ລັດຖະມົນຕີ ກຕສ ຕ້ອນຮັບການເຂົ້າຢ້ຽມຂຳ່ນັບເອກອັກຄະລັດຖະທູດອົດສະຕາລີ ----------------------- ວັນທີ 16 ພະຈິກ 2023 ນີ້, ທີ່ຫ້ອງຮັບແຂກ ກະຊວງເຕັກໂນໂລຊີ ແລະ ການສື່ສານ(ກຕສ) ທ່ານ ບັນດິດ ສຈ. ບໍ່ວຽງຄໍາ ວົງດາລາ, ລັດຖະມົນຕີ ກຕສ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ພໍ ເຄລີ (Paul Kelly), ເອກອັກຄະລັດຖະທູດ ອົດສະຕາລີ ປະຈໍາ ສປປ ລາວ ພ້ອມດ້ວຍຄະນະ. : ໃນໂອກາດດັ່ງກ່າວ, ທ່ານ ບັນດິດ ສຈ. ບໍ່ວຽງຄຳ ວົງດາລາ ໄດ້ສະແດງຄວາມຕ້ອນຮັບ ແລະ ຊົມເຊີຍ ຕໍ່ທ່ານ ທ່ານ ພໍ ເຄລີ ພ້ອມດ້ວຍຄະນະທີ່ໄດ້ເຂົ້າຢ້ຽມຂໍ່ານັບຄັ້ງນີ້ ພ້ອມທັງໄດ້ຕີລາຄາສູງຕໍ່ການພົວພັນຮ່ວມມືຂອງສອງປະເທດ ລາວ-ອົດສະຕາລີ. ພ້ອມນັ້ນ, ທ່ານໄດ້ສະແດງຄວາມຂອບໃຈມາຍັງທ່ານເອກອັກຄະລັດຖະທູດ ອົດສະຕາລີ ກໍຄືລັດຖະບານ ອົສະຕາລີ ທີ່ໄດ້ການຮ່ວມມື ແລະ ສະໜັບສະໜູນແກ່ ສປປ ລາວ ໃນໄລຍະຜ່ານມາ ເປັນຕົ້ນແມ່ນ ການຍົກລະດັບທາງດ້ານວິຊາສະເພາະວຽກງານຄວາມປອດໄພທາງດ້ານໄຊເບີໃຫ້ແກ່ພະນັກງານຂອງ ສປປ ລາວ ຊຶ່ງມີຄວາມສຳຄັນ ແລະ ຈຳເປັນໃນການຫັນເປັນດິຈິຕອນຂອງ ສປປ ລາວ ໂດຍສະເພາະແມ່ນ ການຈັດຕັ້ງປະຕິບັດວິໄສທັດການພັດທະນາເສດຖະກິດດິຈິຕ໋ອນ ແຫ່ງຊາດ 20 ປີ (2021-2040), ຍຸດທະສາດການພັດທະນາເສດຖະກິດດິຈິຕ໋ອນແຫ່ງຊາດ 10 ປີ (2021-2030) ແລະ ແຜນພັດທະນາເສດຖະກິດດິຈິຕ໋ອນ ແຫ່ງຊາດ 5 ປີ (2021-2025), ກະຊວງເຕັກໂນໂລຊີ ແລະ ການສື່ສານ ທີສະພາໄດ້ຮັບຮອງ ໃນນັ້ນການພັດທະນາຕ້ອງມີສາມເສົາຄ້ຳ ຄື: ສ້າງເສດຖະກິດດິຈິຕອນ, ສ້າງລັດຖະບານດິຈິຕອນ ແລະ ສ້າງສັງຄົມດິຈິຕອນ.

ໃນຕອນບ່າຍວັນທີ່2/11/2023 ສະພາການຄ້າ ແລະ ອຸດສາຫະກຳ ແຂວງຫົວພັນ ພ້ອມດ້ວຍບໍລິສັດທ່ອງທ່ຽວ ຄລີນແອັດແວນເຈີ ຈໍາກັດຜູ້ດຽວ(ທ່ານ ອິນທີ ເດືອນສະຫັວນ) ໄດ້ສໍາເລັດການເຈລະຈາຮ່ວມກັບພະແນກການທີ່ກ່ຽວຂ້ອງ,ເມືອງວຽງໄຊ,ເມືອງຊໍາເໜືອ ຈໍານວນ2ໂຄງການຄື: ຄຸກເກົ່າຢູ່ບ້ານພັນໄຊ ຈະເຮັດເປັນຮ້ານອາຫານ,ຮ້ານກາເຟ ແລະ ຖໍ້ານົກແອ່ນ ບ້ານນາແທນ,ເມືອງວຽງໄຊ ຈະເຮັດເປັນຮ້ານອາຫານ,ລ່ອງເຮືອ,ປລີນຜາ...ຖືວ່າສໍາເລັດຕາມລະດັບຄາດໝາຍ.

ຫ້ອງການ ກຕສ ຈັດພິທີມອບ-ຮັບ ໃບຍ້ອງຍໍປະຈໍາປີ ແລະ ເຜີຍແຜ່ເຊື່ອມຊຶມເອກະສານສໍາຄັນຂອງພັກ ------------------------------ ຫ້ອງການ ກະຊວງເຕັກໂນໂລຊີ ແລະ ການສື່ສານ ໄດ້ຈັດພິທີມອບ-ຮັບ ໃບຍ້ອງຍໍຜົນງານປະຈຳປີ 2022 ໃຫ້ແກ່ພະນັກງານລັດຖະກອນພາຍໃນຫ້ອງການ ແລະ ເຜີຍແຜ່ເຊື່ອມຊຶມ, ຜັນຂະຫຍາຍຜົນສຳເລັດ ຂອງກອງປະຊຸມຄົບຄະນະກາງສະໄໝ ຂອງ ຄະນະບໍລິຫານງານສູນກາງພັກ ສະໄໝທີ XI ຂຶ້ນໃນຕອນເຊົ້າຂອງວັນທີ 04 ຕຸລາ 2023, ທີ່ຫ້ອງປະຊຸມໃຫຍ່ ຊັ້ນ 05 ຂອງກະຊວງ (ເຂດສີສະເກດ), ໂດຍການເປັນປະທານຂອງ ທ່ານ ພູຂົງ ຈິດຮູບໂລກ ຄະນະປະຈໍາພັກກະຊວງ, ຫົວໜ້າຫ້ອງການ ກະຊວງເຕັກໂນໂລຊີ ແລະ ການສື່ສານ, ຊຶ່ງມີຄະນະຫ້ອງການ, ຄະນະພະແນກ ພ້ອມດ້ວຍວິຊາການເຂົ້າຮ່ວມຢ່າງພ້ອມພຽງ. . . ຈຸດປະສົງຂອງການຈັດພິທີໃນຄັ້ງນີ້ ກໍເພື່ອເປັນການຍ້ອງຍໍສັນລະເສີນຜູ້ທີ່ມີຜົນງານດີເດັ່ນ ໃນປະຕິບັດໜ້າທີ່ວຽກງານ ປະຈໍາປີ 2022 ຊຶ່ງໃນນັ້ນ ຜົນການປະເມີນຜູ້ທີ່ໄດ້ຮັບໃບຍ້ອງຍໍປະເພດດີຫຼາຍ: ມີຈໍານວນ 63 ທ່ານ, ປະເພດດີ: ມີຈໍານວນ 12 ທ່ານ, ປະເພດກາງ: 01 ທ່ານ ແລະ ບໍ່ໄດ້ຮັບການປະເມີນຈໍານວນ 12 ທ່ານ (ເຫດຜົນ: ສຶກສາຕໍ່ ແລະ ປະຈໍາການຍັງບໍ່ຄົບວາລະການປະເມີນ). . . ໃນພິທີດັ່ງກ່າວ, ທ່ານ ປະທານກອງປະຊຸມ ຍັງໄດ້ໃຫ້ກຽດເຜີຍແຜ່ເອກະສານສໍາຄັນຫຼາຍສະບັບ ເປັນຕົ້ນແມ່ນ: ຄຳສັ່ງແນະນຳວ່າ ດ້ວຍຜົນສຳເລັດ ຂອງກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI; ມະຕິກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI, ລົງວັນທີ 18 ກັນຍາ 2023; ຕີລາຄາການຈັດຕັ້ງປະຈັດຕັ້ງປະຕິບັດ ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ໃນໄລຍະຜ່ານມາ ລວມທັງບົດລາຍງານການຈັດຕັ້ງປະຕິບັດກາງສະໄໝ ແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ IX (2021-2025) ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ ແລະ ທີດທາງແຜນການທ້າຍສະໄໝ ຮອດປີ 2025; ຜົນສຳຫຼວດການນຳພາລວມ ແລະ ແຜນການດຳເນີນງານ ເພື່ອຜັນຂະຫຍາຍມະຕິວ່າດ້ວຍ ສືບຕໍ່ຍູ້ແຮງຜັນຂະຫຍາຍແນວທາງການປ່ຽນແປງໃໝ່ສູ່ລວງເລິກ, ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານໃນການນຳພາຂອງພັກ ສະບັບເລກທີ 432/ຄລສພ ລົງວັນທີ 18 ກັນຍາ 2023. ຂຽນຂ່າວ: ພຸດດາວອນ ພາສຸວັນ ---------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ກຈພ ຈັດກອງປະຊຸມເຜີຍແຜ່ ການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນ ຂອງພັກ ແລະ ຍ້ອງຍໍພະນັກງານປະຈຳປີ 2022 ------------------------------------------------ ທ້າຍອາທິດຜ່ານມານີ້, ທີ່ຫ້ອງປະຊຸມຊັ້ນ 5 (ເຂດສີສະເກດ), ກະຊວງເຕັກໂນໂລຊີ ແລະ ການສື່ສານ (ກຕສ), ກົມຈັດຈັ້ງ ແລະ ພະນັກງານ ໄດ້ຈັດກອງປະຊຸມເຜີຍແຜ່ເອກະສານຄຳສັ່ງຂອງຄະນະເລຂາທິການສູນກາງພັກ ແລະ ຄຳແນະນຳຂອງຄະນະຈັດຕັ້ງສູນກາງພັກ ກ່ຽວກັບການຈັດຕັ້ງປະຕິບັດຄຳສັ່ງຂອງຄະນະເລຂາທິການສູນກາງພັກວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ ໂດຍໃຫ້ກຽດເຂົ້າຮ່ວມເປັນທານຂອງ ສະຫາຍ ຄຳພູ ດວງຖະໜອມ ຄະນະປະຈຳພັກກະຊວງ, ເລຂາໜ່ວຍພັກ, ຫົວໜ້າກົມຈັດຕັ້ງ ແລະ ພະນັກງານ ມີຄະນະກົມ, ຄະນະພະແນກ, ສະມາຊິກພັກ ແລະ ພະນັກງານທັງໝົດພາຍໃນກົມເຂົ້າຮ່ວມ. : ກອງປະຊຸມຄັ້ງນີ້, ໄດ້ຮັບຟັງການເຜີຍແຜ່ເອກະສານທັງໝົດ 4 ສະບັບຄື: ເຜີຍແຜ່ຄຳສັ່ງຂອງຄະນະເລຂາທິການສູນກາງພັກ ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນ ຂອງພັກ. ສະບັບເລກທີ 411/ຄລສພ, ລົງວັນທີ 08 ສິງຫາ 2023; ເຜີຍແຜ່ຄຳແນະນຳ ຂອງຄະນະຈັດຕັ້ງສູນກາງພັກກ່ຽວກັບການຈັດຕັ້ງປະຕິບັດຄຳສັ່ງຂອງຄະນະເລຂາທິການສູນກາງພັກ ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ. ສະບັບເລກທີ 211/ຄຈສພ, ລົງວັນທີ 16 ສິງຫາ 2023 ແນໃສ່ເພື່ອເປັນການປັບປຸງພາຍໃນພັກ ໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນ ຮັບປະກັນ ການກໍ່ສ້າງພັກຕາມ 5 ຫຼັກການ ແລະ 3 ທິດນຳຂອງພັກ, ຖືກຕ້ອງຕາມກົດລະບຽບພັກ; ເຜີຍແຜ່ຄຳສັ່ງວ່າດ້ວຍການເພີ່ມທະວີແກ້ໄຂບັນຫາເຄັ່ງຮ້ອນ ຂອງເສດຖະກິດການເງິນ, ບັນຫາເງິນເຟີ້, ອັດຕາແລກປ່ຽນ, ລາຄາສິນຄ້າ ແລະ ໜີ້ສິນຕ່າງປະເທດ ສະບັບເລກທີ 13/ນຍ. ລົງວັນທີ 29 ສິງຫາ 2023 ແລະ ເຜີຍແຜ່ແຈ້ງການຂອງຫ້ອງການ ກຕສ ເລກທີ 2343/ຫກ.6, ລົງວັນທີ 15 ກັນຍາ 2023.

ສຳມະນາແລກປ່ຽນບົດຮຽນກ່ຽວກັບ ການຫັນເປັນລັດຖະບານດິຈິຕອນ ຢູ່ ສ.ເກົາຫຼີ ແລະ ຢູ່ ສປປ ລາວ ຮ່ວມກັບກຸ່ມ ບໍລິສັດ ໂຄລາວ ----------------------------------------------------- ເພື່ອກ້າວເຂົ້າສູ່ ການຫັນເປັນລັດຖະບານທັນສະໄໝໃນຍຸກ 4.0, ລັດຖະບານ ໄດ້ມີການລິເລິ່ມ ການນໍາເອົາເຕັກໂນໂລຊີດິຈິຕອນ ເຂົ້າມາປະຍຸກນໍາໃຊ້ໃນບັນດາຂົງເຂດວຽກງານຕ່າງໆ ເພື່ອຊ່ວຍໃນການຊຸກຍູ້ ການພັດທະນາເສດຖະກິດ ແລະ ສັງຄົມ ກໍຄືການພັດທະນາປະເທດຊາດ ໃນໄລຍະໄໝ່. ລັດຖະບານໄດ້ໃຫ້ຄວາມສໍາຄັນ ໃນການຫັນເປັນດິຈິຕອນ ໂດຍ ໄດ້ກໍານົດ ສາມເສົາເຄົ້າ ໃນການຫັນເປັນດິຈິຕອນ 1. ລັດຖະບານດິຈິຕອນ 2. ເສດຖະກິດດິຈິຕອນ ແລະ 3. ສັງຄົມ ດິຈິຕອນ. : ໃນຕອນບ່າຍ ຂອງວັນທີ 02 ສິງຫາ 2023, ສູນບໍລິຫານລັດດິຈິຕອນ, ກະຊວງ ເຕັກໂນໂລຊີ ແລະ ການສື່ສານ ໄດ້ຈັດກອງປະຊຸມສຳມະນາແລກປ່ຽນບົດຮຽນກ່ຽວກັບ ການຫັນເປັນລັດຖະບານດິຈິຕອນ ຢູ່ ສ.ເກົາຫຼີ ແລະ ຢູ່ ສປປລາວ ຮ່ວມກັບ ກຸ່ມບໍລິສັດ ໂຄລາວ (ບໍລິສັດ ກອ໋ກ ກອ໋ກ ຈຳກັດຜູ້ດຽວ), ທີ່ຫ້ອງປະຊຸມຊັ້ນ 05 ກະຊວງເຕັກໂນໂລຊີ ແລະ ການສື່ສານ (ຕຶກສີສະເກດ) ໂດຍການໃຫ້ກຽດເປັນປະທານຂອງທ່ານ ນາງ ວັນນະພາ ພົມມະທັນສີ, ຮອງຫົວໜ້າ ສູນບໍລິຫານລັດດິຈິຕອນ, ກະຊວງເຕັກໂນໂລຊີ ແລະ ການສື່ສານ ແລະ ທ່ານ ຊຸນຮຽນໂຈ, ປະທານ ກຸ່ມບໍລິສັດໂຄລາວ (ບໍລິສັດ ກອ໋ກ ກອ໋ກ ຈຳກັດຜູ້ດຽວ), ໂດຍມີຜູ້ເຂົ້າຮ່ວມຈາກບັນດາກົມ/ສູນທຽບເທົ່າ ພາຍໃນກະຊວງ ເຕັກໂນໂລຊີ ແລະ ການສື່ສານ ເຂົ້າຮ່ວມທັງໝົດ 55 ທ່ານ. :

ຂອບໃຈທ່ານ ໄຊຊະນະ ສິດທິພອນ ຮອງປະທານ ຄລຈ ແລະ ທ່ານ ປອ ມະໂນທອງ ວົງໄຊ ຮອງລັດທະມົນຕີ ຄອ ພ້ອມຄະນະ ຍຽມຍາມຫ້ອງດຳເນີນງານ ອີຄອມເມີດ ແລະ ແລກປ່ຽນບົດຮຽນຮ່ວມກັນ ??? #LaoProduct #LaoE_Commerce

ທິຊຊູ້ ນຸ້ມນຸ້ມສຸດຫນ້າຮັກຂອງຄົນລາວ ທີ່ສ້າງແບຣນໂດຍກຸ່ມໄວຫນຸ່ມລາວ ມາພ້ອມສະຕາຍແບບຫນ້າໃຊ້, ດ້ວຍໃຍຜ້ານຸ້ມຕໍ່ຜິວ, ບໍ່ຝຸ່ຍ ແລະທີ່ສຳຄັນເຮັດຈາກທຳມະຊາດ ບໍ່ມີການແຕ່ງສີ ຈື່ງເຫມາະກັບການໃຊ້ພິເສດໃນຊີວິດປະຈຳວັນ ຕອນນີ້ສິນຄ້າ ນຸ້ມນຸ້ມ ມີ 2 ຂະຫນາດ : ຂະຫນາດນ້ອຍປ໋ອບອັບ ແລະ ຂະຫນາດກາງ, ໄວໆນີ້ທາງບໍລິສັດ ສິດທິໂສ ການຄ້າຈະມີການຜະລິດມາແບບຄົບວົງຈອນເພື່ອສະດວກແກ່ທຸກການໃຊ້ງານເລີຍ ແບຣນນ້ອງໃຫມ່ທີ່ມາແຮງແບບນີ້ໃຜທີ່ຍັງບໍ່ທັນໄດ້ໃຊ້ ຢ່າລືມລອງອຸດຫນູນມາລອງຊ່ວຍກັນໄດ້ເດີ້ ເພື່ອສິນຄ້າລາວກ້າວໄກ ຫາຊື້ໄດ້ຕາມຮ້ານຄ້າທົ່ວໄປ ພຽງແຕ່ຖາມຫາ ນຸ້ມນຸ້ມ ທ່ານກໍ່ຈະໄດ້ທິຊຊູ້ ຕາຮັກເພື່ອຄົນຕາຮັກໃຊ້ເລີຍ? Cr: ນຸ້ມນຸ້ມ NoomNoom laos #ນຸ້ມນຸ້ມ #Noomnoomlaos #Clipded #ເລື່ອງດັງ #ຄລິບເດັດ