ໃນຕອນເຊົ້າວັນຈັນ, ວັນທີ່22/1/2024 ທາງສະພາການຄ້າແລະອຸດສາຫະກຳ ໄດ້ເຂົ້າຮ່ວມພິທີເຊັນສັນຍາ ກ້າເບ້ຍໄມ້ໄຜ່(ໄມ້ຊາກ) ລະຫວ່າງ ບໍລິສັດ ໄຊຮຸ່ງເຮືອງພັດທະນາ ຄົບວົງຈອນ ຈໍາກັດຜູ້ດຽວ ແລະ ໂຮງຮຽນປະຖົມແລະມັດທະຍົມສົມບູນ ແກ້ວປັນຍາ ໂດຍການເປັນກຽດເຂົ້າຮ່ວມ ຂອງ ທ່ານ ຄໍາແກ້ວ ອຸ່ນອານົງນຸດ ຄະນະບໍລິຫານງານຊາວໜຸ່ມແຂວງ, ປະທານສະພາການຄ້າ ແລະ ອຸດສາຫະກຳ ແຂວງຫົວພັນ, ປະທານທີ່ປຶກສາ ສະມາຄົມນັກທຸລະກິດໜຸ່ມ ແຂວງຫົວພັນ ແລະ ມີທ່ານ ທະນູໄຊ ວິໄລຄໍາມະວົງ ອຳນວຍການບໍລິສັດ, ອາຈານ ມິດຕະພອນ ຕົວແທນໂຮງຮຽນແກ້ວປັນຍາ ແລະ ພະນັກງານຄູອາຈານ,ນັກຮຽນແກ້ວປັນຍາເຂົ້າຮ່ວມພິທີ 150ຄົນ ເຊີ່ງພິທີດັ່ງກ່າວໄດ້ຈັດຂຶ້ນທີ່ຫ້ອງປະຊຸມ ໂຮງຮຽນແກ້ວປັນຍາ ແລະ ຈະກ້າເບ້ຍໃບໄມ້ໄຜ່ ໃຫ້ໄດ້ປະມານ20.000ເບ້ຍ ເພຶ່ອຈະນໍາໄປປູກໃນແຜ່ນດິນທົ່ວແຂວງຫົວພັນ ເພຶ່ອນໍາເອົາໃບສົ່ງຂາຍອອກຕ່າງປະເທດ.

Lao Digital Week: Startup Lao Competition 2024 ? ຕຽມພົບກັບການແຂ່ງຂັນ startup ລາວໃນເວທີ ສັບປະດາດີຈິຕອນ Lao Digital Week 2024 ທີ່ເປັນງານຮວບຮວມສະຕາດອັບ ແລະ ເຕັກໂນໂລຊີທີ່ໃຫຍ່ທີ່ສຸດໃນລາວ. Startup Lao Competition 2024 ແມ່ນເວທີການແຂ່ງຂັນ Startup ລາວ ພາຍໃນ ສັບປະດາດິຈິຕອນ ປະຈໍາປີ ທີ່ແນ່ໃສ່ໄອເດຍທຸລະກິດ ທາງດ້ານນະວັດຕະກໍາ ແລະ ຄວາມຍືນຍົງ ບົນພື່ນຖານທ່າແຮງ ຂອງປະເທດ ແລະ ພາກພື້ນ. ເຊິ່ງປີນີ້ຈະໄດ້ຈັດຂຶ້ນເປັນປີທໍາອິດ ພາຍໃຕ້ຫົວຂໍ້ “ການຫັນເປັນດິຈິຕອນ ເພື່ອຫັ່ນປ່ຽນ ການພັດທະນາ ເສດຖະກິດ-ສັງຄົມ ໄປສູ່ຄຸນະພາບໃໝ່ ແລະ ເພີ່ມທະວີການເຊື່ອມຈອດຢ່າງແຂງແຮງ”. ເງື່ອນໄຂການສະໝັກ: ? ຜູ້ປະກອບການທີ່ມີອາຍຸລະຫວ່າງ15-35 ປີ ? ບຸກຄົນ ຫຼື ທີມ (ສະມາຊິກທີມລະ 2 - 4 ຄົນ) ? ຕ້ອງມີ Business Model Canvas (BMC) ແລະ Pitch Deck ? ມີຄວາມກະຕືລືລົ້ນຈະເປັນຕົວແທນstartupລາວໃນເວທີສາກົນ ຂະແໜງການທີ່ Startup Lao 2024 ສະໜັບສະໜູນ ປະກອບມີ: ⭕️Lao Sustainable Business ⭕️Lao E-commerce startup ⭕️Lao Edtech startup ⭕️ Lao Logistics startup ⭕️ Lao E-Tourism startup ⭕️ Lao GenAI startup ແລະ ອື່ນໆ ງານແຂ່ງຂັນດັ່ງກ່າວແມ່ນຈັດຂຶ້ນໂດຍການຮ່ວມມືລະຫວ່າງສູນສົ່ງເສີມແລະຖ່າຍທອດເຕັກໂນໂລຊີ ແລະ ບໍລິສັດ XM Technovator ເພື່ອເຝັ້ນຫາບໍລິສັດ startup ລາວໃນການເປັນຕົວແທນປະເທດ ເຮົາຮ່ວມໂຄງການບົ່ມເພາະມຸລະກິດ ແລະ ງານແຂ່ງຂັນ ຂອງພາກພື້ນ ແລະ ສາກົນ. ຖ້າຫາກໃຜມີໄອເດຍສະຕາດອັບເດັດໆ ແລະ ຢາກທ້າທາຍຢາກເຂົ້າຮ່ວມເປັນຕົວແທນປະເທດລາວ ສະໝັກມາເລີຍກັບ Startup Lao Competition 2024 ? ສາມາດສະແກນ QR code ເພື່ອລົງທະບຽນ ຫຼື ກົດເຂົ້າລິ້ງສະໝັກລຸ່ມຄອມເມັ້ນໄດ້ເລີຍ. ປິດຮັບສະໝັກວັນທີ 31/12/2023 ແລະ ປະກາດຜົນຜູ້ໄດ້ຜ່ານເຂົ້າຮອບສຸດທ້າຍວັນທີ 5 ມັງກອນ 2024. ມາຮ່ວມແຂ່ງ, ຮ່ວມເຊີຍທີມທີ່ທ່ານມັກໄດ້ໃນງານ Lao Digital Week - Startup Lao Competition 2024 ໄດ້ໃນວັນທີ 13-14 ມັງກອນ 2024 ທີ່ຫໍປະຊຸມແຫ່ງຊາດ LNCC! ແລ້ວພົບກັນ! #laodigitalweek2024 #StartupLaoCompetition2024 #TPTC #XMTechnovator #kidhod #ຄິດຮອດ

ສະພາການຄ້າ ແລະ ອຸດສາຫະກຳ ແຂວງຫໄວພັນ(ສຄອ) ຂໍສະແດງຄວາມຊົມເຊີຍມາຍັງທ່ານ ອັງແຕນ ໄຊສົມພອນ ປະທານທີ່ປຶກສາ ສຄອ ແຂວງຫົວພັນ, ອຳນວຍການບໍລິສັດ ສັນຕິວຽງທອງ ທີ່ໄດ້ເປັນຕົວແທນ ສຄອ ແຂວງເຂົ້າຮ່ວມງານປະກາດຮັບຮອງເມືອງຮ້ຽມ ເປັນເມືອງປະຕິບັດຂະບວນການສ້າງຄອບຄົວແລະບ້ານສາມັກຄີປອງດອງແນວລາວສ້າງຊາດ.

ຫົວເຫວີຍ ໄດ້ເປີດຕົວຮ່ວມມືກັບ ITU ສ້າງຄວາມກ້າວໜ້າໃນການຮວບຮວມເອົາດິຈິຕອນເຊື່ອມຕໍ່ກັນພາຍໃຕ້ຂໍ້ຜູກພັນຂອງຫົວເຫວີຍທີ່ມີຕໍ່ພັນທະມິດ -------------------------------- ໃນວັນທີ 21 ພະຈິກ 2023 ຜ່ານມາ, ທີ່ຕົງກວນ ສປ. ຈີນ ບໍລິສັດຫົວເຫວີຍ ໄດ້ປະກາດວ່າໄດ້ນຳການເຊື່ອມຕໍ່ມາໃຫ້ກັບຜູ້ຄົນຈຳນວນ 90 ລ້ານຄົນທີ່ອາໄສຢູ່ໃນເຂດຫາງໄກສອກຫຼີກຢູ່ເກືອບ 80 ປະເທດຕາມຂໍ້ຜູກພັນຕໍ່ແນວຮ່ວມດິຈິຕອນ Partner2Connect (P2C) ຂອງສະຫະພັນໂທລະຄົມມະນາຄົມສາກົນ (ITU) ການປະກາດດັ່ງກ່າວໄດ້ຈັດຂຶ້ນເປັນສ່ວນໜຶ່ງຂອງບົດລາຍງານຄວາມຄືບໜ້າຄັ້ງທຳອິດຂອງຫົວເຫວີຍນັບຕັ້ງແຕ່ໄດ້ເຂົ້າຮ່ວມແນວຮ່ວມມືໃນປີຜ່ານມານີ້. : ດຣ. ຫຼຽງ ຮວາ (Dr. Liang Hua), ປະທານສະພາບໍລິຫານຂອງ ບໍລິສັດຫົວເຫວີຍ ໄດ້ຖະແຫຼງການໃນການປະຊຸມຄວາມຍືນຍົງປະຈຳປີ 2023 ຂອງບໍລິສັດ ໃນຫົວຂໍ້ “ເຕີບໂຕໄປດ້ວຍເຕັກໂນໂລຊີ: ບັນລຸການພັດທະນາແບບຍືນຍົງ.” ໂອກາດດັ່ງກ່າວຍັງໄດ້ນຳເອົາ ທ່ານ ດໍລີນ ບອງດານ-ມາຕິນ (Doreen Bogdan-Martin), ເລຂາທິການໃຫຍ່ຂອງ ITU; ທ່ານ ເຈບຟີ້ ຊັສ (Jeffrey Sachs), ປະທານເຄືອຂ່າຍການແກ້ໄຂບັນຫາການພັດທະນາແບບຍືນຍົງຂອງສະຫະປະຊາຊາດ ແລະ ກຳມາທິການຂອງຄະນະກໍາມະການບຣອດແບນດ໌ແຫ່ງສະຫະປະຊາຊາດເພື່ອການພັດທະນາຕະຫຼອດຮອດຕົວແທນຈາກກະຊວງໂທລະຄົມ ແລະ ລະບຽບການ, ລວມທັງບາງສ່ວນຈາກປາກິສຖານ ແລະ ການາພ ພ້ອມບັນດາຜູ້ເຂົ້າຮ່ວມໄດ້ຄົ້ນພົບຮຽນຮູ້ກ່ຽວກັບພື້ນຖານໂຄງລ່າງດິຈິຕອນສາມາດຊຸກຍູ້ການພັດທະນາແບບຍືນຍົງໄດ້ດີກວ່າ ແລະ ຊ່ວຍສ້າງໂລກອັດສະລິຍະທີ່ເປັນມິດຕໍ່ສິ່ງແວດລ້ອມ ແລະ ຄວບຄຸມຫຼາຍຂຶ້ນ. ທີ່ມາ: ບໍລິສັດ ຫົວເຫວີຍເຕັກໂນໂລຊີ(ລາວ)

ກຽມພົບກັບ ງານສັບປະດາດິຈິຕອນ 2024 (Digital Week) ທີ່ຈະມາເຖິງໃນເດືອນມັງກອນ 2024 ນີ້ ------------------------------------ ງານສັບປະດາດິຈິຕອນ 2024 (Digital Week) ຈະຈັດຂຶ້ນໃນລະຫວ່າງວັນທີ 10-14 ມັງກອນ 2024, ທີ່ ຫໍປະຊຸມແຫ່ງຊາດ, ນະຄອນຫຼວງງວຽງຈັນ, ພາຍໃຕ້ ຄໍາຂວັນ: “ຫັນເປັນດິຈິຕອນ ເພື່ອຫັນປ່ຽນ ການພັດທະນາເສດຖະກິດ-ສັງຄົມ ໄປສູ່ຄຸນນະພາບໃໝ່ ແລະ ເພີ່ມທະວີການເຊື່ອມຈອດຢ່າງແຂງແຮງ” ຫຼື ເປັນພາສາອັງກິດ ແມ່ນ “Digital Transformation towards the Greater Socio-Economy Development and Resilient Connectivity” ຊຶ່ງມີຈຸດປະສົງເພື່ອໂຄສະນາເຜີຍແຜ່ ແລະ ສ້າງຈິດສໍານຶກໃຫ້ທົ່ວສັງຄົມ ມີຄວາມຮັບຮູ້ ແລະ ເຂົ້າໃຈ ກ່ຽວກັບ ການຫັນເປັນອຸດສາຫະກໍາທັນສະໄໝ ແລະ ພັດທະນາເສດຖະກິດດິຈິຕອນ ຂອງ ສປປ ລາວ; ເພື່ອສົ່ງເສີມການນໍາໃຊ້ ເຕັກໂນໂລຊີນະວັດຕະກຳ, ເຕັກໂນໂລຊີການສື່ສານຂໍ້ມູນຂ່າວສານ (ICT), ໂທລະຄົມມະນາຄົມ ແລະ ດິຈິຕອນທີ່ທັນສະໄໝ ເຂົ້າໃນທຸກຂະແໜງການພັດທະນາເສດຖະກິດ-ສັງຄົມ ແຕ່ສູນກາງລົງຮອດທ້ອງຖິ່ນ; ເພື່ອຊຸກຍູ້ຂະບວນການຜະລິດສິນຄ້າ, ການບໍລິການ ໃຫ້ກາຍເປັນຜະລິດຕະພັນທີ່ມີຄວາມຫຼາກຫຼາຍສ້າງມູນຄ່າເພີ່ມ, ສາມາດແຂ່ງຂັນ ໃນຕະຫຼາດພາຍໃນ ແລະ ຕ່າງປະເທດ ແລະ ເພື່ອຄັດເລືອກເອົາຜະລິດຕະພັນໄອຊີທີ ແລະ ດິຈິຕອນ ຂອງ ສປປ ລາວ ເຂົ້າຮ່ວມ ແຂ່ງຂັນໃນລະດັບເວທີ ອາຊຽນ ແລະ ສາກົນ ເປັນຕົ້ນແມ່ນການແຂ່ງຂັນ ASEAN ICT Award 2024.

ມາທ່ຽວແຂວງຫົວພັນກັນເນີ welcome to Xamnuea ດ້ວຍການເດີນທາງແບບວ່ອງໄວ ສະດວກສະບາຍ ປະຍັດເວລາ "ສາຍການບິນໃຫມ່ ຊໍາເຫນືອ-ວຽງ-ຊໍາເຫນືອ" lao Airlines ຝາກກົດໄລ້ ກົດແຊຮ ແນ່ເດີ ຂໍຂອບໃຈ ຂໍອະນຸຍາດເຈົ້າຂອງຮູບພາບແດ່ເນີ້ #laoairline #nongkhangairport #samneu #LaoAirlines #ທັກຈ່ອງປີ້ #ຊໍາເຫນືອ

ນາງ ຈິດຕະພອນ ຄໍາທະວົງພອນ ເລຂາທິການສະພາການຄ້າ ແລະ ອຸດສາຫະກຳ ແຂວງຫົວພັນ ເປັນຜູ້ຕ່າງໜ້າເຂົ້າຮ່ວມເປັນຄະນະກຳມະການ ໃນການຄັດເລືອກແຜນທຸລະກິດໄວໜຸ່ມAGEE3 ຫົວພັນ ສໍາລັບການສົ່ງເສີມຊາວໜຸ່ມແຂວງຫົວພັນ ຂອງໂຄງການບໍລິການ-ສົ່ງເສີມກະສິກຳຮອບດ້ານ LURUS ເຊີ່ງໄດ້ຈັດກອງປະຊຸມຢູ່ທີ່ສູນພັດທະນາຊາວໜຸ່ມ ແຂວງຫົວພັນ.

ສໍາມະນາການສໍາຫຼວດ ແລະ ສຶກສາຄວາມພ້ອມ ໃນການພັດທະນາລະບົບຢັ້ງຢືນຕົວຕົນດິຈິຕອນ ຢູ່ ສປປ ລາວ ------------------------------------------------- ໃນອາທິດຜ່ານມານີ້, ສູນບໍລິຫານລັດດິຈິຕອນ, ກະຊວງເຕັກໂນໂລຊີ ແລະ ການສື່ສານ (ກຕສ) ແລະ ບໍລິສັດ Ryobi Lao ໄດ້ຮ່ວມກັນຈັດກອງປະຊຸມສໍາມະນາ ການສໍາຫຼວດ ແລະ ສຶກສາຄວາມພ້ອມໃນການພັດທະນາລະບົບຢັ້ງຢືນຕົວຕົນດິຈິຕອນ (Digital ID) ຢູ່ ສປປ ລາວ ໂດຍການເປັນປະທານຂອງທ່ານ ນາງ ວັນນະພາ ພົມມະທັນສີ, ຮອງຫົວໜ້າສູນບໍລິຫານລັດ ດິຈິຕອນ, ຊຶ່ງມີຜູ້ຕາງໜ້າຈາກບັນດາກະຊວງ/ທຽບເທົ່າ ແລະ ບັນດາກົມອ້ອມຂ້າງ ກຕສ ເຂົ້າຮ່ວມທັງໝົດ ຈຳນວນ 30 ກວ່າທ່ານ. : ຈຸດປະສົງຂອງກອງປະຊຸມແມ່ນເພື່ອສ້າງຄວາມເຂົ້າໃຈໃຫ້ກັບບັນດາກະຊວງໃນການເກັບກຳຂໍ້ມູນຕ່າງໆ ທີ່ກ່ຽວຂ້ອງກັບການບໍລິການຂອງບັນດາກະຊວງ ເພື່ອນຳເອົາຂໍ້ມູນມາສຶກສາ, ປະເມີນ ແລະ ສ້າງບົດລາຍງານການປະເມີນຄວາມພ້ອມ (ໂດຍສະເພາະຄວາມພ້ອມທາງດ້ານ ນິຕິກໍາ, ລະບົບເຕັກນິກ, ມາດຕະຖານ ແລະ ບຸກຄະລາກອນ) ຂອງແຕ່ລະຂະແໜງການໃນການພັດທະນາລະບົບ Digital ID ຢູ່ ສປປ ລາວ ໃນອະນາຄົດ. : ກອງປະຊຸມຄັ້ງນີ້ ຖືເປັນກອງປະຊຸມໜຶ່ງທີ່ມີຄວາມໝາຍຄວາມສຳຄັນໃນການຊຸກຍູ້ການຫັນເປັນດິຈິຕອນ ຂອງ ສປປ ລາວ ແລະ ທັງເປັນການຈັດຕັ້ງຜັນຂະຫຍາຍຍຸດທະສາດໃນການຫັນເປັນດິຈິຕອນ ກໍຄືວິໄສທັດການພັດທະນາເສດຖະກິດດິຈິຕອນ ແຫ່ງຊາດ ໄລຍະ 20 ປີ (2021-2040), ຍຸດທະສາດການພັດທະນາເສດຖະກິດ ດິຈິຕອນ ແຫ່ງຊາດ ໄລຍະ 10 ປີ (2021-2030) ແລະ ແຜນພັດທະນາ ເສດຖະກິດດິຈິຕອນ ແຫ່ງຊາດ ໄລຍະ 5 ປີ (2021-2025) ແນໃສ່ເພື່ອການກ້າວເຂົ້າສູ່ການຫັນເປັນລັດຖະບານດິຈິຕອນ, ສັງຄົມດິຈິຕອນ ແລະ ເສດຖະກິດດິຈິຕອນ ຂອງ ສປປ ລາວ. : ການຈັດຕັ້ງປະຕິບັດແຜນງານດັ່ງກ່າວນີ້ ແມ່ນການຮ່ວມມືລະຫວ່າງ ກະຊວງ ເຕັກໂນໂລຊີ ແລະ ການສື່ສານ ສປປ ລາວ ແລະ ກະຊວງ ພາຍໃນ ແລະ ການສື່ສານ ຂອງປະເທດຍີ່ປຸ່ນ ໃນການດຳເນີນການສຶກສາ ແຜນພັດທະນາລະບົບ Digital ID ຢູ່ ສປປ ລາວ ໂດຍຜ່ານການປະຕິບັດຕົວຈິງຂອງ ບໍລິສັດ Ryobi Lao, ບໍລິສັດ Ryobi System ຍິປຸ່ນ ແລະ ບໍລິສັດ ເຕັກໂນໂລຊີ ຂອງປະເທດ ຍິປຸ່ນ ຈຳນວນໜຶ່ງ. ---------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ປະສົບການບໍ່ມີໃຜຊື້ໄດ້ ແລະ ບໍ່ມີບ່ອນໃດຂາຍ ?

ພະນັກງານ-ລັດຖະກອນ ພາຍໃນ ກະຊວງເຕັກໂນໂລຊີ ແລະ ການສື່ສານ ປະກອບສ່ວນບໍລິຈາກເລືອດເພື່ອຊ່ວຍຄົນເຈັບທີ່ຕ້ອງການເລືອດ ---------------------------- ໃນຕອນເຊົ້າຂອງວັນທີ 05 ຕຸລາ 2023 ນີ້, ທີ່ຫ້ອງປະຊຸມໃຫຍ່ ຊັ້ນ 05 ຂອງ ກະຊວງເຕັກໂນໂລຊີ ແລະ ການສື່ສານ (ເຂດສີສະເກດ), ພະນັກງານ-ລັດຖະກອນ ພາຍໃນ ກະຊວງເຕັກໂນໂລຊີ ແລະ ການສື່ສານ ໄດ້ຮ່ວມໃຈກັນປະກອບສ່ວນບໍລິຈາກເລືອດເຂົ້າໃນການປິ່ນປົວຄົນເຈັບທີ່ຕ້ອງການເລືອດ ເພື່ອຊ່ວຍຊີວິດ ແລະ ຊ່ວຍເຫຼືອສັງຄົມ. ຊຶ່ງເຂົ້າຮ່ວມບໍລິຈາກເລືອດໃນຄັ້ງນີ້ມີພະນັກງານ-ລັດຖະກອນທີ່ມາຈາກ ຫ້ອງການ, ກົມ, ສູນ, ສະຖາບັນ, ອົງການ ພາຍໃນ ກະຊວງເຕັກໂນໂລຊີ ແລະ ການສື່ສານ ຈໍານວນທັງໝົດເກືອບ 20 ທ່ານ. . . ອີງຕາມຂໍ້ມູນຂອງ ສະຖາບັນເລືອດແຫ່ງຊາດ, ອົງການກາແດງແຫ່ງຊາດລາວ ໃຫ້ຮູ້ວ່າ: ປັດຈຸບັນ ຄວາມຕ້ອງການນໍາໃຊ້ເລືອດເຂົ້າໃນການປິ່ນປົວຄົນເຈັບຢູ່ຕາມໂຮງໝໍຕ່າງໆເຫັນວ່າມີຄວາມຕ້ອງການສູງພໍສົມຄວນໃນແຕ່ລະວັນ ໂດຍສະເພາະແມ່ນຄົນເຈັບ: ພະຍາດເລືອດຈາງຍ້ອນກໍາມະພັນ, ຟອກໄຂ່ຫຼັງ, ໄຂ້ຍຸງລາຍ, ເສຍເລືອດຍ້ອນການເກີດລູກ, ຖືພານອກພົກ, ມະເຮັງເມັດເລືອດຂາວ, ມະເຮັງອື່ນໆ ແລະ ອີກຫຼາຍພະຍາດທີ່ຈໍາເປັນໃຊ້ເລືອດຊ່ວຍຊີວິດ. ໃນນາມສະຖາບັນເລືອດແຫ່ງຊາດ ເປັນກອງເລຂາຄະນະກໍາມະການບໍລິຈາກເລືອດ-ສົ່ງເລືອດແຫ່ງຊາດ ຈຶ່ງໄດ້ລະດົມການບໍລິຈາກເລືອດທຸກພາກສ່ວນຂອງສັງຄົມ ເພື່ອຕອບສະໜອງເລືອດໃຫ້ພຽງພໍ, ປອດໄພ ແລະ ທັນເວລາ ແກ່ການກອບກູ້ຊີວິດຄົນເຈັບ. ພາບ-ຂ່າວ: ພຸດດາວອນ ---------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la