ຫ້ອງການ ກຕສ ຈັດພິທີມອບ-ຮັບ ໃບຍ້ອງຍໍປະຈໍາປີ ແລະ ເຜີຍແຜ່ເຊື່ອມຊຶມເອກະສານສໍາຄັນຂອງພັກ ------------------------------ ຫ້ອງການ ກະຊວງເຕັກໂນໂລຊີ ແລະ ການສື່ສານ ໄດ້ຈັດພິທີມອບ-ຮັບ ໃບຍ້ອງຍໍຜົນງານປະຈຳປີ 2022 ໃຫ້ແກ່ພະນັກງານລັດຖະກອນພາຍໃນຫ້ອງການ ແລະ ເຜີຍແຜ່ເຊື່ອມຊຶມ, ຜັນຂະຫຍາຍຜົນສຳເລັດ ຂອງກອງປະຊຸມຄົບຄະນະກາງສະໄໝ ຂອງ ຄະນະບໍລິຫານງານສູນກາງພັກ ສະໄໝທີ XI ຂຶ້ນໃນຕອນເຊົ້າຂອງວັນທີ 04 ຕຸລາ 2023, ທີ່ຫ້ອງປະຊຸມໃຫຍ່ ຊັ້ນ 05 ຂອງກະຊວງ (ເຂດສີສະເກດ), ໂດຍການເປັນປະທານຂອງ ທ່ານ ພູຂົງ ຈິດຮູບໂລກ ຄະນະປະຈໍາພັກກະຊວງ, ຫົວໜ້າຫ້ອງການ ກະຊວງເຕັກໂນໂລຊີ ແລະ ການສື່ສານ, ຊຶ່ງມີຄະນະຫ້ອງການ, ຄະນະພະແນກ ພ້ອມດ້ວຍວິຊາການເຂົ້າຮ່ວມຢ່າງພ້ອມພຽງ. . . ຈຸດປະສົງຂອງການຈັດພິທີໃນຄັ້ງນີ້ ກໍເພື່ອເປັນການຍ້ອງຍໍສັນລະເສີນຜູ້ທີ່ມີຜົນງານດີເດັ່ນ ໃນປະຕິບັດໜ້າທີ່ວຽກງານ ປະຈໍາປີ 2022 ຊຶ່ງໃນນັ້ນ ຜົນການປະເມີນຜູ້ທີ່ໄດ້ຮັບໃບຍ້ອງຍໍປະເພດດີຫຼາຍ: ມີຈໍານວນ 63 ທ່ານ, ປະເພດດີ: ມີຈໍານວນ 12 ທ່ານ, ປະເພດກາງ: 01 ທ່ານ ແລະ ບໍ່ໄດ້ຮັບການປະເມີນຈໍານວນ 12 ທ່ານ (ເຫດຜົນ: ສຶກສາຕໍ່ ແລະ ປະຈໍາການຍັງບໍ່ຄົບວາລະການປະເມີນ). . . ໃນພິທີດັ່ງກ່າວ, ທ່ານ ປະທານກອງປະຊຸມ ຍັງໄດ້ໃຫ້ກຽດເຜີຍແຜ່ເອກະສານສໍາຄັນຫຼາຍສະບັບ ເປັນຕົ້ນແມ່ນ: ຄຳສັ່ງແນະນຳວ່າ ດ້ວຍຜົນສຳເລັດ ຂອງກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI; ມະຕິກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI, ລົງວັນທີ 18 ກັນຍາ 2023; ຕີລາຄາການຈັດຕັ້ງປະຈັດຕັ້ງປະຕິບັດ ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ໃນໄລຍະຜ່ານມາ ລວມທັງບົດລາຍງານການຈັດຕັ້ງປະຕິບັດກາງສະໄໝ ແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ IX (2021-2025) ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ ແລະ ທີດທາງແຜນການທ້າຍສະໄໝ ຮອດປີ 2025; ຜົນສຳຫຼວດການນຳພາລວມ ແລະ ແຜນການດຳເນີນງານ ເພື່ອຜັນຂະຫຍາຍມະຕິວ່າດ້ວຍ ສືບຕໍ່ຍູ້ແຮງຜັນຂະຫຍາຍແນວທາງການປ່ຽນແປງໃໝ່ສູ່ລວງເລິກ, ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານໃນການນຳພາຂອງພັກ ສະບັບເລກທີ 432/ຄລສພ ລົງວັນທີ 18 ກັນຍາ 2023. ຂຽນຂ່າວ: ພຸດດາວອນ ພາສຸວັນ ---------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ກຈພ ຈັດກອງປະຊຸມເຜີຍແຜ່ ການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນ ຂອງພັກ ແລະ ຍ້ອງຍໍພະນັກງານປະຈຳປີ 2022 ------------------------------------------------ ທ້າຍອາທິດຜ່ານມານີ້, ທີ່ຫ້ອງປະຊຸມຊັ້ນ 5 (ເຂດສີສະເກດ), ກະຊວງເຕັກໂນໂລຊີ ແລະ ການສື່ສານ (ກຕສ), ກົມຈັດຈັ້ງ ແລະ ພະນັກງານ ໄດ້ຈັດກອງປະຊຸມເຜີຍແຜ່ເອກະສານຄຳສັ່ງຂອງຄະນະເລຂາທິການສູນກາງພັກ ແລະ ຄຳແນະນຳຂອງຄະນະຈັດຕັ້ງສູນກາງພັກ ກ່ຽວກັບການຈັດຕັ້ງປະຕິບັດຄຳສັ່ງຂອງຄະນະເລຂາທິການສູນກາງພັກວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ ໂດຍໃຫ້ກຽດເຂົ້າຮ່ວມເປັນທານຂອງ ສະຫາຍ ຄຳພູ ດວງຖະໜອມ ຄະນະປະຈຳພັກກະຊວງ, ເລຂາໜ່ວຍພັກ, ຫົວໜ້າກົມຈັດຕັ້ງ ແລະ ພະນັກງານ ມີຄະນະກົມ, ຄະນະພະແນກ, ສະມາຊິກພັກ ແລະ ພະນັກງານທັງໝົດພາຍໃນກົມເຂົ້າຮ່ວມ. : ກອງປະຊຸມຄັ້ງນີ້, ໄດ້ຮັບຟັງການເຜີຍແຜ່ເອກະສານທັງໝົດ 4 ສະບັບຄື: ເຜີຍແຜ່ຄຳສັ່ງຂອງຄະນະເລຂາທິການສູນກາງພັກ ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນ ຂອງພັກ. ສະບັບເລກທີ 411/ຄລສພ, ລົງວັນທີ 08 ສິງຫາ 2023; ເຜີຍແຜ່ຄຳແນະນຳ ຂອງຄະນະຈັດຕັ້ງສູນກາງພັກກ່ຽວກັບການຈັດຕັ້ງປະຕິບັດຄຳສັ່ງຂອງຄະນະເລຂາທິການສູນກາງພັກ ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ. ສະບັບເລກທີ 211/ຄຈສພ, ລົງວັນທີ 16 ສິງຫາ 2023 ແນໃສ່ເພື່ອເປັນການປັບປຸງພາຍໃນພັກ ໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນ ຮັບປະກັນ ການກໍ່ສ້າງພັກຕາມ 5 ຫຼັກການ ແລະ 3 ທິດນຳຂອງພັກ, ຖືກຕ້ອງຕາມກົດລະບຽບພັກ; ເຜີຍແຜ່ຄຳສັ່ງວ່າດ້ວຍການເພີ່ມທະວີແກ້ໄຂບັນຫາເຄັ່ງຮ້ອນ ຂອງເສດຖະກິດການເງິນ, ບັນຫາເງິນເຟີ້, ອັດຕາແລກປ່ຽນ, ລາຄາສິນຄ້າ ແລະ ໜີ້ສິນຕ່າງປະເທດ ສະບັບເລກທີ 13/ນຍ. ລົງວັນທີ 29 ສິງຫາ 2023 ແລະ ເຜີຍແຜ່ແຈ້ງການຂອງຫ້ອງການ ກຕສ ເລກທີ 2343/ຫກ.6, ລົງວັນທີ 15 ກັນຍາ 2023.

ຮ່ວມປຶກສາຫາລືແຜນການດຳເນີນງານລະອຽດວຽກຂຶ້ນທະບຽນເລກໝາຍໂທລະສັບ ---------------------------------------------------------- ອົງການດັດສົມໂທລະຄົມມະນາຄົມ, ກະຊວງເຕັກໂນໂລຊີ ແລະ ການສື່ສານ ໄດ້ຈັດກອງປະຊຸມຮ່ວມປຶກສາຫາລືແຜນການດຳເນີນງານລະອຽດ ວຽກສືບຕໍ່ຂຶ້ນທະບຽນເລກໝາຍໂທລະສັບໃນຂອບເຂດທົ່ວປະເທດ ໃນວັນທີ 12 ກັນຍາ 2023 ຜ່ານມານີ້, ທີ່ຫ້ອງປະຊຸມ ອົງການດັດສົມໂທລະຄົມມະນາຄົມ ໂດຍການເປັນປະທານຂອງທ່ານ ສຸດໃຈ ລໍລອນສີ, ຫົວໜ້າອົງການດັດສົມໂທລະຄົມມະນາຄົມ, ໂດຍມີຕາງໜ້າຈາກບັນດາກົມ, ສະຖາບັນ, ສູນ ພາຍໃນກະຊວງ, ຄະນະພະແນກ ແລະ ວິຊາການ ຂອງອົງການດັດສົມໂທລະຄົມມະນາຄົມ ແລະ ຕາງໜ້າຈາກບັນດາບໍລິສັດໂທລະຄົມມະນາຄົມ ແລະ ອິນເຕີເນັດເຂົ້າຮ່ວມຢ່າງພ້ອມພຽງ. : ຈຸດປະສົງຂອງກອງປະຊຸມໃນຄັ້ງນີ້ ແມ່ນສຸມໃສ່ປຶກສາຫາລື ການກະກຽມຄວາມພ້ອມດ້ານຕ່າງໆ ວຽກງານການສ້າງສື່ໂຄສະນາ ແລະ ວິທີການໂຄສະນາ, ວິທີການໃນການປິດເລກໝາຍໂທລະສັັບທີ່ບໍ່ຂຶ້ນທະບຽນໃນໄລຍະເວລາທີ່ກຳນົດ. ພ້ອມນັ້ນ, ຍັງຮ່ວມກັນປຶກສາຫາລືທິດທາງແຜນການໃນການຈັດຕັ້ງປະຕິບັດວຽກງານສືບຕໍ່ຂຶ້ນທະບຽນເລກໝາຍໂທລະສັບ, ການແບ່ງຄວາມຮັບຜິດຊອບໃຫ້ແຕ່ລະພາກສ່ວນນຳໄປຈັດຕັ້ງປະຕິບັດ ພ້ອມທັງເຜີຍແຜ່ບັນດາຂໍ້ຕົກລົງ, ຄຳສັ່ງ ແລະ ແຈ້ງການ ທີ່ກ່ຽວກັບວຽກຂຶ້ນທະບຽນເລກໝາຍໂທລະສັບ ໃຫ້ທຸກພາກສ່ວນຮັບຮູ້ ແລະ ເຂົ້າໃຈເນື້ອໃນຈິດໃຈຂອງການຂຶ້ນນທະບຽນເລກໝາຍໂທລະສັບ. ນອກນັ້ນ, ກໍໄດ້ຮ່ວມກັນປຶກສາຫາລືບັນດາຂໍ້ສະດວກ ແລະ ຂໍ້ຫຍຸ້ງຍາກໃນໄລຍະຜ່ານມາ ແລະ ວາງທິດທາງແຜນການຈັດຕັ້ງປະຕິບັດໃນຕໍ່ໜ້າ ໃຫ້ມີຄວາມເປັນເອກະພາບ ພ້ອມພາກັນຈັດຕັ້ງປະຕິບັດໃຫ້ສຳເລັດບັນລຸຕາມຄາດໝາຍທີ່ວາງໄວ້. ----------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ຄຳສອນຂອງທ່ານ ພູມີ ວົງວິຈິດ ອະດີດຮັກສາການປະທານປະເທດ ແຫ່ງສປປ ລາວ #ຂ່າວຮູບພາບລາວພັດທະນາ #ຄະຕິເຕືອນໃຈ

5 ມາດຕະການແກ້ໄຂ ອັດຕາແລກປ່ຽນ ຕາມຄຳສັ່ງເລກທີ 10 ຂອງທ່ານາຍົກລັດຖະມົນຕີ ລາຍລະອຽດທີ່ລິ້ງ> https://www.facebook.com/100069114146960/videos/3648401092150208 #ຂ່າວຮູບພາບລາວພັດທະນາ #ຄຳສັ່ງເລກທີ13ນຍ #ການແກ້ໄຂອັດຕາແລກປ່ຽນ

ຄະນະນໍາ ກຕສ ເຂົ້າອວຍພອນວັນຊາດ ສສ ຫວຽດນາມ ຄົບຮອບ 78 ປີ --------------------------------- ຄະນະນຳກະຊວງເຕັກໂນໂລຊີ ແລະ ການສື່ສານ ຊຶ່ງນໍາໂດຍ ທ່ານ ບັນດິດ ສຈ. ບໍ່ວຽງຄຳ ວົງດາລາ, ລັດຖະມົນຕີກະຊວງ ເຕັກໂນໂລຊີ ແລະ ການສື່ສານ(ກຕສ) ພ້ອມດ້ວຍຄະນະ ໄດ້ເຂົ້າອວຍພອນ ທ່ານ ຫງວຽນ ບ໋າ ຮຸ່ງ (Nguyen Ba Hung), ເອກອັກຄະລັດຖະທູດແຫ່ງ ສສ ຫວຽດນາມ ປະຈຳ ສ ປປ ລາວ ໃນວັນທີ 29 ສິງຫາ 2023 ທີ່ ສະຖານທູດ ສສ ຫວຽດນາມ ປະຈໍາ ສປປ ລາວ ເນື່ອງໃນໂອກາດວັນສຳຄັນຂອງຊາວຫວຽດນາມ ກໍຄື ວັນຊາດ ສສ ຫວຽດນາມ ຄົບຮອບ 78 ປີ (02/09/1945-02/09/2023). : ໃນໂອກາດດັ່ງກ່າວ, ທ່ານ ບັນດິດ ສຈ. ບໍ່ວຽງຄຳ ວົງດາລາ ໄດ້ກ່າວສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ພ້ອມທັງກ່າວອວຍພອນເນື່ອງໃນໂອກາດ ວັນຊາດ ສສ ຫວຽດນາມ ຄົບຮອບ 78 ປີ. ພ້ອມນັ້ນ, ທ່ານຍັງໄດ້ກ່າວເຖີງມູນເຊື້ອສອງຊາດ ລາວ-ຫວຽດນາມ ແມ່ນມີຄວາມຮ່ວມມືກັນຢ່າງແໜ້ນແຟ້ນ ແລະ ຈິງໃຈເຫັນໄດ້ເຖິງຄວາມສຳຄັນ ຄວາມສາມັກຄີອ້າຍນ້ອງ ລາວ-ຫວຽດນາມ ທີ່ໃຫ້ການຊ່ວຍເຫຼືອ ແລະ ຮ່ວມມື ສະແດງອອກໃນການຈັດກິດຈະກຳໃນວັນສຳຄັນຕ່າງໆ ເຊັ່ນ: ການແຂ່ງຂັນບົດກະວີ, ປະກວດບົດເພງ ທີ່ກ່ຽວຂ້ອງກັບມິດຕະພາບລາວ-ຫວຽດນາມ ແລະ ອື່ນໆ. ພ້ອມນັ້ນ, ທ່ານຍັງໄດ້ລາຍງານໂດຍຫຍໍ້ສະພາບການພົວພັນຮ່ວມມື ລະຫວ່າງ ກະຊວງເຕັກໂນໂລຊີ ແລະ ການສື່ສານ ສປປ ລາວ ແລະ ກະຊວງ ຖະແຫຼງຂ່າວ ແລະ ການສື່ສານ, ກະຊວງ ວິທະຍາສາດ ແລະ ເຕັກໂນໂລຊີ, ສະພາບັນດິດ ວິທະຍາສາດ ແລະ ເຕັກໂນໂລຊີ, ສສ ຫວຽດນາມ ພ້ອມທັງຈະສືບຕໍ່ຮັດແໜ້ນສາຍພົວພັນລະຫວ່າງສອງປະເທດຄວາມສາມັກຄີພິເສດ ລາວ-ຫວຽດນາມ ຊຶ່ງກະຊວງເຕັກໂນໂລຊີ ແລະ ການສື່ສານ ຈະຮັບເອົາຄຳສັ່ງສອນ ຂອງ ທ່ານ ໂຮ່ຈີມິນ, ທ່ານ ໄກສອນ ພົມວິຫານ ແລະ ທ່ານ ສຸພານຸວົງ ຜູ້ນຳທີ່ຍິ່ງໃຫຍ່ນຳໄປປະຕິບັດ ດ້ວຍຄວາມເຄົາລົບຮັກ. ຂຽນຂ່າວ ພຸດດາວອນ ພາສຸວັນ ------------------------------------ ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ຄຳສັ່ງແກ້ໄຂບັນຫາເງິນເຟີ ແລະ ອັດຕາແລກປ່ຽນ

ມື້ລະຄຳສອງຄຳເພືອຄວາມຮູ້ຂອງເຮົາ

ຄຳຄົມປ່ຽນຊີວິດ "ບໍ່ຄວນຢ້ານກົວທີ່ຕ້ອງໄປຢ່າງຊ້າ ແຕ່ຈົ່ງຢ້ານກົວທີ່ຕ້ອງຢືນຢູ່ບ່ອນເກົ່າ" -ຄຳສຸພາສິດຈີນ.

ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 8 ແຂວງຫົວພັນ ລົງເຄື່ອນໄຫວ, ພົບປະຜູ້ມີສິດເລືອກຕັ້ງ ຢູ່ເມືອງແອດ ແຂວງຫົວພັນ. ........................... ໃນວັນທີ 3 ສິງຫາ 2023 ຜ່ານມານີ້, ທ່ານ ປອ ສະຖາບັນດິດ ອິນສີຊຽງໃໝ່ ຮອງລັດຖະມົນຕີກະຊວງແຜນການ ແລະ ການລົງທຶນ, ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 8 ແຂວງຫົວພັນ ຮ່ວມກັບ ສະພາປະຊາຊົນແຂວງ ແລະ ການນຳເມືອງແອດ, ລົງເຄື່ອນໄຫວ ພົບປະຜູ້ມີສິດເລືອກຕັ້ງ ແລະ ເຜີຍແຜ່ຜົນສຳເລັດກອງສະໄໝສາມັນ ເທື່ອທີ 5 ຂອງສະພາແຫ່ງຊາດ ຊຸດທີ IX ຢູ່ 2 ຈຸດຄື: ບ້ານແຜ້ ແລະ ເທດສະບານຕົວເມືອງ ເມືອງແອດ ແຂວງຫົວພັນ ເຊິ່ງມີບັນດາການນຳເມືອງ, ພະນັກງານ-ລັດຖະກອນ, ທະຫານ, ຕຳຫຼວດ, ອຳນາດການປົກຄອງບ້ານ, ຕະຫຼອດຮອດປະຊາຊົນ ບ້ານດັ່ງກ່າວເຂົ້າຮ່ວມ 328 ຄົນ, ຍິງ 115 ຄົນ. ໃນໂອກາດທີ່ລົງເຄື່ອນໄຫວຄັ້ງນີ້ ທ່ານຍັງໄດ້ມອບຕູ້ລຳໂພງ ໃຫ້ແກ່ອຳນາດການປົກຄອງບ້ານແຜ້ ຈຳນວນ 1 ຊຸດ ລວມມູນຄ່າ 1.500.000 ກີບ, ຈາກນັ້ນ ທ່ານຍັງໄດ້ລົງຕິດຕາມກວດກາ ສະຖານທີ່ຕົວຈິງໃນການກໍ່ສ້າງຂົ້ວຂ້າມນ້ຳແອດ, ນ້ຳມ່າ ຕາມຄຳສະເໜີຂອງປະຊາຊົນບ້ານດ້າຍ, ບ້ານແຜ້ ເພື່ອນຳໄປປຶກສາ, ຄົ້ນຄວ້າ, ພິຈາລະນາ ຕາມເງື່ອນໄຂຕົວຈິງ. ນອກນັ້ນ, ທ່ານຍັງໄດ້ເຂົ້າຮ່ວມພິທີເປີດງານຕະຫຼາດນັດວາງສະແດງສິນຄ້າ ຜົນຜະລິດກະສິກຳ ແລະ ຜະລິດຕະພັນ ຢູ່ເມືອງແອດ ອີກດ້ວຍ. ພາບ ແລະ ຂ່າວໂດຍ ບຸນແພງ ຜຸຍພັກດີ