ມື້ທີ 3 ຕອນແລງ ວັນທີ 4 ສິງຫາ 2023 ທ່ານ ປອ ສົມສັກ ຈັນມາລີ ຕ່າງໜ້າຄະນປະຈຳສະພາ ປະຊາຊົນແຂວງ ແລະ ທ່ານ ຄຳຟອງ ກົ້ວມີໄຊ ກຳມະການຄະນະປະຈຳ, ຫົວໜ້າກອງເລຂາ, ເລຂາທິການ ສະພາປະຊາຊົນແຂວງ ໄດ້ຂຶ້ນຜ່ານ ຮ່າງມະຕິ ຈຳນວນ 5 ສະບັບຄື: 1. ຮ່າງມະຕິ ວ່າດ້ວຍການຮັບຮອງເອົາ ການຈັດຕັ້ງປະຕິບັດ ກາງສະໄໝ (2021-2023) ແລະ ທິດທາງແຜນການ ທ້າຍສະໄໝ (2023-2025), ຂອງອົງການໄອຍະການປະຊາຊົນ ແຂວງຫົວພັນ; 2.ຮ່າງມະຕິ ວ່າດ້ວຍການຮັບຮອງເອົາ ການຈັດຕັ້ງປະຕິບັດ ກາງສະໄໝ (2021-2023) ແລະ ທິດທາງແຜນການ ທ້າຍສະໄໝ (2023-2025) ຂອງສານປະຊາຊົນ ແຂວງຫົວພັນ; 3. ຮ່າງມະຕິ ວ່າດ້ວຍການຮັບຮອງເອົາການຈັດຕັ້ງປະຕິບັດວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນ ທ້າຍປີ 2023 ຂອງອົງການໄອຍະການປະຊາຊົນແຂວງ ແລະ ສານປະຊາຊົນ ແຂວງຫົວພັນ; 4. ຮ່າງມະຕິ ວ່າດ້ວຍການຮັບຮອງເອົາ ການຈັດຕັ້ງປະຕິບັດ ກາງສະໄໝ (2021-2023) ແລະ ທິດທາງແຜນການ ທ້າຍສະໄໝ (2023-2025) ຂອງສະພາປະຊາຊົນ ແຂວງຫົວພັນ; 5. ຮ່າງມະຕິ ວ່າດ້ວຍການຮັບຮອງເອົາການຈັດຕັ້ງປະຕິບັດວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນ ທ້າຍປີ 2023 ຂອງສະພາປະຊາຊົນ ແຂວງຫົວພັນ; ຈາກນັ້ນ, ບັນດາທ່ານ ສສຂ ກໍໄດ້ພ້ອມກັນລົງຄະແນນສຽງ ຮັບຮອງເອົາ ບັນດາຮ່າງມະຕິດັ່ງກ່າວ ດ້ວຍຄະແນນສຽງເຫັນດີເປັນສ່ວນຫຼາຍ.

ຕ່ອນບ່າຍ ວັນທີ 4 ສິງຫາ 2023ນີ້ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ8 , ສະມາຊິກສະພາປະຊາຊົນ ແຂວງຫົວພັນ ຊຸດທີ II ພ້ອມດ້ວຍ ຄະນະປະຈຳພັກແຂວງ, ແລະ ບັນດາທ່ານເຈົ້າເມືອງ ວາງກະຕ່າດອກໄມ້ ຢູ່ຮູ່ຫຼໍ່ ປະທານ ໄກສອນ ພົມວິຫານ ຜູ້ນຳທີ່ແສນເຄົາລົາຮັກ ຂອງປະຊາຊົນລາວບັນດາເຜົ່າ ເນື້ອງໃນ ໂອກາດ ວັນສ້າງຕັ້ງ ສະພາປະຊາຊົນຂັ້ນແຂວງ ຄົບຮອບ 45 ປີ ( 4 ສິງຫາ 1978 - 4 ສິງຫາ 2023) ແລະ ເພື່ອຂໍ່ານັບຮັບຕ້ອນ ວັນສ້າງຕັ້ງລັດຖະທຳມະນູນ ແຫ່ງ ສປປລາວ ຄົບຮອບ 32ປີ ( 15 ສິງຫາ 1991 - 15 ສິງຫາ 2023).

# ມື້ທີ່3 ຕອນແລງ ວາລະຕອນແລງ ທ່ານ ສົມສັກ ດອນຈານິດ ກຳມະການພັກແຂວງ, ຮອງປະທານ ສະພາປະຊາຊົນແຂວງ ຕາງໜ້າ ຄະນະປະຈຳ ສພຂ ໄດ້ຂຶ້ນຜ່ານຮ່າງບົດລາຍງານກ່ຽວກັບການຈັດຕັ້ງປະຕິບັດ ກາງສະໄໝ (2021-2023) ແລະ ທິດທາງແຜນການທ້າຍສະໄໝ (2023-2025),ວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນ ທ້າຍປີ 2023 ຂອງສະພາປະຊາຊົນ ແຂວງຫົວພັນ. ຈາກນັ້ນ, ບັນດາທ່ານ ສະມາຊິກສະພາປະຊາຊົນ ແຂວງຫົວພັນ ຊຸດທີ II ຂຶ້ນມີຄຳເຫັນ ແລະ ຄຳຊັກຖາມ ຕໍ່ກັບຮ່າງບົດລາຍງານ ເຊັ່ນ ການລົງພົບປະປະຊາຊົນ ໂດຍສະເພາະ ບ້ານທີ່ຢູ່ຫ່າງໄກ ສອກຫຼີກບໍໍ່ບັນລຸຕາມເປົ້າໝາຍທີ່ວາງໄວ້, ການເຜີຍແຜ່ກົດໝາຍຍັງເຮັດໄດ້ໜ້ອຍ ພ້ອມດຽວກັນນີ້, ທ່ານ ສົມສັກ ດອນຈານິດ ກຳມະການພັກແຂວງ, ຮອງປະທານ ສະພາປະຊາຊົນແຂວງ ຕາງໜ້າ ຄະນະປະຈຳ ສພຂ ໄດ້ຂຶ້ນຊີ້ແຈງ ຕໍ່ກັບຄຳຄິດເຫັນ ແລະ ຄຳຊັກຖາມດັ່ງກ່າວ ຂອງບັນດາທ່ານຜູ້ແທນອີກດ້ວຍ.

ຟັງເພັງ...

ເທັກນິກການເພີ່ມແຮງດັ່ນນ້ຳ...

ພະນັກງານ ກຕສ ເຂົ້າຢ້ຽມຊົມອະນຸສອນສະຖານຂອງປະທານ ສຸພານຸວົງ ----------------------------------------------------- ໃນຕອນເຊົ້າຂອງວັນທີ 03 ສິງຫາ 2023 ນີ້, ກະຊວງເຕັກໂນໂລຊີ ແລະ ການສື່ສານ (ກຕສ) ໄດ້ເດີນທາງໄປເຂົ້າຢ້ຽມຊົມອະນຸສອນສະຖານປະທານ ສຸພານຸວົງ ແລະ ຮັບຟັງມູນເຊື້ອປະຫວັດຄວາມເປັນມາຂອງທ່ານ ຊຶ່ງນຳພາໂດຍທ່ານ ປອ ສັນຕິສຸກ ສິມມາລາວົງ, ຮອງເລຂາຄະນະພັກ, ຮອງລັດຖະມົນຕີ ກະຊວງ ເຕັກໂນໂລຊີ ແລະການສື່ສານ ພ້ອມດ້ວຍຄະນະພັກ, ຄະນະກົມ, ຄະນະພະແນກ, ພະນັກງານລັດຖະກອນ ແລະ ຄະນະພັກຮາກຖານບໍລິສັດ ອ້ອມຂ້າງກະຊວງ ເນື່ອງໃນໂອກາດລະນຶກວັນຄ້າຍວັນເກີດປະທານ ສຸພານຸວົງ ຄົບຮອບ 114 ປີ (13 ກໍລະກົດ 1909 – 13 ກໍລະກົດ 2023). : ການເຂົ້າຢ້ຽມຊົມໃນຄັ້ງນີ້ ກໍເພື່ອເປັນການລະນຶກເຖິງຄຸນຄວາມຄວາມດີ ແລະ ປູກຈິດສໍານຶກໃຫ້ແກ່ ສະມາຊິກພັກ ແລະ ພະນັກງານ-ລັດຖະກອນ ໄດ້ຮັບຮູ້ເຖິງຜົນງານການເຄື່ອນໄຫວຂອງທ່ານຜູ້ນໍາ ໃນການປະຕິວັດຕໍ່ສູ້ກູ້ຊາດ ແລະ ມູນເຊື້ອອັນດີງາມຂອງທ່ານ ທັງເປັນການສຶກສາຮ່ຳຮຽນເອົາຄຸນສົມບັດ ສິນທໍາປະຕິວັດ ແລະ ແບບແຜນການດໍາລົງຊີວິດ ເປັນແບບຢ່າງໃນການບຸກບືນຫ້າວຫັນ ຕັ້ງໜ້າຝຶກຝົນຫຼໍ່ຫຼອມ ແລະ ພັດທະນາຕົນເອງໃນທຸກດ້ານໃຫ້ສົມກັບເປັນແຂວນຂວາຂອງພັກ ເປັນກະດູກສັນຫຼັງຂອງຊາດ ນຳເອົາຜົນງານ ແບບແຜນວິທີການເຮັດວຽກຂອງທ່ານ ມາຜັນຂະຫຍາຍ ແລະ ນໍາໃຊ້ເຂົ້າໃນການຈັດຕັ້ງປະຕິບັດວຽກງານຕົວຈິງຂອງຕົນໃຫ້ໄດ້ຮັບຜົນປະໂຫຍດສູງສຸດ. ------------------------------------- ອ່ານຂ່າວ ແລະ ຄົ້ນຫາຂໍ້ມູນກ່ຽວກັບ ກະຊວງເຕັກໂນໂລຊີ ແລະ ການສື່ສານ ໄດ້ທີ່: http://mtc.gov.la http://mtccabinet.gov.la

ປະກາດ??? ---------------------------------------------- ຂໍເຊີນບັນດາບໍລິສັດ ໄອທີ ຂອງລາວ ເຂົ້າຮ່ວມງານວາງສະແດງຢູ່ ສ. ເກົາຫຼີ ສໍາລັບລາຍລະອຽດ ແລະ ເງື່ອນໄຂ ສາມາດເບິ່ງໄດ້ດັ່ງລຸ່ມນີ້: ??

ກຕສ ຈັດເຜີຍແຜ່ມະຕິກອງປະຊຸມຄົບຄະນະບໍລິຫານງານສູນກາງພັກຄັ້ງທີ 6 ສະໄໝທີ XI ຂອງພັກ, ຜົນສຳເລັດກອງປະຊຸມຄົບຄະນະກາງສະໄໝ ຂອງຄະນະບໍລິຫານງານພັກ ກະຊວງ ເຕັກໂນໂລຊີ ແລະ ການສື່ສານ ສະໄໝທີ II ແລະ ປະກາດການຈັດຕັ້ງ ------------------------------------ ກະຊວງເຕັກໂນໂລຊີ ແລະ ການສື່ສານ ໄດ້ຈັດກອງປະຊຸມເຜີຍແຜ່ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 6 ສະໄໝທີ XI ຂອງພັກ, ຜົນສຳເລັດກອງປະຊຸມຄົບຄະນະກາງສະໄໝ ຂອງຄະນະບໍລິຫານງານພັກ ກະຊວງ ເຕັກໂນໂລຊີ ແລະ ການສື່ສານ ສະໄໝທີ II ແລະ ປະກາດການຈັດຕັ້ງ ໃນຕອນບ່າຍຂອງວັນທີ 02 ສິງຫາ 2023, ທີ່ຫ້ອງປະຊຸມໃຫຍ່ ກະຊວງເຕັກໂນໂລຊີ ແລະ ການສື່ສານ(ເຂດຫຼັກ 14 ດອນຕິ້ວ) ໂດຍໃຫ້ກຽດເປັນປະທານຂອງທ່ານ ບັນດິດ ສຈ. ບໍ່ວຽງຄຳ ວົງດາລາ, ກຳມະການສູນກາງພັກ, ເລຂາຄະນະພັກ, ລັດຖະມົນຕີ ກະຊວງເຕັກໂນໂລຊີ ແລະ ການສື່ສານ, ມີທ່ານ ປອ. ສັນຕິສຸກ ສິມມາລາວົງ, ຮອງເລຂາຄະນະພັກ, ມີບັນດາຄະນະປະຈຳພັກ, ກຳມະການຄະນະພັກ, ຄະນະໜ່ວຍພັກຂອງບັນດາກົມ/ທຽບເທົ່າ, ຄະນະອຳນວຍການ ແລະ ສະມາຊິກພັກພະນັກງານຫຼັກແຫຼ່ງທົ່ວກະຊວງເຂົ້າຮ່ວມ.

ສຳມະນາແລກປ່ຽນບົດຮຽນກ່ຽວກັບ ການຫັນເປັນລັດຖະບານດິຈິຕອນ ຢູ່ ສ.ເກົາຫຼີ ແລະ ຢູ່ ສປປ ລາວ ຮ່ວມກັບກຸ່ມ ບໍລິສັດ ໂຄລາວ ----------------------------------------------------- ເພື່ອກ້າວເຂົ້າສູ່ ການຫັນເປັນລັດຖະບານທັນສະໄໝໃນຍຸກ 4.0, ລັດຖະບານ ໄດ້ມີການລິເລິ່ມ ການນໍາເອົາເຕັກໂນໂລຊີດິຈິຕອນ ເຂົ້າມາປະຍຸກນໍາໃຊ້ໃນບັນດາຂົງເຂດວຽກງານຕ່າງໆ ເພື່ອຊ່ວຍໃນການຊຸກຍູ້ ການພັດທະນາເສດຖະກິດ ແລະ ສັງຄົມ ກໍຄືການພັດທະນາປະເທດຊາດ ໃນໄລຍະໄໝ່. ລັດຖະບານໄດ້ໃຫ້ຄວາມສໍາຄັນ ໃນການຫັນເປັນດິຈິຕອນ ໂດຍ ໄດ້ກໍານົດ ສາມເສົາເຄົ້າ ໃນການຫັນເປັນດິຈິຕອນ 1. ລັດຖະບານດິຈິຕອນ 2. ເສດຖະກິດດິຈິຕອນ ແລະ 3. ສັງຄົມ ດິຈິຕອນ. : ໃນຕອນບ່າຍ ຂອງວັນທີ 02 ສິງຫາ 2023, ສູນບໍລິຫານລັດດິຈິຕອນ, ກະຊວງ ເຕັກໂນໂລຊີ ແລະ ການສື່ສານ ໄດ້ຈັດກອງປະຊຸມສຳມະນາແລກປ່ຽນບົດຮຽນກ່ຽວກັບ ການຫັນເປັນລັດຖະບານດິຈິຕອນ ຢູ່ ສ.ເກົາຫຼີ ແລະ ຢູ່ ສປປລາວ ຮ່ວມກັບ ກຸ່ມບໍລິສັດ ໂຄລາວ (ບໍລິສັດ ກອ໋ກ ກອ໋ກ ຈຳກັດຜູ້ດຽວ), ທີ່ຫ້ອງປະຊຸມຊັ້ນ 05 ກະຊວງເຕັກໂນໂລຊີ ແລະ ການສື່ສານ (ຕຶກສີສະເກດ) ໂດຍການໃຫ້ກຽດເປັນປະທານຂອງທ່ານ ນາງ ວັນນະພາ ພົມມະທັນສີ, ຮອງຫົວໜ້າ ສູນບໍລິຫານລັດດິຈິຕອນ, ກະຊວງເຕັກໂນໂລຊີ ແລະ ການສື່ສານ ແລະ ທ່ານ ຊຸນຮຽນໂຈ, ປະທານ ກຸ່ມບໍລິສັດໂຄລາວ (ບໍລິສັດ ກອ໋ກ ກອ໋ກ ຈຳກັດຜູ້ດຽວ), ໂດຍມີຜູ້ເຂົ້າຮ່ວມຈາກບັນດາກົມ/ສູນທຽບເທົ່າ ພາຍໃນກະຊວງ ເຕັກໂນໂລຊີ ແລະ ການສື່ສານ ເຂົ້າຮ່ວມທັງໝົດ 55 ທ່ານ. :