‼️ເຕືອນໄພ ! ລະວັງຕົກເປັນເຫຍື່ອຂອງມິດສາຊີບ ‼️ ❌ຫ້າມກົດ ຫຼື ເຂົ້າໄປຕື່ມຂໍ້ມູນລິ້ງດັ່ງກ່າວນີ້ເດັດຂາດ❌ ⚠️ ທາງທະນາຄານການຄ້າຕ່າງປະເທດລາວ ມະຫາຊົນ ຂໍແຈ້ງໃຫ້ຊາບວ່າ ປັດຈຸບັນ ໄດ້ມີບຸກຄົນບໍ່ຫວັງດີແອບອ້າງສ້າງລິ້ງປອມລໍ້ລ່ວງແຈກເງິນລາງວັນ ເພື່ອໃຫ້ຄົນເຂົ້າໄປ ຕື່ມຂໍ້ມູນ. ພວກເຮົາຂໍຢືນຢັນວ່າ ທາງທະນາຄານການຄ້າຕ່າງປະເທດລາວ ມະຫາຊົນ ບໍ່ໄດ້ຈັດ ຫຼື ມີສ່ວນກ່ຽວຂ້ອງໃດໆກັບກິດຈະກຳດັ່ງກ່າວນີ້ ແລະ ຂໍໃຫ້ພວກທ່ານ ຢ່າຫຼົງເຊື່ອເດັດຂາດ. ⚠️ ຮູບແບບການລໍ້ລວງແມ່ນທ່ານອາດຈະໄດ້ຮັບລິ້ງຜ່ານ WhatsApp, Messenger ຫຼື Line, ເຊິ່ງທ່ານຕ້ອງແຊຣ໌ລົງກຸ່ມ ຫຼື ໃຫ້ໝູ່ ພ້ອມຕອບຄຳຖາມເພື່ອຮັບລາງວັນເງິນສົດ. ຖ້າໃນກໍລະນີ ທ່ານ ພົບເຫັນ ຫຼື ໄດ້ຮັບຂໍ້ຄວາມຮູບແບບນີ້, ກະລຸນາບໍ່ກົດເຂົ້າ, ແຊຣ໌ ຫລື ສົ່ງຕໍ່ ເພາະລິ້ງເວັບໄຊ້ ດັ່ງກ່າວເປັນລິ້ງ "SCAM" ເຊິ່ງອາດລໍ້ລວງເອົາຂໍ້ມູນສ່ວນໂຕຂອງທ່ານ ເພື່ອນຳໄປໃຊ້ໃນທາງເສຍຫາຍໄດ້. ☎️ຖ້າຫາກທ່ານພົບເຫັນຂໍ້ມູນໃນຮູບແບບລັກສະນະດັ່ງກ່າວ ທ່ານສາມາດໂທແຈ້ງເບີສາຍດ່ວນ 1555 ໄດ້ເລີຍ.