ວິທີແຕັດໄຂ້ຍຸງລາຍ

Lao Digital Week: Startup Lao Competition 2024

ຕຽມພົບກັບການແຂ່ງຂັນ startup ລາວໃນເວທີ ສັບປະດາດີຈິຕອນ Lao Digital Week 2024 ທີ່ເປັນງານຮວບຮວມສະຕາດອັບ ແລະ ເຕັກໂນໂລຊີທີ່ໃຫຍ່ທີ່ສຸດໃນລາວ.

Startup Lao Competition 2024 ແມ່ນເວທີການແຂ່ງຂັນ Startup ລາວ ພາຍໃນ ສັບປະດາດິຈິຕອນ ປະຈໍາປີ ທີ່ແນ່ໃສ່ໄອເດຍທຸລະກິດ ທາງດ້ານນະວັດຕະກໍາ ແລະ ຄວາມຍືນຍົງ ບົນພື່ນຖານທ່າແຮງ ຂອງປະເທດ ແລະ ພາກພື້ນ. ເຊິ່ງປີນີ້ຈະໄດ້ຈັດຂຶ້ນເປັນປີທໍາອິດ ພາຍໃຕ້ຫົວຂໍ້ “ການຫັນເປັນດິຈິຕອນ ເພື່ອຫັ່ນປ່ຽນ ການພັດທະນາ ເສດຖະກິດ-ສັງຄົມ ໄປສູ່ຄຸນະພາບໃໝ່ ແລະ ເພີ່ມທະວີການເຊື່ອມຈອດຢ່າງແຂງແຮງ”.

ເງື່ອນໄຂການສະໝັກ:
ຜູ້ປະກອບການທີ່ມີອາຍຸລະຫວ່າງ15-35 ປີ
ບຸກຄົນ ຫຼື ທີມ (ສະມາຊິກທີມລະ 2 - 4 ຄົນ)
ຕ້ອງມີ Business Model Canvas (BMC) ແລະ Pitch Deck
ມີຄວາມກະຕືລືລົ້ນຈະເປັນຕົວແທນstartupລາວໃນເວທີສາກົນ

ຂະແໜງການທີ່ Startup Lao 2024 ສະໜັບສະໜູນ ປະກອບມີ:
️Lao Sustainable Business
️Lao E-commerce startup
️Lao Edtech startup
️ Lao Logistics startup
️ Lao E-Tourism startup
️ Lao GenAI startup ແລະ ອື່ນໆ

ງານແຂ່ງຂັນດັ່ງກ່າວແມ່ນຈັດຂຶ້ນໂດຍການຮ່ວມມືລະຫວ່າງສູນສົ່ງເສີມແລະຖ່າຍທອດເຕັກໂນໂລຊີ ແລະ ບໍລິສັດ XM Technovator ເພື່ອເຝັ້ນຫາບໍລິສັດ startup ລາວໃນການເປັນຕົວແທນປະເທດ ເຮົາຮ່ວມໂຄງການບົ່ມເພາະມຸລະກິດ ແລະ ງານແຂ່ງຂັນ ຂອງພາກພື້ນ ແລະ ສາກົນ.

ຖ້າຫາກໃຜມີໄອເດຍສະຕາດອັບເດັດໆ ແລະ ຢາກທ້າທາຍຢາກເຂົ້າຮ່ວມເປັນຕົວແທນປະເທດລາວ ສະໝັກມາເລີຍກັບ Startup Lao Competition 2024

ສາມາດສະແກນ QR code ເພື່ອລົງທະບຽນ ຫຼື ກົດເຂົ້າລິ້ງສະໝັກລຸ່ມຄອມເມັ້ນໄດ້ເລີຍ.

ປິດຮັບສະໝັກວັນທີ 31/12/2023 ແລະ ປະກາດຜົນຜູ້ໄດ້ຜ່ານເຂົ້າຮອບສຸດທ້າຍວັນທີ 5 ມັງກອນ 2024.

ມາຮ່ວມແຂ່ງ, ຮ່ວມເຊີຍທີມທີ່ທ່ານມັກໄດ້ໃນງານ Lao Digital Week - Startup Lao Competition 2024 ໄດ້ໃນວັນທີ 13-14 ມັງກອນ 2024 ທີ່ຫໍປະຊຸມແຫ່ງຊາດ LNCC! ແລ້ວພົບກັນ!

#laodigitalweek2024
#StartupLaoCompetition2024
#TPTC #XMTechnovator

#kidhod
#ຄິດຮອດ

ຫົວເຫວີຍ ໄດ້ເປີດຕົວຮ່ວມມືກັບ ITU ສ້າງຄວາມກ້າວໜ້າໃນການຮວບຮວມເອົາດິຈິຕອນເຊື່ອມຕໍ່ກັນພາຍໃຕ້ຂໍ້ຜູກພັນຂອງຫົວເຫວີຍທີ່ມີຕໍ່ພັນທະມິດ
--------------------------------
ໃນວັນທີ 21 ພະຈິກ 2023 ຜ່ານມາ, ທີ່ຕົງກວນ ສປ. ຈີນ ບໍລິສັດຫົວເຫວີຍ ໄດ້ປະກາດວ່າໄດ້ນຳການເຊື່ອມຕໍ່ມາໃຫ້ກັບຜູ້ຄົນຈຳນວນ 90 ລ້ານຄົນທີ່ອາໄສຢູ່ໃນເຂດຫາງໄກສອກຫຼີກຢູ່ເກືອບ 80 ປະເທດຕາມຂໍ້ຜູກພັນຕໍ່ແນວຮ່ວມດິຈິຕອນ Partner2Connect (P2C) ຂອງສະຫະພັນໂທລະຄົມມະນາຄົມສາກົນ (ITU) ການປະກາດດັ່ງກ່າວໄດ້ຈັດຂຶ້ນເປັນສ່ວນໜຶ່ງຂອງບົດລາຍງານຄວາມຄືບໜ້າຄັ້ງທຳອິດຂອງຫົວເຫວີຍນັບຕັ້ງແຕ່ໄດ້ເຂົ້າຮ່ວມແນວຮ່ວມມືໃນປີຜ່ານມານີ້.
:
ດຣ. ຫຼຽງ ຮວາ (Dr. Liang Hua), ປະທານສະພາບໍລິຫານຂອງ ບໍລິສັດຫົວເຫວີຍ ໄດ້ຖະແຫຼງການໃນການປະຊຸມຄວາມຍືນຍົງປະຈຳປີ 2023 ຂອງບໍລິສັດ ໃນຫົວຂໍ້ “ເຕີບໂຕໄປດ້ວຍເຕັກໂນໂລຊີ: ບັນລຸການພັດທະນາແບບຍືນຍົງ.” ໂອກາດດັ່ງກ່າວຍັງໄດ້ນຳເອົາ ທ່ານ ດໍລີນ ບອງດານ-ມາຕິນ (Doreen Bogdan-Martin), ເລຂາທິການໃຫຍ່ຂອງ ITU; ທ່ານ ເຈບຟີ້ ຊັສ (Jeffrey Sachs), ປະທານເຄືອຂ່າຍການແກ້ໄຂບັນຫາການພັດທະນາແບບຍືນຍົງຂອງສະຫະປະຊາຊາດ ແລະ ກຳມາທິການຂອງຄະນະກໍາມະການບຣອດແບນດ໌ແຫ່ງສະຫະປະຊາຊາດເພື່ອການພັດທະນາຕະຫຼອດຮອດຕົວແທນຈາກກະຊວງໂທລະຄົມ ແລະ ລະບຽບການ, ລວມທັງບາງສ່ວນຈາກປາກິສຖານ ແລະ ການາພ ພ້ອມບັນດາຜູ້ເຂົ້າຮ່ວມໄດ້ຄົ້ນພົບຮຽນຮູ້ກ່ຽວກັບພື້ນຖານໂຄງລ່າງດິຈິຕອນສາມາດຊຸກຍູ້ການພັດທະນາແບບຍືນຍົງໄດ້ດີກວ່າ ແລະ ຊ່ວຍສ້າງໂລກອັດສະລິຍະທີ່ເປັນມິດຕໍ່ສິ່ງແວດລ້ອມ ແລະ ຄວບຄຸມຫຼາຍຂຶ້ນ.
ທີ່ມາ: ບໍລິສັດ ຫົວເຫວີຍເຕັກໂນໂລຊີ(ລາວ)

ອດທ ສ້າງຂະບວນການວຽກຂຶ້ນທະບຽນເລກໝາຍໂທລະສັບ, ພາຍໃຕ້ຄໍາຂັວນ "ຂື້ນທະບຽນເລກຫມາຍໂທລະສັບ ແມ່ນຮັກຊາດ ເພື່ອຄວາມປອດໄພຂອງການນໍາໃຊ້ ໃນຍຸກດິຈິຕອນ"
------------------------------------------
ເພື່ອສຶບຕໍ່ຂຶ້ນທະບຽນເລກໝາຍໃຫ້ສໍາເລັດ ແລະ ບັນລຸໄດ້ຕາມແຜນການທີ່ວາງໄວ້ ອົງການດັດສົມໂທລະຄົມມະນາຄົມ (ອດທ), ກະຊວງເຕັກໂນໂລຊີ ແລະ ການສື່ສານ (ກຕສ) ໄດ້ຮ່ວມກັບບັນດາ ບໍລິສັດທີ່ໃຫ້ບໍລິການດ້ານໂທລະຄົມມະນາຄົມ ແລະ ອິນເຕີເນັດ ໄດ້ຈັດຂະບວນການເພື່ອຂໍ່ານັບຮັບຕ້ອນກອງປະຊຸມໃຫຍ່ ອົງຄະນະພັກກະຊວງເຕັກໂນໂລຊີ ແລະ ການສື່ສານ ຄັ້ງທີ III ທີ່ຈະມາເຖິງ. ພາຍໃຕ້ການຊີ້ນໍາ-ນໍາພາ ການວາງບູດດັ່ງກ່າວ ໂດຍ ທ່ານ ປອ ນາງ ໃຈມາລີ ພະກະຊຸມ ຮອງຫົວຫນ້າອົງການດັດສົມໂທລະຄົມ. ທັງນີ້, ກໍເພື່ອເປັນການໂຄສະນາເຜີຍແຜ່ຄວາມໝາຍຄວາມສໍາຄັນ ຂອງວຽກງານຂຶ້ນທະບຽນເລກໝາຍໂທລະສັບຕໍ່ກັບວາລະແຫ່ງຊາດໃນການແກ້ໄຂບັນຫາຢາເສບຕິດ ແລະ ເປັນຍຸດທະສາດສໍາຄັນ ຂອງການຫັນເປັນດິຈິຕອນ ໂດຍການຈັດບູດຂຶ້ນທະບຽນເລກໝາຍໂທລະສັບ ເພື່ອອໍານວຍຄວາມສະດວກໃຫ້ບັນດາພາກສ່ວນລັດຖະບານ, ສະຖາບັນການສຶກສາ ແລະ ປະຊາຊົນ ໄດ້ມາຂຶ້ນທະບຽນເລກໝາຍໂທລະສັບຂອງຕົນໄດ້ທຸກເຄືອຂ່າຍຢູ່ຈຸດສຸ່ມບ່ອນດຽວກັນ ໂດຍບໍ່ເສຍຄ່າ ແລະ ຮັບໂປຣໂມເຊິນດີໆໃນງານ. ຊຶ່ງສະຖານທີ່ຕັ້ງບູດຂຶ້ນທະບຽນເລກໝາຍໂທລະສັບ ໄດ້ຕັ້ງຂຶ້ນທີ່ຕຶກ ກະຊວງເຕັກໂນໂລຊີ ແລະ ການສື່ສານ ຢູ່ 02 ເຂດຄື: ເດີນຈອດລົດຂອງ ກະຊວງເຕັກໂນໂລຊີ ແລະ ການສື່ສານ ເຂດສີສະເກດ ແລະ ຫ້ອງການສໍານັກງານນາຍົກລັດຖະມົນຕີ ໃນລະຫວ່າງວັນທີ 20-22 ພະຈິກ 2023 ນີ້, ໃນເວລາ 8:00 ໂມງ ເຖິງ 17:00 ໂມງ ແລະ ຄາດຄະເນຜູ້ມາຮ່ວມຂຶ້ນທະບຽນ ຈໍານວນ 20.000 ເລກໝາຍ ຂຶ້ນໄປ.

ໃນຕອນບ່າຍວັນພະຫັດ,ວັນທີ່9/11/2023 ສະພາການຄ້າແລະອຸດສາຫະກໍາແຂວງ ຫົວພັນ ໄດ້ປະຊຸມຮ່ວມກັບແມ່ຄ້າຂາຍອາຫານ,ເຄື່ອງດື່ມ...ຢູ່ຕະຫຼາດກາງຄືນ ທີ່ເດີ່ນໜ່ວຍແກ້ວຫຼັກເມືອງ,ບ້ານພັນໄຊ ເມືອງຊໍາເໜືອ ເພຶ່ອປຶກສາຫາລື ດ້ານດີ,ດ້ານອ່ອນ ພ້ອມທັງແລກປ່ຽນຄວາມເຫັນຮ່ວມກັນ ເພຶ່ອຊອກຫາວິທີແກ້ໄຂບັນຫາຕ່າງໆ ແລະ ທັງວາງແຜນຈັດສັນພື້ນທີ່ ໃຫ້ມີຄວາມສະດວກ,ສະອາດ,ສວຍງາມ ແລະ ອຳນວຍຄວາມສະດວກໃຫ້ແຂກຄົນທີ່ມາໃຊ້ບໍລິການ.

ບໍ່ສາມາດແກ້ໄຂຈຸດເລີ່ມຕົ້ນໄດ້

ຫົວໜ້າກົມຕໍາຫຼວດຄຸມຂັງ-ດັດສ້າງ ກະຊວງ ປກສ ສືບຕໍ່ເຄື່ອນໄຫວຊຸກຍູ້ວຽກ ງານຢູ່ຄ້າຍຄຸມຂັງແກ້ງຄັນ
-----------------------------------------------------------------------
ໃນວັນທີ 17 ຕຸລາ 2023, ພົຈວ ສົມລິດ ດາວຮຸ່ງສຸລິ ຫົວໜ້າກົມຕໍາຫຼວດຄຸມຂັງ-ດັດສ້າງ ກະຊວງ ປກສ ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມ ແລະ ຊຸກຍູ້ວຽກງານວິຊາສະເພາະຢູ່ຄ້າຍຄຸມຂັງແກ້ງຄັນ, ໂດຍການຕ້ອນຮັບຂອງ ພັທ ນາລິດ ແກ້ວຄໍາສິງ ຫົວໜ້າຄ້າຍຄຸມຂັງແກ້ງຄັນ, ພ້ອມຄະນະພັກ-ຄະນະບັນຊາຄ້າຍ, ໃຫ້ການຕ້ອນຮັບຢ່າງອົບອຸ່ນ.
ການເຄື່ອນໄຫວຊຸກຍູ້ວຽກງານຄັ້ງນີ້, ເພື່ອຕິດຕາມການຈັດຕັ້ງປະຕິບັດວຽກງານວິຊາສະເພາະຂອງເຈົ້າໜ້າທີ່ໃຫ້ມີຄວາມຮັບປະກັນ, ຮັກສາໄດ້ຄວາມເປັນລະບຽບຮ້ອຍ ແລະ ຄວາມສະຫງົບ-ປອດໄພໃນທຸກດ້ານ ໂດຍສະເພາະແມ່ນການປ້ອງກັນເວນຍາມນັກໂທດ ລວມໄປເຖິງບັນດາກິດຈະກຳຕ່າງໆ ທີ່ນັກໂທດໄດ້ຜະລິດ ເປັນຕົ້ນແມ່ນເເກະສະຫຼັກ, ເຟີນີເຈີ,ວຽກຈັກສານ, ຕໍ່າຫູກ,ຕັດຫຍິບ,ປູກຝັງ ແລະ ລ້ຽງສັດ ບັນດາກິດຈະກຳຕ່າງໆນີແມ່ນສາມາດສ້າງ ແລະ ຝຶກເປັນວິຊາອາຊີບໃຫ້ກັບນັກໂທດ ທັງເປັນການຝືກສີມືໃຫ້ນັກໂທດ ພາຍຫຼັງພົ້ນໂທດດອອກໄປ ກໍສາມາດໄປປະກອບເປັນອາຊີບໄດ້ຕາມເງື່ອນໄຂຕົວຈິງ.
ໂອກາດນີ້, ພົຈວ ສົມລິດ ດາວຮຸ່ງສຸລິ ກໍໄດ້ສະແດງຄວາມຍ້ອງຍໍຊົມເຊີຍຕໍ່ຄະນະພັກຄະນະບັນຊາທີ່ໄດ້ເອົາໃສ່ໃຈຊີ້ນໍາບັນຊາພະນັກງານນັກຮົບພາຍ ເຮັດໃຫ້ຄ້າຍມີຄວາມສະຫງົບຄວາມເປັນລະບຽບ ຮຽບຮ້ອຍ ແລະພ້ອມກັນຄຸມຄອງ ແລ ະຝຶກວີຊາອາຊີບໃຫ້ນັກໂທດຢ່າງເຕັມທີ ເພື່ອໃຫ້ນັກໂທດທີ່ມີຜົນງານພົ້ນເດັນປະຕິບັດລະບຽບວິໄນດີ ເພື່ອມີເງື່ອນໄຂໃນການຜ່ອນໂທດ ແລະ ນໍາເອົາວີຊາຄວາມຮູ້ ແລະອາຊີບຕິດໂຕໄປພາຍຫຼັງພົ້ນໂທດອອກໄປກໍສາມາດປະກອບອາຊີບທີ່ສຸດຈະລິດ ແລະ ສ້າງລາຍຮັບໃຫ້ກັບຄອບຄົວ.
*ຂໍ້ມູນຈາກ: ເຟດບຸກເຟກ: ຄວາມສະຫງົບ Lao Security News

ພະນັກງານ-ລັດຖະກອນ ພາຍໃນ ກະຊວງເຕັກໂນໂລຊີ ແລະ ການສື່ສານ ປະກອບສ່ວນບໍລິຈາກເລືອດເພື່ອຊ່ວຍຄົນເຈັບທີ່ຕ້ອງການເລືອດ
----------------------------
ໃນຕອນເຊົ້າຂອງວັນທີ 05 ຕຸລາ 2023 ນີ້, ທີ່ຫ້ອງປະຊຸມໃຫຍ່ ຊັ້ນ 05 ຂອງ ກະຊວງເຕັກໂນໂລຊີ ແລະ ການສື່ສານ (ເຂດສີສະເກດ), ພະນັກງານ-ລັດຖະກອນ ພາຍໃນ ກະຊວງເຕັກໂນໂລຊີ ແລະ ການສື່ສານ ໄດ້ຮ່ວມໃຈກັນປະກອບສ່ວນບໍລິຈາກເລືອດເຂົ້າໃນການປິ່ນປົວຄົນເຈັບທີ່ຕ້ອງການເລືອດ ເພື່ອຊ່ວຍຊີວິດ ແລະ ຊ່ວຍເຫຼືອສັງຄົມ. ຊຶ່ງເຂົ້າຮ່ວມບໍລິຈາກເລືອດໃນຄັ້ງນີ້ມີພະນັກງານ-ລັດຖະກອນທີ່ມາຈາກ ຫ້ອງການ, ກົມ, ສູນ, ສະຖາບັນ, ອົງການ ພາຍໃນ ກະຊວງເຕັກໂນໂລຊີ ແລະ ການສື່ສານ ຈໍານວນທັງໝົດເກືອບ 20 ທ່ານ.
.
.
ອີງຕາມຂໍ້ມູນຂອງ ສະຖາບັນເລືອດແຫ່ງຊາດ, ອົງການກາແດງແຫ່ງຊາດລາວ ໃຫ້ຮູ້ວ່າ: ປັດຈຸບັນ ຄວາມຕ້ອງການນໍາໃຊ້ເລືອດເຂົ້າໃນການປິ່ນປົວຄົນເຈັບຢູ່ຕາມໂຮງໝໍຕ່າງໆເຫັນວ່າມີຄວາມຕ້ອງການສູງພໍສົມຄວນໃນແຕ່ລະວັນ ໂດຍສະເພາະແມ່ນຄົນເຈັບ: ພະຍາດເລືອດຈາງຍ້ອນກໍາມະພັນ, ຟອກໄຂ່ຫຼັງ, ໄຂ້ຍຸງລາຍ, ເສຍເລືອດຍ້ອນການເກີດລູກ, ຖືພານອກພົກ, ມະເຮັງເມັດເລືອດຂາວ, ມະເຮັງອື່ນໆ ແລະ ອີກຫຼາຍພະຍາດທີ່ຈໍາເປັນໃຊ້ເລືອດຊ່ວຍຊີວິດ. ໃນນາມສະຖາບັນເລືອດແຫ່ງຊາດ ເປັນກອງເລຂາຄະນະກໍາມະການບໍລິຈາກເລືອດ-ສົ່ງເລືອດແຫ່ງຊາດ ຈຶ່ງໄດ້ລະດົມການບໍລິຈາກເລືອດທຸກພາກສ່ວນຂອງສັງຄົມ ເພື່ອຕອບສະໜອງເລືອດໃຫ້ພຽງພໍ, ປອດໄພ ແລະ ທັນເວລາ ແກ່ການກອບກູ້ຊີວິດຄົນເຈັບ.
ພາບ-ຂ່າວ: ພຸດດາວອນ
----------------------------------
ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່:
http://mtc.gov.la
http://mtccabinet.gov.la

ກຈພ ຈັດກອງປະຊຸມເຜີຍແຜ່ ການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນ ຂອງພັກ ແລະ ຍ້ອງຍໍພະນັກງານປະຈຳປີ 2022
------------------------------------------------
ທ້າຍອາທິດຜ່ານມານີ້, ທີ່ຫ້ອງປະຊຸມຊັ້ນ 5 (ເຂດສີສະເກດ), ກະຊວງເຕັກໂນໂລຊີ ແລະ ການສື່ສານ (ກຕສ), ກົມຈັດຈັ້ງ ແລະ ພະນັກງານ ໄດ້ຈັດກອງປະຊຸມເຜີຍແຜ່ເອກະສານຄຳສັ່ງຂອງຄະນະເລຂາທິການສູນກາງພັກ ແລະ ຄຳແນະນຳຂອງຄະນະຈັດຕັ້ງສູນກາງພັກ ກ່ຽວກັບການຈັດຕັ້ງປະຕິບັດຄຳສັ່ງຂອງຄະນະເລຂາທິການສູນກາງພັກວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ ໂດຍໃຫ້ກຽດເຂົ້າຮ່ວມເປັນທານຂອງ ສະຫາຍ ຄຳພູ ດວງຖະໜອມ ຄະນະປະຈຳພັກກະຊວງ, ເລຂາໜ່ວຍພັກ, ຫົວໜ້າກົມຈັດຕັ້ງ ແລະ ພະນັກງານ ມີຄະນະກົມ, ຄະນະພະແນກ, ສະມາຊິກພັກ ແລະ ພະນັກງານທັງໝົດພາຍໃນກົມເຂົ້າຮ່ວມ.
:
ກອງປະຊຸມຄັ້ງນີ້, ໄດ້ຮັບຟັງການເຜີຍແຜ່ເອກະສານທັງໝົດ 4 ສະບັບຄື: ເຜີຍແຜ່ຄຳສັ່ງຂອງຄະນະເລຂາທິການສູນກາງພັກ ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນ ຂອງພັກ. ສະບັບເລກທີ 411/ຄລສພ, ລົງວັນທີ 08 ສິງຫາ 2023; ເຜີຍແຜ່ຄຳແນະນຳ ຂອງຄະນະຈັດຕັ້ງສູນກາງພັກກ່ຽວກັບການຈັດຕັ້ງປະຕິບັດຄຳສັ່ງຂອງຄະນະເລຂາທິການສູນກາງພັກ ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ. ສະບັບເລກທີ 211/ຄຈສພ, ລົງວັນທີ 16 ສິງຫາ 2023 ແນໃສ່ເພື່ອເປັນການປັບປຸງພາຍໃນພັກ ໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນ ຮັບປະກັນ ການກໍ່ສ້າງພັກຕາມ 5 ຫຼັກການ ແລະ 3 ທິດນຳຂອງພັກ, ຖືກຕ້ອງຕາມກົດລະບຽບພັກ; ເຜີຍແຜ່ຄຳສັ່ງວ່າດ້ວຍການເພີ່ມທະວີແກ້ໄຂບັນຫາເຄັ່ງຮ້ອນ ຂອງເສດຖະກິດການເງິນ, ບັນຫາເງິນເຟີ້, ອັດຕາແລກປ່ຽນ, ລາຄາສິນຄ້າ ແລະ ໜີ້ສິນຕ່າງປະເທດ ສະບັບເລກທີ 13/ນຍ. ລົງວັນທີ 29 ສິງຫາ 2023 ແລະ ເຜີຍແຜ່ແຈ້ງການຂອງຫ້ອງການ ກຕສ ເລກທີ 2343/ຫກ.6, ລົງວັນທີ 15 ກັນຍາ 2023.

“ພາລະກິດລະດູບານໃໝ່” ພາກທີ 2
ຢູ່ຈີນ, ຄົນພິການເປັນ “ກຸ່ມຄົນພິເສດທີ່ມີຄວາມຫຍຸ້ງຍາກ”, ພາລະກິດຄົນພິການຖືກປຽບທຽບເປັນ “ພາລະກິດລະດູບານໃໝ່”.
ບໍ່ວ່າຕອນເຮັດວຽກຢູ່ຂັ້ນທ້ອງຖິ່ນ ຫຼື ຢູ່ຂັ້ນສູນກາງ, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນລ້ວນແຕ່ມີຄວາມຫ່ວງໃຍເປັນພິເສດຕໍ່ກຸ່ມຄົນພິການ ໂດຍໄດ້ສ້າງຄວາມຊົງຈຳທີ່ອົບປຸ່ນເປັນຈຳນວນຫຼາຍໃຫ້ກັບເຂົາເຈົ້າ. ນັບແຕ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ18ຂອງພັກກອມມູນິດຈີນເມື່ອປີ 2012 ເປັນຕົ້ນມາ, ສູນກາງພັກກອມມູນິດຈີນທີ່ມີສະຫາຍສີຈິ້ນຜິງເປັນແກນນຳໄດ້ໃຫ້ຄວາມເອົາໃຈໃສ່ເປັນພິເສດຕໍ່ພາລະກິດຄົນພິການ ໂດຍກຸ່ມຄົນພິການມີຄວາມຮູ້ສຶກໄດ້ຮັບຜົນປະໂຫຍດ, ມີຄວາມສຸກ ແລະ ມີຄວາມປອດໄພເພີ່ມຂຶ້ນຢ່າງເດັ່ນຊັດ.
ຍ້ອງຍໍຊົມເຊີຍຄົນພິການທີ່ຊ່ວຍເຫຼືອແລະສະໜັບສະໜູນກັນ
ເດືອນເມສາ ປີ2018, ທ່ານສີຈິ້ນຜິງໄດ້ເດີນທາງໄປຢ້ຽມຢາມເມືອງຊິງຊ່ານນະຄອນອູຮັ້ນແຂວງຫູເປີຍ, ເມື່ອແນມເຫັນນາງ ຕູ້ເສີງເສີງ ທີ່ນັ່ງຢູ່ລໍ້ຍູ້, ເພິ່ນຟ້າວຍ່າງເຂົ້າໄປຫາໂດຍກົ້ມລົງ ເດ່ມືທັງສອງເບື້ອງໄປຈັບມືຂອງນາງຢ່າງແໜ້ນໆ. ເພິ່ນແນມເບິ່ງນາງດ້ວຍຄວາມເມດຕາ, ຮັບຟັງນາງແຈ້ງໃຫ້ຮູ້ກ່ຽວກັບຕົນເອງໄດ້ດຳເນີນວຽກງານໃຫ້ບໍລິການບັນຍາຍຮູບເງົາແກ່ຄົນຕາບອດຄືແນວໃດ, ເພິ່ນໄດ້ຍ້ອງຍໍວ່າ: ນີ້ເປັນວຽກໜຶ່ງທີ່ມີຄຸນປະໂຫຍດຫຼາຍ.
ເວລາກ່າວຄຳອຳລາ, ທ່ານສີຈິ້ນຜິງໄດ້ເວົ້າກັບນາງຕູ້ເສີງເສີງວ່າ “ຂອບໃຈສະຫາຍ”, ສິ່ງນີ້ໄດ້ເຮັດໃຫ້ນາງຕື້ນຕັນໃຈຫຼາຍຈົນນ້ຳຕາຊຶມອອກ.ນາງບອກໃຫ້ຮູ້ໂດຍບໍ່ປິດບັງວ່າ ຕົນເອງເຄີຍພົບກັບຄວາມຫຍຸ້ງຍາກຢ່າງຫຼວງຫຼາຍໃນເວລາເຮັດວຽກ, ແຕ່ວ່າ ຄຳເວົ້າຂອງທ່ານສີຈິ້ນຜິງທີ່ວ່າ “ຂອບໃຈສະຫາຍ” ໄດ້ເພີ່ມກຳລັງແຮງໃຈໃຫ້ແກ່ນາງກ້າວເດີນໄປຂ້າງໜ້າຢ່າງເດັດດ່ຽວ. ປີ2020, ພະຍາດໂຄວິດ-19 ແພ່ລະບາດຢ່າງຮຸນແຮງຢູ່ນະຄອນອູຮັ້ນ, ນາງຕູ້ເສີງເສີງເປັນຄົນອູຮັ້ນ, ນອກຈາກເຮັດວຽກຕາມໜ້າທີ່ຕຳແໜ່ງຂອງຕົນແລ້ວ, ນາງຍັງໃຫ້ບໍລິການດ້ານຈິດຕະສາດຜ່ານທາງອ໋ອນລາຍແກ່ເພື່ອນມິດຜູ້ໃຊ້ອິນເຕີເນັດໃນນາມອາສາສະໝັກຕື່ມອີກ. ນາງຫວັງຢາກໝູນໃຊ້ປະສົບການຂອງຕົນເພື່ອເປັນກຳລັງໃຈໃຫ້ແກ່ຜູ້ຄົນຫຼາຍກວ່າເກົ່າໃນການຫຼຸດພົ້ນອອກຈາກເງົາມືດແລະຮັບຕ້ອນແສງສະຫວ່າງ.
ປະຕິບັດຕົວຈິງໃນການຊຸກຍູ້ໃຫ້ບັນລຸເປົ້າໝາຍການຈັດ “ສອງງານກິລາໂອລິມປິກໃຫ້ເປັນງານທີ່ໜ້າຊົມແລະປະທັບໃຈຄືກັນ”
ໃນໄລຍະກະກຽມຈັດງານກິລາໂອລິມປິກລະດູໜາວປັກກິ່ງ ແລະງານກິລາໂອລິມປິກຄົນພິການລະດູໜາວປັກກິ່ງ2022, ແຕ່ລະເທື່ອທີ່ທ່ານສີຈິ້ນຜິງເຄື່ອນໄຫວສຳຫຼວດວຽກງານກະກຽມທີ່ກ່ຽວຂ້ອງ, ເພິ່ນໄດ້ຮັບຟັງລາຍງານສະພາບວຽກງານກະກຽມງານກິລາໂອລິມປິກລະດູໜາວແລະງານກິລາໂອລິມປິກຄົນພິການລະດູໜາວໄປພ້ອມກັນໂດຍໄດ້ວາງແຜນງານກະກຽມທຸກລາຍການໂດຍລວມ ເຊິ່ງເປັນການປະຕິບັດຕົວຈິງໃນການຊຸກຍູ້ໃຫ້ບັນລຸເປົ້າໝາຍການຈັດ “ສອງງານກິລາ ໂອລິມປິກໃຫ້ເປັນງານທີ່ໜ້າຊົມແລະປະທັບໃຈຄືກັນ”
ວັນທີ 4ມັງກອນ2022, ທ່ານສີຈິ້ນຜິງໄດ້ເດີນທາງໄປຢ້ຽມຢາມສຳຫຼວດໂຄງການບ້ານໂອລິມປິກລະດູໜາວ(ບ້ານໂອລິມປິກຄົນພິການລະດູໜາວ)ປັກກິ່ງ, ເພິ່ນໄດ້ເຂົ້າໄປກວດເບິ່ງຢູ່ໃນຫ້ອງຕົວແບບສຳລັບນັກກິລາຄົນພິການເປັນການສະເພາະ ແລະຍ້ອງຍໍຊົມເຊີຍສິ່ງອຳນວຍຄວາມສະດວກສຳລັບຄົນພິການຢູ່ພາຍໃນຫ້ອງ ພ້ອມທັງຊີ້ນຳໃຫ້ຕ້ອງສຸມໃສ່ແກ້ໄຂບັນຫາລະອຽດໃຫ້ຮອບຄອບເພື່ອໃຫ້ບໍລິການທີ່ດີຕາມຄວາມປາດຖະໜາແລະຄວາມຮຽກຮ້ອງຕ້ອງການຂອງນັກກິລາ.
ພາຍໃຕ້ຄວາມເອົາໃຈໃສ່ແລະຊຸກຍູ້ສົ່ງເສີມຈາກທ່ານສີຈິ້ນຜິງ, ຄຳຊີ້ນຳດັ່ງກ່າວທີ່ສະແດງເຖິງນ້ຳໃຈພິເສດ ໄດ້ຮັບການຜັນຂະຫຍາຍຈັດຕັ້ງປະຕິບັດຢ່າງຮອບດ້ານໃນການຈັດວາງແລະການບໍລິການສຳລັບການແຂ່ງຂັນຂອງງານກິລາໂອລິມປິກຄົນພິການລະດູໜາວປັກກິ່ງ. ທ່ານ ແອນດຣິວ ປາຣເຊັນສ ປະທານຄະນະກຳມະການໂອລິມປິກຄົນພິການສາກົນໄດ້ຍ້ອງຍໍຊົມເຊີຍເປັນຢ່າງສູງວ່າ ງານກິລາໂອລິມປິກຄົນພິການລະດູໜາວປັກກິ່ງເປັນງານທີ່ໜ້າງຶດງໍ້ອັດສະຈັນ, ປອດໄພໄວ້ໃຈໄດ້, ໜ້າຊົມແລະປະທັບໃຈ, ເຊິ່ງໄດ້ສ້າງແບບຢ່າງມາດຕະຖານໃຫ້ກັບງານກິລາໂອລິມປິກຄົນພິການລະດູໜາວໃນຄັ້ງຕໍ່ຕໍ່ໄປ.
“ພາລະກິດລະດູບານໃໝ່”ເປັ່ງປະກາຍຄວາມສະຫງ່າລາສີໃນຍຸກໃໝ່
ຢູ່ຈີນມີຄົນພິການຫຼາຍກວ່າ 85 ລ້ານຄົນ, ຕໍ່ກັບຄົນພິການທີ່ເປັນກຸ່ມຄົນພິເສດທີ່ມີຄວາມຫຍຸ້ງຍາກນີ້, ທ່ານສີຈິ້ນຜິງໄດ້ຊີ້ໃຫ້ເຫັນວ່າ: “ການເຮັດໃຫ້ຄົນພິ ການທັງຫຼາຍຢູ່ເຢັນເປັນສຸກ, ເຫຼືອຢູ່ເຫຼືອກິນ, ມີຊີວິດການເປັນຢູ່ທີ່ດີແລະມີຄວາມສຸກ ເປັນສິ່ງ ສຳຄັນທີ່ສ່ອງແສງໃຫ້ເຫັນເຖິງຈຸດປະສົງຂອງພັກໃນການຮັບໃຊ້ປະຊາຊົນຢ່າງ ສຸດໃຈ,ເປັນຄວາມຮຽກຮ້ອງທີ່ຈຳເປັນຂອງລະບອບສັງຄົມນິຍົມຂອງປະເທດເຮົາ.”
ນັບແຕ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ18ຂອງພັກກອມມູນິດຈີນ ເມື່ອປີ 2012 ເປັນຕົ້ນມາ, ຈີນໄດ້ສຸມຄວາມພະຍາຍາມຢ່າງບໍ່ຢຸດຢັ້ງເຂົ້າໃນດ້ານຕ່າງໆເຊັ່ນ: ການປະກັນສັງຄົມ, ການຟື້ນຟູສຸຂະພາບ, ການສຶກສາ, ການປະກອບອາຊີບ, ການສ້າງສະພາບແວດລ້ອມທີ່ອຳນວຍຄວາມສະດວກ ແລະອື່ນໆ, ຊຸກຍູ້ພາລະກິດຄົນພິການໃຫ້ພັດທະນາໄປຢ່າງຮອບດ້ານ, ຕົວຢ່າງ:
ສ້າງກົດໝາຍສະເພາະກ່ຽວກັບການສ້າງສະພາບແວດລ້ອມທີ່ອຳນວຍຄວາມສະດວກເປັນຄັ້ງທຳອິດ.
ວັນທີ1ກັນຍາ2023, ຈີນໄດ້ປະກາດໃຊ້ກົດໝາຍວ່າດ້ວຍການສ້າງສະພາບແວດລ້ອມທີ່ອຳນວຍຄວາມສະດວກຢ່າງເປັນທາງການ, ໂດຍແຫ່ງຕ່າງໆ ແລະຂະແໜງການຕ່າງໆໄດ້ອອກແຮງຢ່າງສຸດຂີດເພື່ອຊຸກຍູ້ໃຫ້ການສ້າງສະພາບແວດລ້ອມທີ່ອຳນວຍຄວາມສະດວກໄດ້ພັດທະນາໄປດ້ວຍຄຸນນະພາບສູງ.
ກະຊວງວຽກງານປະຊາສົງເຄາະ, ຫ້ອງການໜ່ວຍນຳພາວຽກງານຊົນນະບົດສູນກາງ, ກະຊວງການເງິນ ແລະ ພາກສ່ວນອື່ນໆຂອງຈີນໄດ້ສ້າງນະໂຍບາຍໂດຍຂະຫຍາຍຂອບເຂດປະຕິບັດນະໂຍບາຍກ່ຽວກັບການຮ້ອງຂໍເງິນອຸດໜູນປະກັນຊີວິດຂັ້ນພື້ນຖານສຳລັບຄອບຄົວຄົນພິການທີ່ຢູ່ຜູ້ດຽວທີ່ມີຄວາມຫຍຸ້ງຍາກພິເສດໃຫ້ເຂົ້າເຖິງກຸ່ມຄົນຫຍຸ້ງຍາກພິເສດເຊັ່ນ ຄົນພິການທີ່ຕ້ອງອາໄສຜູ້ເຖົ້າເບິ່ງແຍງລ້ຽງດູ, ຄົນພິການລະດັບສາຫັດທີ່ບໍ່ມີວຽກເຮັດງານທຳແລະອື່ນໆ. ນັບມາຮອດທ້າຍປີ2022, ຄົນພິການຈຳນວນ10.455.000 ຄົນໄດ້ຖືກຈັດເຂົ້າໃນຂອບເຂດເປົ້າໝາຍປະກັນຊີວິດຂັ້ນພື້ນຖານແລ້ວ.
ລະບົບບໍລິການເພື່ອໃຫ້ຄວາມເມດຕາຄົນພິການໄດ້ຮັບການປັບປຸງໃຫ້ສົມບູນຂຶ້ນເລື້ອຍໆ
ລະຫວ່າງປີ2021ຫາ2022, ຄົນພິການຈຳນວນ17.074.600ຄົນໄດ້ເຂົ້າເຖິງການບໍລິການຟື້ນຟູສຸຂະພາບຂັ້ນພື້ນຖານ. ໃນທົ່ວປະເທດຈີນມີແຂວງ(ເຂດປົກຄອງຕົນ,ກຳແພງນະຄອນ)20ແຫ່ງໄດ້ວາງນະໂຍບາຍກ່ຽວກັບເງິນອຸດໜູນອຸປະກອນຊ່ວຍຄົນພິການຕາມຄວາມເໝາະສົມ.
ການສຶກສາສ້າງອະນາຄົດທີ່ດີງາມກວ່າເກົ່າໃຫ້ກັບຄົນພິການ
ຫຼາຍພາກສ່ວນໄດ້ປະສານສົມທົບກັນຊຸກຍູ້ການສຶກສາພິເສດຂະຫຍາຍຕົວແບບໃຫ້ຜົນປະໂຫຍດຢ່າງທົ່ວເຖິງ, ນັບມາຮອດເດືອນພຶດສະພາປີ2023,ຈີນມີນັກຮຽນນັກສຶກສາປຜູ້ພິການທີ່ໄດ້ຮັບທຶນຊ່ວຍເຫຼືອດ້ານການສຶກສາບັນລຸ 1.362.000 ເທື່ອຄົນ, ນັກຮຽນຜູ້ພິການຫຼາຍກວ່າ30.000ຄົນໄດ້ຖືກສະຖາບັນການສຶກສາຊັ້ນສູງຮັບເຂົ້າເປັນນັກສຶກສາ.
*ຂໍ້ມູນຈາກເຟດບຸກ: CRI-FM93