ຫົວເຫວີຍ ໄດ້ເປີດຕົວຮ່ວມມືກັບ ITU ສ້າງຄວາມກ້າວໜ້າໃນການຮວບຮວມເອົາດິຈິຕອນເຊື່ອມຕໍ່ກັນພາຍໃຕ້ຂໍ້ຜູກພັນຂອງຫົວເຫວີຍທີ່ມີຕໍ່ພັນທະມິດ -------------------------------- ໃນວັນທີ 21 ພະຈິກ 2023 ຜ່ານມາ, ທີ່ຕົງກວນ ສປ. ຈີນ ບໍລິສັດຫົວເຫວີຍ ໄດ້ປະກາດວ່າໄດ້ນຳການເຊື່ອມຕໍ່ມາໃຫ້ກັບຜູ້ຄົນຈຳນວນ 90 ລ້ານຄົນທີ່ອາໄສຢູ່ໃນເຂດຫາງໄກສອກຫຼີກຢູ່ເກືອບ 80 ປະເທດຕາມຂໍ້ຜູກພັນຕໍ່ແນວຮ່ວມດິຈິຕອນ Partner2Connect (P2C) ຂອງສະຫະພັນໂທລະຄົມມະນາຄົມສາກົນ (ITU) ການປະກາດດັ່ງກ່າວໄດ້ຈັດຂຶ້ນເປັນສ່ວນໜຶ່ງຂອງບົດລາຍງານຄວາມຄືບໜ້າຄັ້ງທຳອິດຂອງຫົວເຫວີຍນັບຕັ້ງແຕ່ໄດ້ເຂົ້າຮ່ວມແນວຮ່ວມມືໃນປີຜ່ານມານີ້. : ດຣ. ຫຼຽງ ຮວາ (Dr. Liang Hua), ປະທານສະພາບໍລິຫານຂອງ ບໍລິສັດຫົວເຫວີຍ ໄດ້ຖະແຫຼງການໃນການປະຊຸມຄວາມຍືນຍົງປະຈຳປີ 2023 ຂອງບໍລິສັດ ໃນຫົວຂໍ້ “ເຕີບໂຕໄປດ້ວຍເຕັກໂນໂລຊີ: ບັນລຸການພັດທະນາແບບຍືນຍົງ.” ໂອກາດດັ່ງກ່າວຍັງໄດ້ນຳເອົາ ທ່ານ ດໍລີນ ບອງດານ-ມາຕິນ (Doreen Bogdan-Martin), ເລຂາທິການໃຫຍ່ຂອງ ITU; ທ່ານ ເຈບຟີ້ ຊັສ (Jeffrey Sachs), ປະທານເຄືອຂ່າຍການແກ້ໄຂບັນຫາການພັດທະນາແບບຍືນຍົງຂອງສະຫະປະຊາຊາດ ແລະ ກຳມາທິການຂອງຄະນະກໍາມະການບຣອດແບນດ໌ແຫ່ງສະຫະປະຊາຊາດເພື່ອການພັດທະນາຕະຫຼອດຮອດຕົວແທນຈາກກະຊວງໂທລະຄົມ ແລະ ລະບຽບການ, ລວມທັງບາງສ່ວນຈາກປາກິສຖານ ແລະ ການາພ ພ້ອມບັນດາຜູ້ເຂົ້າຮ່ວມໄດ້ຄົ້ນພົບຮຽນຮູ້ກ່ຽວກັບພື້ນຖານໂຄງລ່າງດິຈິຕອນສາມາດຊຸກຍູ້ການພັດທະນາແບບຍືນຍົງໄດ້ດີກວ່າ ແລະ ຊ່ວຍສ້າງໂລກອັດສະລິຍະທີ່ເປັນມິດຕໍ່ສິ່ງແວດລ້ອມ ແລະ ຄວບຄຸມຫຼາຍຂຶ້ນ. ທີ່ມາ: ບໍລິສັດ ຫົວເຫວີຍເຕັກໂນໂລຊີ(ລາວ)

ກອງປະຊຸມສຳມະນາ ກ່ຽວກັບການຍົກລະດັບວຽກງານຄວາມປອດໄພ ໃນ ສ ປ ປ ລາວ -------------------------------------------- ກົມຄວາມປອດໄພໄຊເບີ, ກະຊວງເຕັກໂນໂລຊີ ແລະ ການສື່ສານ ໄດ້ຮ່ວມກັບ ສະຖານທູດອົດສະຕາລີ ໄດ້ຈັດກອງປະຊຸມສຳມະນາກ່ຽວກັບ ການຍົກລະດັບວຽກງານຄວາມປອດໄພໄຊເບີ ໃນ ສ ປ ປ ລາວ ເພື່ອໃຫ້ທຸກຄົນມີຄວາມສະດວກໃນການສື່ສານ, ການແລກປ່ຽນຂໍ້ມູນ-ຂ່າວສານ, ການເກັບຂໍ້ມູນ ລວມເຖິງການຮັກສາລະບົບຂໍ້ມູນຂ່າວສານຕ່າງໆທາງອີນເຕີເນັດ/ໄຊເບີ, ຈັດຂຶ້ນໃນວັນທີ 18 ຕຸລາ 2023 ທີ່ ໂຮງແຮມ ຄຣາວພາຊາ ນະຄອນຫຼງວຽງຈັນ, ໂດຍການເປັນປະທານຂອງ ທ່ານ ສຸເນດໂຕ ຊາພັກດີ ຮອງຫົວໜ້າກົມຄວາມປອດໄພໄຊເບີ, ຊຶ່ງຜູ້ເຂົ້າຮ່ວມມີທ່ານ ນາງ ຟີໂອນາ ເລຂານຸການ ຈາກສະຖາທູດອົດສະຕາລີ, ພ້ອມດ້ວຍນັກວິທະຍາກອນ, ບັນດາກົມ/ທຽບເທົ່າ, ບໍລິສັດໂທລະຄົມ ແລະ ກະຊວງອ້ອມຂ້າງທີ່ກ່ຽວຂ້ອງ ຈຳນວນ 30 ທ່ານ. : ຈຸດປະສົງຂອງການສໍາມະນາໃນຄັ້ງນີ້ ກໍ່ເພື່ອເສີມສ້າງຄວາມຮູ້ຄວາມອາດສາມາດ ແລະ ຄວາມເຂົ້າໃຈໃນວຽກງານນະໂຍບາຍ ແລະ ຍຸດທະສາດດ້ານຄວາມປອດໄພທາງໄຊເບີ ໃຫ້ກັບບັນດາຜູ້ເຂົ້າຮ່ວມ ແລະ ໜ່ວຍງານທີ່ກ່ຽວຂ້ອງອ້ອມຂ້າງ ຊຶ່ງຜູ້ເຂົ້າຮ່ວມຈະໄດ້ຮຽນຮູ້ ແລະ ແລກປ່ຽນລະບຽບຫຼັກການຕ່າງໆກ່ຽວກັບ ນະໂຍບາຍ ແລະ ແຜນຍຸດທະສາດດ້ານຄວາມປອດໄພທາງໄຊເບີ ພ້ອມທັງການຈັດຕັ້ງປະຕິບັດບັນດາກົດໝາຍ ແລະ ມາດຕະການຕ່າງໆ ລະຫວ່າງປະເທດ ແລະ ສາກົນ. ສະນັ້ນ ເພື່ອໃຫ້ເປັນໄປຕາມຂໍ້ກໍານົດລະບຽບຫຼັກການ ແລະ ໃຊ້ມາດຕະການຕໍ່ຜູ້ລະເມີດ, ເພື່ອປົກປ້ອງຂໍ້ມູນສ່ວນບຸກຄົນ ແລະ ສິດທິຂອງອົງກອນ ພ້ອມນັ້ນການຮ່ວມມື ລະຫວ່າງປະເທດ ແລະ ໃນລະດັບພາກພື້ນ ກໍ່ເປັນສີ່ງຈໍາເປັນ ແລະ ສໍາຄັນ ເພື່ອໃຫ້ມີການແລກປ່ຽນຂໍ້ມູນຂ່າວສານເຊີ່ງກັນ ແລະ ກັນ ເພື່ອຊ່ວຍປັບປຸງພັດທະນາໃນວຽກງານນະໂຍບາຍຄວາມປອດໄພໄຊເບີ ໃຫ້ຄວາມສອດຄ່ອງ ແລະ ຫັດກຸມຂື້ນກວ່າເກົ່າ. ຂຽນຂ່າວ: ກົມຄວາມປອດໄພໄຊເບີ. ---------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ແຂ່ງຂັນການແຮັກຂໍ້ມູນຂ່າວສານ ໃນລະບົບຄອມພິວເຕີ ------------------------------------ ກົມຄວາມປອດໄພທາງໄຊເບີ, ກະຊວງເຕັກໂນໂລຊີ ແລະ ການສື່ສານ ຮ່ວມກັບ ບໍລິສັດ ໄຊເບີຣັດ ຈໍາກັດຜູ້ດຽວ ຈັດການແຂ່ງຂັນແຮັກຂໍ້ມູນຂ່າວສານໃນລະບົບຄອມພິວ ອາຊຽນ ຄັ້ງທີ 1 (The 1st ASEAN Cyber Shield (ACS) Hacking Contest) ໃນວັນທີ 14 ກັນຍາ 2023 ທີ່ ໂຮງແຮມ ເມືອງແທ່ງ, ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມເປັນປະທານຂອງທ່ານ ຄຳຫຼ້າ ສູນນະລັດ, ຫົວໜ້າກົມຄວາມປອດໄພທາງໄຊເບີ, ມີບັນດາຜູ້ສະໜັບສະໜູນ, ຕາງໜ້າຈາກພາກສ່ວນກ່ຽວຂ້ອງ ແລະ ຜູ້ແຂ່ງຂັນເຂົ້າຮ່ວມ. : ຈຸດປະສົງຂອງການຈັດເເຂ່ງຂັນໃນຄັ້ງນີ້ແມ່ນເພື່ອເປັນການສົ່ງເສີມທັກສະຄວາມຮູ້, ສ້າງຄວາມເຂັ້ມເເຂງດ້ານເຕັກນິກວິທີການໃນການຕ້ານ ແລະ ສະກັດກັ້ນໄພຄຸກຄາມທາງໄຊເບີ ທີ່ນັບມື້ນັບມີຄວາມສະຫຼັບຊັບຊ້ອນຕາມການຂະຫຍາຍຕົວຂອງເຕັກໂນໂລຊີດິຈິຕອນ. ນອກນີ້, ກໍເພື່ອແນ່ໃສ່ແບ່ງປັນຄວາມຮູ້ ແລະ ປະສົບການດ້ານຄວາມປອດໄພທາງໄຊເບີ, ສ້າງປະສົບການ ແລະ ການເຮັດວຽກເປັນທີມ ໃນການຮັກສາຄວາມປອດໄພຂອງລະບົບຂໍ້ມູນຂ່າວສານ ໃຫ້ນັກສຶກສາ ແລະ ວິຊາການໄດ້ຮຽນຮູ້ວິທີການປ້ອງກັນ, ການໂຈມຕີ ແລະ ໃຫ້ເຂົ້າໃຈເຖິງຄວາມສໍາຄັນຂອງການປົກປ້ອງລະບົບຂໍ້ມູນທາງຄອມພິວເຕີໃຫ້ຫຼາຍຂຶ້ນ. ຊຶ່ງພື້ນຖານດ້ານເຕັກນິກດັ່ງກ່າວ ຈະຊ່ວຍໃຫ້ຜູ້ເເຂ່ງຂັນເຂົ້າໃຈເຖິງວິທີການຄົ້ນຫາ ແລະ ການປ້ອງກັນລະບົບຂໍ້ມູນຂ່າວສານທາງຄອມພິວເຕີ ທັງຂອງບຸກຄົນ ຫຼື ອົງກອນ ໃຫ້ມີຄວາມປອດໄພ ແລະ ນຳໃຊ້ເຂົ້າໃນວຽກງານຕົວຈິງໃຫ້ເກີດ ຜົນປະໂຫຍດສູງສຸດ. : ນອກນີ້, ການຈັດການແຂ່ງຂັນໃນຄັ້ງນີ້ ແມ່ນເພື່ອຄັດເລືອກເອົາທີມທີ່ຊະນະ ຈຳນວນ 04 ທີມ, ທີມລະ 04 ທ່ານ ລວມທັງໝົດ 16 ທ່ານ ຈາກ ສະຖາບັນການສຶກສາ ແລະ ພະນັກງານທີ່ກ່ຽວຂ້ອງ (02 ທີມ ຈາກສະຖາບັນການສຶກສາ ແລະ ອີກ 02 ທີມ ສໍາລັບພະນັກງານ) ເພື່ອເປັນຕົວແທນ ສປປ ລາວ ເຂົ້າຮ່ວມການແຂ່ງຂັນ ແຮັກຂໍ້ມູນຂ່າວສານ ໃນລະບົບຄອມພິວເຕີ ອາຊຽນ ຄັ້ງທີ 01 ໃນລະຫວ່າງວັນທີ 20-25 ພະຈິກ 2023 ທີ່ ນະຄອນຫຼວງ ຈາກາຕາ, ປະເທດ ອິນໂດເນເຊຍ ຊຶ່ງເປັນການສະໜັບສະໜູນໂດຍອົງການ KISA ສ. ເກົາຫຼີ ພາຍໃຕ້ຂອບການຮ່ວມມື ASEAN-Korea. : ສຳລັບຜົນການແຂ່ງຂັນຄັ້ງນີ້ ທີມຊະນະເລີດແມ່ນທີມ ໜອນນ້ອຍ 4 ໂຕ ແລະ ທີມອັນດັບທີ 2 ແມ່ນທີມ oneday. ----------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ສະພາການຄ້າ ແລະ ອຸດສາຫະກຳ ແຂວງຫົວພັນ ຂໍສະແດງຄວາມຊົມເຊີຍ ແລະ ຂອບໃຈຢ່າງສູງ ມາຍັງຄະນະຄູອາຈານໂຮງຮຽນເຕັກນິກວິຊາຊີບ ເມືອງວຽງໄຊ ທີ່ໄດ້ທົດລອງປູກແລະເບີ່ງແຍງເອົາໃຈໃສ່ ພືດໄຊໂກະ ຂອງບໍລິສັດສືມຸຣະ ຂອງປະເທດຍີ່ປຸ່ນ ເຊີ່ງປີນີ້ ໄດ້ຮັບຜົນດີສົມຄວນ ແລະ ຈະໄດ້ລົງແກ່ນຄືນອີກ ໃນບາງຈຸດທີ່ບໍ່ອອກຈ້າວ...ທັງເຮັດ ທັງຮຽນ ທັງທົດລອງ ຮຽນຮູ້ປະສົບການໄປນໍາ.

ໃນຕອນບ່າຍວັນພຸດ,ວັນທີ່13/9/2023 ທາງສະພາການຄ້າ ແລະ ອຸດສາຫະກຳ ແຂວງຫົວພັນ ແລະ ທະນາຄານການຄ້າຕ່າງປະເທດ ສາຂາແຂວງຫົວພັນ ໄດ້ຈັດກອງປະຊຸມປຶກສາຫາລື ແລະ ແລກປ່ຽນບົດຮຽນຮ່ວມກັນທັງ2ຝ່າຍ ໂດຍການເຂົ້າຮ່ວມຂອງທ່ານ ຄໍາແກ້ວ ອຸ່ນອານົງນຸດ ປະທານສະພາການຄ້າແລະອຸດສາຫະກຳແຂວງຫົວພັນ ແລະ ທ່ານ ທອງພູນ ແກ້ວບຸນທະວົງ ອຳນວຍການທະນາຄານ ການຄ້າຕ່າງປະເທດ ສາຂາແຂວງຫົວພັນ ພ້ອມດ້ວຍຄະນະ ທັງສອງຝ່າຍ ເຊີ່ງກອງປະຊຸມໄດ້ປຶກສາຫາລືກັນ4ຫົວຂໍ້ໃຫ່ຍ ເພຶ່ອຈະເປັນຄູ່ຮ່ວມທຸລະກິດນໍາກັນໃນອານາຄົດ.

ສະພາການຄ້າ ແລະ ອຸດສາຫະກຳແຂວງຫົວພັນ ກໍ່ຄືສະມາຄົມນັກທຸລະກິດໜຸ່ມແຂວງ ໄດ້ໃຫ້ຄວາມສໍາຄັນທີ່ສຸດຕໍ່ກັບວຽກງານການສຶກສາ ໃນການສ້າງຊັບພະຍາກອນມະນຸດ ເພຶ່ອໃຫ້ເປັນນັກຮຽນຮູ້ປັນຍາຊົນ ທີ່ມີຄວາມຮູ້,ຄວາມສາມາດ ເພຶ່ອຮັບໃຊ້ວຽກງານໃນທຸກໆສາຂາອາຊີບ ເຊີ່ງໂຮງຮຽນອະນຸບານ,ປະຖົມ ແລະ ມັດທະຍົມ-ສູນພາສາອັງກິດ ແກ້ວປັນຍາ ແມ່ນໜື່ງໃນສະມາຊິກ ຂອງສະພາການຄ້າແຂວງ ທີ່ໄດ້ເອົາໃຈໃສ່ໃນການສ້າງຄົນ ໂດຍລິເລີ່ມເປີດສອນເພີ່ມພາສາອັງກິດແຕ່ປີ2006 ເປັນຕົ້ນມາ ແລະ ໄດ້ເລີ່ມເປີດສາຍປະຖົມໃນສົກຮຽນ2016-2017 ແລະ ກໍ່ຄ່ອຍໆພັດທະນາ ຈົນກ້າວຂື້ນມາຮອດຊັ້ນມ7 ແລະ ກ້ຽມເປີດຊັ້ນມ7ໃນສົກຮຽນ2023-2024ນີ້ ແລະ ຈະກາຍເປັນໂຮງຮຽນພາກເອກະຊົນແຫ່ງທຳອິດ ທີ່ມີຊັ້ນມ7 ແລະ ມີແຜນຈະເປີດໂຮງຮຽນວິຊາຊີບໃນອານາຄົດອັນໃກ້ນີ້. ໂຮງຮຽນແກ້ວປັນຍາ ກ້ຽມພ້ອມ ແລະ ຍິນດີຕ້ອນຮັບສົກຮຽນໃໝ່....ຂໍ້ມູນແລະຮູບພາບປະກອບຂ້າງລຸ່ມ.

ເພາະທຸກມື້ຄືການຮຽນຮູ້ Enjoy today?? Learning is a lifelong journey ✌️ #ເລີ່ມຮຽນໃຫມ່

ໃນຕອນເຊົ້າວັນທິດ,ວັນທີ່13/8/2023 ທາງສະພາການຄ້າແລະອຸດສາຫະກຳ ແຂວງຫົວພັນ ແລະ ບໍລິສັດສືມຸຣະ ຂອງປະເທດຍີ່ປຸ່ນ ໄດ້ປະຊຸມປຶກສາຫາ ແລະ ແລກປ່ຽນບົດຮຽນຮ່ວມກັນ ກ່ຽວກັບການເລີ່ມທົດລອງປູກພືດໂສມໄຊໂກະ ໃນ2ເມືອງຂອງແຂວງຫົວພັນຄື: ເມືອງວຽງໄຊ ແລະ ຊໍາເໜືອ ເພຶ່ອພ້ອມກັນແກ້ໄຂຈຸດທີ່ຍັງຄົງຄ້າງ ແລະ ວາງແຜນເສີມວຽກເຂົ້າໃນບາງເຂດໃນການທົດລອງປູກ ເພຶ່ອໃຫ້ໄດ້ຮັບຜົນໃນອານາຄົດ.

ຮຽນຮູ້ໄວເພື່ອການໃຊ້ງານໃຫ້ງ່າຍຂຶ້ນ #ແຊຣ໌ໄວ້ເບິ່ງໃນເວລາທີ່ຈຳເປັນ Ctrl + a - ເລືອກທັງຫມົດ Ctrl + b - ຕົວໜາສືໜາ Ctrl + c - ກ໊ອບປີ້ Ctrl + d - ຕື່ມ Ctrl + f - ຄົ້ນຫາ Ctrl + g - ຄົ້ນຫາຂໍ້ຄວາມທັດໄປ Ctrl + h - ແທ່ນທີ່ Ctrl + i - ຕົວໜັງສືອຽງ Ctrl + k - ໃສ່ລິງ Ctrl + n - ເປີດຫນ້າໃຫມ່ Ctrl + p - ສັ່ງພິມ Ctrl + s - ບັນທຶກ Ctrl + u - ຂີດກ້ອງ Ctrl + v - ວາງ Ctrl w - ປິດ Ctrl + x - ຕັດ Ctrl + z - ຍົກເລີກ ຫລື ຍ້ອນກັບ Windows Key+,=>ຊ້ອນຫນ້າຕ່າງທີ່ໃຊ້ງານຢູ່ແບບຊົ່ວຄົວ. Windows Key+D=>ຊ້ອນຫນ້າຕ່າງທັງຫມົດທີ່ເປີດໄວ້ ກົດອີກຄັ້ງ ເພື່ອກັບຄືນມາ. Window Key+M=>ເອີ້ນຫນ້າຕ່າງທັງໝົດ ທີ່ຊ່ອນຢູ່ໃຫ້ເປີດຂຶ້ນມາໃນຮູບແບບ Full Screen ທຸກຫນ້າຕ່າງ. Windows Key+Ctrl+ລູກສອນຊີ້ຊ້າຍ=>ເລືອກຫນ້າຈໍທີ່ສະແດງໃຫ້ເລື່ອນໄປດ້ານຊ້າຍ. Windows Key+Ctrl+ລູກສອນຊີ້ຂວາ=>ເລືອກຫນ້າຈໍທີ່ສະແດງໃຫ້ເລື່ອນໄປດ້ານຂວາ. Windows Key+Ctrl+F4 => ປິດໜ້າ Desktop ທີ່ແອັກທີບ ຫຼື ທີ່ເຮົາເລືອກຢູ່. Windows Key+Tap => ສະແດງຜົນໜ້າຈໍທຸກໂປຣແກຣມທີ່ເຮົາເປີດໄວ້. Windows Key+PrtScr => ຖ່າຍພາບໜ້າຈໍ. Windows Key+G => ເອີ້ນໃຊ້ງານໂຫຼດບັນທຶກການເຮັດວຽກງານໜ້າຈໍ ຫຼື Game DVR [ກາດຈໍຕ້ອງຮອງຮັບ] Windows Key+Alt+G => ສັ່ງໃຫ້ກໍ່ການບັນທຶກ Game DVR. Windows Key+Alt+R => ຢຸດການບັນທຶກ Game DVR Ctrl+Shift+Esc => ເປີດໜ້າຕ່າງ Tas Manager. Windows Key+R => ເປີດຊ່ອງ Run ສຳລັບປ້ອນຄໍາສັ່ງ. Alt+Enter => ເປີດໜ້າຕ່າງ Properties ຂອງໄຟລ. Windows Key+U => ເປີດເມນູ Ease of Access Center Alt+Tap => ເລືອກປ່ຽນຫນ້າຕ່າງທີ່ຈະໃຊ້ງານ ຫລື ກົດຄ້າງໄວ້ຈະສະແດງທັງຫມົດຜ່ານ Virtual Desktop. Alt+F4 => ປິດໜ້າຕ່າງທີ່ໃຊ້ງານຢູ່. Windows Key+Shift+ລູກສອນຊ້າຍ/ຂວາ => ເລືອກຫນ້າຕ່າງໄປຍັງໜ້າຈໍອື່ນ ກໍລະນີ້ໃຊ້ງານຈໍພາບຫລາຍກວ່າໜຶ່ງຈໍ Windows Key+T => ສະແດງສິ່ງທີ່ເປີດຢູ່ເທິງ Taskbar ກົດ Enter ເພື່ອເລືອກ Windows Key+num[ຕົວເລກ] => ເລືອກ App ທີ່ລາກມາໃຫ້ເປັນ Shotcut ເທິງ Taskbar ໃຫ້ເປີດຂຶ້ນມາ ລຽງລຳດັບຕາມຕົວເລກຈາກຈຳນວນທີ່ລາກມາໄວ້ ຫຼື Pin ເອົາໄວ້. Windows Key+Home => ປິດໜ້າຕ່າງອື່ນໆທັງໝົດ ຢົກເວັ້ນໜ້າຕ່າງທີ່ໃຊ້ງານຢູ່. Windows Key+L => ລ໊ອກໜ້າຈໍ Desktop ສູ່ໜ້າ Lock Screen. Windwos +E => ໃຊ້ໄຟໜ້າ Explorer ຂຶ້ນມາ.

ສລດ ກິດຈະກໍາຝຶກອົບຮົມການສ້າງຄວາມອາດສາມາດໃນການນຳໃຊ້ລະບົບປັນຍາປະດິດ (AI) ແລະ ພາສາ Python Programming ຂັ້ນພື້ນຖານ ໃຫ້ແກ່ພະນັກງານ ພາຍໃນ ກຕສ ------------------------------------------------------------- ສູນບໍລິຫານລັດດິຈິຕ໋ອນ (ສລດ), ກະຊວງເຕັກໂນໂລຊີ ແລະ ການສື່ສານ (ກຕສ) ໄດ້ຈັດກິດຈະກໍາເປີດຝຶກອົບຮົມການສ້າງຄວາມອາດສາມາດໃນການນຳໃຊ້ລະບົບ AI ແລະ ພາສາ Python Programming ຂັ້ນພື້ນຖານ ໃຫ້ແກ່ພະນັກງານ ພາຍໃນ ກຕສ ຂຶ້ນໃນວັນທີ 03 ສິງຫາ 2023 ທີ່ຜ່ານມານີ້, ທີ່ຫ້ອງປະຊຸມຊັ້ນ 4 ຂອງ ກຕສ, ໂດຍການເປັນປະທານຂອງ ທ່ານ ນາງ ວັນນະພາ ພົມມະທັນສີ ຮອງຫົວໜ້າສູນບໍລິຫານລັດດິຈິຕ໋ອນ, ຊຶ່ງມີບັນດາກົມ/ສູນທຽບເທົ່າ ພາຍໃນ ກຕສ ເຂົ້າຮ່ວມທັງໝົດ 35 ກວ່າທ່ານ. : ຈຸດປະສົງຂອງການຈັດຝຶກອົບຮົມໃນຄັ້ງນີ້, ແມ່ນເພື່ອເພີ່ມຄວາມເຂົ້າໃຈ ແລະ ທັກສະໃຫ້ກັບພະນັກງານລັດ ພາຍໃນ ກຕສ ໄດ້ຮຽນຮູ້ ແລະ ເຂົ້າໃຈລັກສະນະພື້ນຖານຂອງເຕັກໂນໂລຊີປັນຍາປະດິດ, ພາສາໂປຣແກຣມທີ່ນຳໃຊ້ໃນການພັດທະນາບັນດາລະບົບ ແລະ ຊ່ວຍໃຫ້ສາມາດເຂົ້າໃຈເຕັກໂນໂລຊີປະເພດດັ່ງກ່າວໄດ້ດີຂຶ້ນ ແລະ ໃຫ້ທັນກັບການພັດທະນາໃນຍຸກປັດຈຸບັນ, ພ້ອມທັງເປັນການຍົກລະດັບຄວາມຮູ້, ຄວາມສາມາດ ແລະ ທັກສະ ພັດທະນາໂປຣແກຣມ ໃຫ້ກັບພະນັກງານ ຂອງ ກຕສ. : ຊຶ່ງການຝືກອົບຮົມດັ່ງກ່າວ ແມ່ນຈັດຂຶ້ນເປັນ 02 ຊຸດຄື: ຊຸດທີ 1 ເລີ່ມແຕ່ວັນທີ 17-24 ກໍລະກົດ 2023 ແລະ ຊຸດທີ 2 ເລີ່ມແຕ່ວັນທີ 02-11 ສິງຫາ 2023 ໂດຍການຮ່ວມມື ລະຫວ່າງ ສູນບໍລິຫານລັດດິຈິຕ໋ອນ ແລະ ສະຖາບັນວິທະຍາສາດ ແລະ ເຕັກໂນໂລຊີ ກວາງໂຈ (Gwangju Institute of Science and Technology (GIST)), ພາຍໃຕ້ການຊ່ວຍເຫຼືອຈາກ ອົງການຂໍ້ມູນຂ່າວສານສັງຄົມແຫ່ງຊາດ (National Information Society Agency (NIA)) ຂອງ ສ. ເກົາຫຼີ ໂດຍພາຍໃຕ້ກິດຈະກຳ World Friend Korea, ກຕສ ໄດ້ຮັບເອົານັກຮຽນມະຫາວິທະຍາໄລມາເປັນອາສາສະໜັກ ຈາກສະຖານບັນ GIST ສ.ເກົາຫຼີ ຈໍານວນ 04 ທ່ານ ເພື່ອເຄື່ອນໄຫວວຽກງານ ຢູ່ ສປປ ລາວ ເປັນເວລາ 01 ເດືອນ. ຊຸດຝຶກອົບໃນຄັ້ງນີ້, ນັກຮຽນຍັງໄດ້ແລກປ່ຽນປະສົບການ ແລະ ບົດຮຽນ ໃນການນໍາໃຊ້ບັນດາເຕັກໂນໂລຊີ ຂອງ ສ.ເກົາຫຼີ , ການຝຶກອົບຮົມແມ່ນເນັ້ນໃຫ້ຜູ້ເຂົ້າຮ່ວມໄດ້ຮຽນຮູ້ ແລະ ນຳໃຊ້ຕົວຈິງ ພ້ອມທັງເປີດໂອກາດໃຫ້ຜູ້ເຂົ້າຮ່ວມໄດ້ສອບຖາມ ແລະ ໄດ້ຈັດກິດຈໍາເພື່ອແລກປ່ຽນວັດທະນາທໍາ ລາວ ແລະ ສ. ເກົາຫຼີ ຮ່ວມກັນ.