງບັນດາບໍລິສັດວິສາຫະກິດ, ບໍລິສັດ ແລະ ຫ້າງຮ້ານຕ່າງໆ ວ່າໄດ້ຈົດທະບຽນວິສາຫະກິດແລ້ວຫຼືບໍ່. • ລະບົບໃບຂັບຂີ່ດິຈິຕອນ (e-Driving License) ເພື່ອລົງທະບຽນໃບຂັບຂີ່ໃຫ້ເປັນຮູບແບບດິຈິຕອນ, ປະຈຸບັນ ແມ່ນກຳລັງດຳເນີນການປະສານສົມທົບກັບກົມຂົນສົ່ງ, ກະຊວງໂຍທາທິການ ແລະ ຂົນສົ່ງ ໃນການເຊື່ອມຕໍ່ຂໍ້ມູນກັບລະບົບຖານຂໍ້ມູນໃບຂັບຂີ່. ລະບົບ Gov-X ຈະເປັນຊ່ອງທາງໃນການໂຄສະນາ, ສົ່ງເສີມ ແລະ ຊຸກຍູ້ໃຫ້ປະຊາຊົນມີການນຳໃຊ້ລະບົບຕ່າງໆທີ່ທາງພາກລັດໄດ້ເປີດໃຫ້ບໍລິການ, ເປັນລະບົບທີ່ຮວບຮວມເອົາບັນດາລະບົບຕ່າງຂອງພາກລັດທີ່ບໍລິການໃຫ້ປະຊາຊົນໄວ້ຢູ່ບ່ອນດຽວ ເພື່ອໃຫ້ປະຊາຊົນສາມາດເຂົ້າເຖິງບໍລິການຕ່າງໆໄດ້ງ່າຍດ້ວຍແອັບດຽວ ຊຶ່ງສາມາດດາວໂຫຼດໄດ້ທີ່ App Store ແລະ Play Store ແລະ ຍັງມີຫຼາຍການບໍລິການຂອງພາກລັດທີ່ຈະເຊື່ອມໂຍ່ງຕື່ມໃນອານາຄົດ. ຈັດຕັ້ງປະຕິບັດໂດຍ ກະຊວງເຕັກໂນໂລຊີ ແລະ ການສື່ສານ ສະໜັບສະໜຸນໂດຍ ອົງການສະຫະປະຊາຊາດເພື່ອການພັດທະນາ UNDP ປະຈຳ ສປປ ລາວ #GovX #undplao https://fb.watch/mI5mIRkqNj/