ເສົ້າແລ້ວຈັ່ງໃດ ໄປຕໍ່ທະແມະ!

ປະກາດ 2024-01-10 11:32:24

ຄວາມເສົ້າ ຄວາມເຫງົາ ຄວາມດຽວດາຍ ເປັນສິ່ງທີ່ທຸກຄົນບໍ່ໄດ້ໄຝ່ຝັນຫາ ໃນຍາມທີ່ມັນເຂົ້າມາຫາ ເຮົາກໍບໍ່ອາດຈະລະຖິ້ມຄວາມຮູ້ສຶກອອກໄປ ເຮັດໄດ້ພຽງແຕ່ນັ່ງຈົມກັບຄວາມທຸກ ແລະ ຍອມຮັບໂຊກສະຕາ

ເຊື່ອວ່າມີຄົນເຮົາຍ່ອມເຄີຍມີອາການເສົ້າ ແລ້ວມັນເກີດມາຈາກຫຍັງ ແລ້ວເຮົາຈະເອົາມັນອອກຈາກຊີວິດເຮົາໄດ້ແນວໃດ ເພື່ອຈະເຮັດໃຫ້ອາການເລົ່ານີ້ບໍ່ເກີດຂຶ້ນອີກ?

ຄວາມເສົ້າເກີດຈາກຫຍັງ?

ຄວາມເປັນອາການທີ່ເກີດຂຶ້ນໂດຍທຳມະຊາດ ເຊິ່ງເປັນການຕອບສະໜອງກັບຊ່ວງເວລາທີ່ຍາກໃນຊີວິດgເຊັ່ນວ່າ ການສູນເສຍຄົນຮັກ, ການຖືກບອກເລີກ, ການເງິນທີ່ບັນຫາ. ນອກນັ້ນຍັງເກີດມາຈາກສາກເຫດທາງກາຍະພາບເຊັ່ນ ການຜ່າຕັດໃຫຍ່, ການນອນພັກຜ່ອນບໍ່ພຽງພໍ ຫຼື ເກີດຈາກຢາບາງປະເພດ.

ຄວາມເສົ້າຍັງເປັນສາເຫດຕໍ່ເນື່ອງທີ່ເຮັດໃຫ້ເກີດອາການ ຄຽດ, ເຫງົາ ແລະ ກ້າວໄປເຖິງອາການຊຶມເສົ້າ ບໍ່ເຂົ້າສັງຄົມ ຂາດຄວາມໝັ້ນໃຈໃນໂຕເອງ ຈົນບໍ່ເຫັນຄຸນຄ່າໃນໂຕເອງກໍເປັນໄດ້.

ໃນເມື່ອຄວາມເສົ້າມັນຮຸນແຮງແບບນັ້ນ ເຮົາຈະຮັບມືກັບມັນແນວໃດ ຫຼື ຈະແກ້ໄຂແບບໃດ

ວິທີທາງແກ້ໄຂ ແລະ ປ້ອງກັນ

ຖ້າຫາກເຮົາມີອາການເສົ້າຢູ່ແລ້ວ ໃຫ້ຮັບຮູ້ວ່າເຮົາກຳລັງເສົ້າເລື່ອງໃດ ສາເຫດໃດທີ່ເຮັດໃຫ້ເຮົາເສົ້າ
ຍອມຮັບຄວາມຈິງ It’s okay to feel not okay
ຈັດລຳດັບຄວາມສຳຄັນສິ່ງທີ່ເກີດຂຶ້ນໃນຊີວິດຂອງເຮົາ ແລ້ວຄ່ອຍໆຈັດການໄປເທື່ອລະເລື່ອງ
ອອກກຳລັງກາຍໃຫ້ພຽງພໍ ໃຫ້ເຄື່ອນໄຫວຮ່າງກາຍເປັນປະຈຳ ເລືອດລົມຈະໄດ້ໄຫຼທົ່ວຮ່າງກາຍ
ກິນອາຫານທີ່ມີປະໂຫຍດ ໂດຍະເພາະຜັກໃບຂຽວ ມັນຈະຊ່ວຍໃຫ້ເລືອດບໍ່ເປັນກົດ
ພັກຜ່ອນໃຫ້ພຽງພໍ ແລະ ເໝາະສົມ ບໍ່ເກີນ-ບໍ່ຫຼຸດ 8 ຊົ່ວໂມງ

ຜູ້ຂຽນຮູ້ວ່າຊີວິດມັນລຳບາກ ແລະ ຍາກພຽງໃດ ຈຶ່ງຂໍເປັນກຳລັງໃຈໃຫ້ຜູ້ອ່ານໝົດທຸກຄົນ ເຮົາມາຈັບມືກັນ ຜ່ານຜ່າອຸປະສັກທຸກຢ່າງໃຫ້ໄດ້

ຂໍຂອບໃຈທຸກທ່ານທີ່ອ່ານ. ນີ້ແມ່ນບົດຄວມຕອນທີ #7/100. ດຽວນີ້ຜູ້ຂຽນກຳລັງທ້າທາຍຕົນເອງໄດ້ຂຽນບົດຄວາມ 100 ບົດຄວາມໃນປີ 2023. ຊ່ວຍເປັນກຳລັງໃຈໃຫ້ແດ່ເດີ

— — — — — — — — — — — —

Edventure Tech — ຊ່ວຍສ້າງຄຸນະພາບຊີວິດຂອງທ່ານໃຫ້ດີຂຶ້ນດ້ວຍການສຶກສາດ້ານເທັກໂນໂລຊີ Edventure ເປັນການປະສົມຄຳລະຫວ່າງ Education ບວກກັບ Adventure ເພາະການຮຽນຮູ້ແມ່ນການປະຈົນໄພ

— — — — — — — — — — —

ຕິດຕາມ Edventure Tech ໄດ້ຊ່ອງທາງອື່ນໆໄດ້ເພີ່ມຕື່ມ